Инша"Ул көндәрҙең даны мәңге өнөтолмаҫ"

“Ул көндәрҙең даны мәңге онотолмаҫ”

Учалы районы муниципаль дөйөм белем биреү учреждениеһы  3-сө лицейҙың 5-се синыф уҡыусыһы Байгарина Рушананың конкурс иншаһы.

Уҡытыусыһы:Фәсхетдинова Азалия Әхәт ҡыҙы.

Телефон для связи: 8-965-924-23-01 Адрес электронной  почты:  sch_3 @ inbox.ru

1941 йылдың 22 июнендә немец илбаҫарҙары илебеҙгә һөжүм итә.Һуғыш башланыу менән ир-егеттәр фронтҡа китә.Минең тыуған ауылым Абҙаҡтан да яуға бик күп ир-егеттәр алына ..Бәләкәй генә ауылдан  177  кеше илен һаҡларға китә. Шуларҙың  98 әйләнеп ҡайта алмай ,яу яланында ятып ҡала.

Минең олатайым , йәғни олатайымдың атаһы Мирасов Фәтих Фөтөх улы ла Бөйөк Ватан һуғышында ҡатнаша.

Ул 1924 йылда Учалы районы Абҙаҡ ауылында тыуа.Заманына күрә белемгә ынтылыусан, алдынғы ҡарашлы егет булған.Һуғышҡа тиклем ликбез (ликвидация безграмотности) уҡытыусыһы була. Ауыл йәштәрен уҡырға,яҙырға өйрәтә.

1942 йылда фронтҡа юллана.Курск дуғаһындағы ҡаты һуғыштарҙа   һәм Гомель эргәһендәге алышта ҡатнаша.Шунда ауыр  яралана,госпиталдә дауалана . Артабан һуғышырға яраҡ һыҙ булғас, уны ауылына ҡайтаралар.Олатайымдың хәле бик шәптән булмай.Шуға күрә уны ауылына тиклем  шәфҡәт туташы оҙатып килә.Уны һуғыштан ата- әсәһе һәм 3 һеңлеһе ҡаршы ала.

Яуҙағы ҡаһарманлығы өсөн олатайым бик күп орден-миҙалдар менән наградлана.Уларҙың араһында Батырлыҡ өсөн һәм Ватан өсөн тигән ордендары  уның өсөн иң ҡәҙерлеһе булған.

 Олатайымдың тубығында ғүмере буйына снаряд ярсығы йөрөй.Аяғы бик ныҡ  һыҙлай торған булған, шуға ла ғүмер буйы аҡһап йөрөгән.Ул  икенсе группа инвалиды була.Шулай булыуға ҡарамаҫтан ,ғүмер буйына һатыусы булып эшләй. 5 бала үҫтерә,ейәндәрен дә күрә.Балаларына яҡшы тәрбиә бирә.Олатайым хәҙер  арабыҙҙа юҡ инде .1999 йылда 75 йәшендә вафат була.

Олатайым йыш ҡына: “ Беҙ күргәнде балалар күрмәһен, донъялар тыныс булһын”, -тип ҡабатларға яратҡан.Өфө лә сыҡҡан Һуғыш хәтирәләре тигән китапҡа  олатайымдың да фотоһы ингән.

Олатайым тураһында яҡты иҫтәлектәр күңелебеҙҙә мәңге ҡаласаҡ.