Конкурсное сочинение "Письмо ветерану" на осетинском языке

                                                                              ..Ды нё сёрвёлтау фёцыдтё,-

                                                                              Уа цёмёй тыхгёнёг саст.

                                                                              Ды нё сёрвёлтау хёцыдтё,

                                                                              Истай не знагёй нё маст…

                                                                                                  (Хъазбегты Хъазбег)

                Зынаргъ  Фыдыбёстёйы Стыр хёсты Ветеран! Дё бон хорз ёмё ёнёнизёй сёмбёл, тагъд ёнёхъён Уёрёсе ёмё дуне  цы кадджын бон бёрёг кёндзён, ууыл!

       Сочинениты конкурсы темё нын ахуыргёнёг куы загъта, уёд  хъуыды кодтон  цы  ныффыссоныл  нё, фёлё дын,  цымё  ёхсызгон уаид мё писмо райсын ёви куыд? Мёнмё гёсгё, ёхсызгон, уымён ёмё абоны ветераны, стёй дё карён зёронд адёймаджы царды ницыуал хъёуы,  ёнёниздзинад  ёмё  ёмбёлгё  цёстдардёй фёстёмё -  кёимё аныхас кёнай, дё риссаг мысинёгтё та кёмён ракёнай, ахём ёмбал дё куы уаид,  зёгъгё.

     Кёд абон Фыдыбёстёйы хёсты хабёрттё ёппёт дёр хъуыстгонд сты, уёддёр мын ёхсызгон вёййы исты ног цаумё байхъусын, кёнё бакёсын. Тынг цымыдисаг  у сымах, хёсты ветеранты, цард, раст уё алкёуыл дёр чиныг ныффыссын ёмбёлы. Цас диссаджы хабёрттё дзы бакёсид лёг! Ёмё мын уымён вёййы тынг хъыг, хёстон салдаты, уымёй дёр ветераны, ёфхёрды кой куы фехъусын, уёд. Стёй не ’мбарын, куыд ис бафхёрён ахём лёджы, сёрибары сёрыл йё цард раттынмё цёттё чи уыд?! Не мбарын, куыд хъуамё цёра абон, 65 азы фёстё, цавёрдёр хёлддзаг хёдзары, йе  та дон ёмё ардзон газёй цух уавёрты? Худинаг  зёгъын ёз, уыцы хъуыддаг аразинаг кёмёй у, стёй уыцы фарстатё  сраст кёнын кёй бёрны сты, уыдонён.

      Бирётё абоны кёстёртём уайдзёфы цёстёй кёсынц, фёлё ёз ме ’мгёртты ’хсён ахёмты зонын, уымёй дёр тынг бирё, ёмё алы  хёсты ветеранмё дёр раст хъёбатырмё кёсёгау  чи кёсы. Ёцёг афтё у!!!

     Мах, цыппёрдёс ёмё фынддёсазыккон кёстёртё, сымах нымайём ёцёг хъёбатыртыл, уымён  ёмё абон, ёвёццёгён, уё лёгдзинад чи равдиса, ахёмтё бирё нё разындзён. Фёлё алцыдёр уавёрёй у! Чи зоны, бахъуаджы сахат исты сарёхсиккам, нё фёхудинаг кёниккам уё ном. Нё фыдёлтё худинаг никуы хастой сё сёрмё, ёмё мах дёр ирёттё куы стём.         Сымах цы бёстё хъахъхъёдтат, мах дёр уым куы цёрём, уёдё йё уарзгё дёр кёнём. Нё зонын, фёлё цымё сбёзиккам! Уё фёдонтё не стём?

     Чысыл фыдуаг дёр акёнём, фёлё Къостайы загъдау, «лёппуйё рёдиаг нё вёййы ёвзёр». Ёмё уё уырнёд, ныфс уын кёй уыдзыстём,уый…  Бирё фёрстытё дём раттин.. Цы уыди ёппёты зындёр тохы быдыры, кёнё та - ёппёты ёхсызгондёр?  Цы нымайыс  де стырдёр рёдыдыл, цы та – стырдёр ёнтыстыл?  Чи уыд дё хуыздёр амбал, кёнё  дё хуыздёр хёстон разамонёг?  Цавёр ёнёферохгёнгё цау лёууы дё зёрдыл ёппётёй тынгдёр, ёмё ма  бирё ёндёр фёрстытё. Цас хорз мысинёгтё  мын радзурис!..

       Бузныг ма иу хатт, зынаргъ Ветеран! Ёз дё канд хёсты нё, фёлё ма хонын фёллойы ёмё  сгуыхт царды ветеран дёр – ёртё хатты Ветеран – уый кёуылты у!

       Мё зёрдё дын зёгъы, цёмёй ма бирё азты ёнёниздзинадёй  ёмё нё паддзахады,  дё сыхёгты,  дёхиуётты  цёст ёмё хъусдардёй цух куыд нё уай!