Ут белән уйнамагыз!

 УТ БЕЛӘН УЙНАМАГЫЗ!

Бер авылда  бик тәртипсез

Бер малай яшәгән, ди,

Ваемсызлык аркасында

Зур бәла эшләгән, ди.

Эскерт астына кереп,

Кырын төшеп яткан, ди.

 Кешедән качып папиросны

Авызына капкан, ди.

Шырпы сызган, төтен йоткан,

Буылып- буылып йөткергән.

Папиросны читкә атып,

Теш аралый төкергән.

Ә папирос  мыштым гына

Эскертне көйрәткән, ди.

Талгын җилләр утны һаман

Эскерткә үрләткән, ди.

 Ут  кулын көйдереп алгач,

Малай сискәнеп киткән.

Шул арада ялкын теле

Эскерт  уртасына  җиткән.

Инде малай бар көченә

Авылына ычкынган.

“ Янабыз бит, коткарыгыз!”-

Дип каравыл кычкырган.

Янгынчылар, килеп җитеп,

Бу янгынны сүндергән.

Тик шулай да зур эскертне

Ялкын ялмап өлгергән.

Утны санга санамасаң,

Килеп чыгар һәлакәт.

Малайга кыйбатка төшкән

Бер ваемсыз хәрәкәт.

Әй, балалар! Сез дә шулай

Ут белән уйнамагыз!

Шуклык эзсез узар, диеп,

Һичкайчан  уйламагыз!

Хөсәенова Айназ, Бөрбаш Сәрдегәне

 башлангыч мәктәп-балалар бакчасының

 4 нче сыйныф укучысы