Я.Г.Ухсая халалласа

                    Я.Г.Ухсая халалласа

 Ухсайăм, сан пекех саватăп

Ҫуралнă енĕм, Кĕҫĕн Чак ялне.

Кирек ăҫта пулсан та эп усратăп

Ҫуралнă ялăн капăр илемне.

Ухсайăм, сан пекех саватăп

Кайăк сассиллĕ ешĕл садсене,

Симĕс пуставлă  уй-хирĕмсене,

Ҫаран чупса ҫӳренĕ сукмакне.

Ухсайăм, сан пекех саватăп

Шăнкăр-шăнкăр юхан шывăмсене,

Пĕр чарăнмасăр тапакан ҫăл куҫăн

Сиплĕ шывне ас тивнĕ куркине.

Ухсайăм, сан пекех саватăп

Ҫуралнă ялăн улах-ҫаранне,

Ывҫи-ывҫи ҫырла пухатăп

Пыл хурчĕ сĕрлекен улăхсенче.

Тăван яла эп ямăп асăмран,

Ӳссе ҫитсессĕн аякка кайсан та.

Килсе курсамăр ăшă кăмăлтан

Вăрмар ҫĕрне, Чак тăрăх таврашне.