Сочинение "Тиринь ёнкс"

МОУ «Средняя общеобразовательная школа №8»

Тиринь ёнкс.

                                                                                                 Сочинения

6– це Б классонь тонавтницянть

                                                                                                                     МОУ « 8 – це средней

общеобразовательной школа»

                                                                                                          Амирова Алсунь.

Тонавтыцясь Ледяйкина Л. А.

Саранск ош, 2014 - це ие.

Монь вечкевикс  тиринь ёнксом. Зяро неть валтнэсэ путозь вечкема, лембе потмоёжо. Монь коряс, арась вейкеяк  ломань, кона бу а вечкевлизе тиринь масторонзо. Тесэ сон васенцеде ёвтызе авай валонть, васенцеде чалгась тиринь моданть лангс. Кодамо бу сон а улевель вишкине, покш ли-те тонь чачома пельксэть, эрямо таркат.

Мон эрян Мордовиясо. Чачома ёнкссом пек ламо мазый, тусто вирть, келей домка лейть, покш эрькть, мазый пиже лугат, келей паксят. Улить покш ошт, вишка велинеть. Тесэ эрить пек паро мелень кандыця ломанть. Вечкить важодеме паксясо, морыть мазый морот, кортыть эсь тиринь кельсэст. Самай неть моротнесэ ды ёвтневи те покш вечкемадонть эсь крайденть, тиринь мастордонть. Мон пек вечкса эсь тиринь ёнксом – Мордовиям. Аволь умок тонавтыцям марто путынь превс пек мазый эрзянь моро. Вана нейгак састь мелезэм те моростонть истят валтнэ:

Эряк, эряк, тиринь мастором!

Эряк, эряк, тон монь мельспаром!

Увност виреть, паксят кенярдовтост,

Леень ведтнень кадык а ёми ваньксост.

Кодат домкат, виевть, кенярдовтыцят неть сюпав моротне!

Мон весе эрямонь перть карман бажамо а ёмавтомс те вечкеманть седейстэнь, бути пингесь кандсамам кодамо- бути лия ошс, лия масторс.

Ули мелем ёвтамс тиринь раськень туртов истят валт:

Ванстынк вечкевикс тиринь ёнксонк, тиринь келенк, илянк ёмавто пертьпельксэнь мазычинть, ванькс коштонть! Ансяк сестэ карматано алкуксонь ломанькс. Сестэ кенярдозеви ды мизолдозеви тенек вечкевикс тиринь мастором –монь Мордовиям.