Рассказ "Әниләр көне гөрләп үтте".

                             Әниләр көне гөрләп үтте.

   Без быел гына мәктәпкә килдек.  Мәктәптә безгә бик ошый.  Укытучыбыз Рузия Габделбаровна белән бик тырышып укырга һәм язарга  өйрәнәбез. Дәрестән тыш вакытларда  уйныйбыз, биибез,  җырлыйбыз, кул эшләре белән шөгыльләнәбез.  Төрле уен- ярышларда, конкурсларда, кичәләрдә катнашабыз.

      Күптән түгел “Әнкәй – җирдә иң зур кеше” дип аталган бәйрәм үткәрдек. Башта бәйрәмгә зурлап әзерләндек.  Иң алдан  сөекле әниләребезгә үз кулларыбыз белән бүләкләр әзерләдек.  Яхшы  шигырләр,  матур җырлар, кызыклы биюләр өйрәндек. Барысы да әзер булгач, әниләребезне кунакка чакырдык.

        Бәйрәм бик күңелле узды. Мәктәптәге барлык укучылырның да әниләре килгән иде.  Алар көлешә- көлешә безнең чыгышны карадылар. Күңелләре бик шат иде. Димәк, бәйрәмебезгә әйбәт әзерләнгәнбез.

                                   Нигәмәтҗанова Әдилә,  1 нче сыйныф укучысы.

                                                                     1 сыйныф укучылары.