Инша "Татар телен өйрәнүче яңа гасыр галиме: минем караш".

                  Кешелекнең иң зур байлыгын милләтләр тәшкил итә. Һәр милләт үз теле, мәдәнияте белән яшәешне бизи, баета һәм үзе дә башка халыклар белән аралашып үсә, алга китә. Безнең Татарстаныбызда күп төрле милләтләр, үзара аңлашып, тату гомер итә. Минем туган ягым Саба районы Иштуган бистәсендә дә 7  милләт вәкиле бергәләп дус яши. Үземне белә башлаганнан бирле, авылым кешеләре кайгысын да, шатлыгын да бергә уртаклаша. Мәктәбебездә татар, рус, удмурд балалары укый. Мин  -  рус кызы. Исемем – Юлия, фамилиям – Горшкова. Татар милләтен, телен гаиләбез хөрмәт итә. Әтием әйтә: “Эш милләттә түгел, кешенең рухи дөньясы нинди булуында. Русның да, татарның да төрлесе була”,-ди.