Дален- павазонь канды тише

МБОУ «Мордовско-Козловскяй средняй общеобразовательнай школась»

Атюрьевскяй муниципальнай районць

Азкс

«Дален-павазонь канды тише»

                              Сёрмадозе 9-це классонь тонафнись

Пронина Вера

2016-2017к.

Павазсь- тя мъзярда ули семьяце, коса сембе шумбрат-тазат,ули кудце,ули покадема вастце.

Монь ялгазе, мъзярда нинге одолень, азондсь тейне фкя тишень колга. Сон  касы вирь потмоса, летьке вастса,Ламар ляйть крайга.

 Лемоц тя тишеть дален- сон павзонь канды. Эряви аф сонць тишесь, а унксонза.

Ялгазе азондсь, конашка паваз даленць кандсь сонь содаф ломанензонды а, кирдемок тя ункснень кудса,мезеньге равжа вий аф сувави, нъльне аф нежедеви юрхтозт. Монь тоже эвондась мялезе мумс ня ункснень, конат полафтсазь аф пяк удалафста ушетф эряфозень.

Фкя мани шиня, рана шобдава, мон ялганень мархта сърхкань  павазонь вешема.

Эх и пароль вирьге  молемась: ару кожфкясь, кенерьф кстынь и мазы панчфонь шиненясь, нармонень моротне- сембось кепсезе мяленьконь.

Пачкодемок велети,минь суваме эряфкшу ломанень шири,конань ни кунара содаськ и эняльдеме тейнза, штоба няфтелезень далеттнень.

Сиренясь ашезь атказа молемс мархтонк.

Молемоньберьф Анна баба няфнесь и азонкшнесь инголенк повонды тишетнень колга, кодама урмат пъчкафтыхть или нинге, мезенди синь кондястихть, сянкса кувака кись етавсь пяк вишкста.

Мъзярда сувафтомазь вирть потмос, эрявикс вастти, бъта перьфпяльське полафтсь.Оцю пичетне и кусне тиендезь кужеть шобдакс, ашезь ноля шить сюролданзон тястонь касыксненди. Ляйса ведсь няевсь равжазакс, шудесь комболдозь, а идень вайгяльса авардезь аварди нармоннясь, тиендезе тя вастть нинге сяда шобдакс и пельксокс.

Анна баба няфтезень сери эчке тишетнень и азозень, кода таргамат синь ункссна. Сон мярьгсь тейнек нолдамс шяяреньконь и явсезь таргамс  далеттне.

Васень унксть таргазе бабанясь сетьмоняста явсезь.

Няемок тянь, монь фатямань рахама и, рахазь летьке модать потмоста тарксень ункст.

Анна бабанди синь ашесть эряв, а минь павазонь вешихне, рахаме, мораме, но ашеме аварде, кочкаме котошкань корянь, и кенярьдемок, што миньге сатоме тяфтама ункст, и, што павазсь ули мархтонк, пара мяльса туме куду.

Етась мъзярошка пинге, монь сатомань оцюдонга оцю пичефкс, а меле нинге палсь кудозе, коряттневок палсть мархтонза.

Омбоце ялгатьке зиянць кудонц вакска ашезь ета. А колмоцесь сярятькстсь аф пъчкафтови урмаса и кулось. Юрхтоц  кольсь-каладсь, шамсь.

Кунара юкстафоль дален коряттнень колга.

А весть арьсезевонь етаф эряфозень колга и лядсь мялезон, кода якань павазонь канды  тишень вешема. Корятть кандонь, но павазсь ашезь сува кудозон.