Æрыдоны фыццæгæм астæуккаг скъола

ИРЫСТОНЫ КИНЕМАТОГРАФ

Куыст бацæттæ кодта:

9 –æм къласы ахуырдзау

Магкœты Дзерассœ

Наукон  разамонœг:

ирон æвзаг æмæ

литературæйы

ахуыргæнæг

Лохты Ритæ.

Æрыдон, 2016 аз

Сæргæндтæ.

Бацœуœн.        

Сæйраг хай.        

Кæронбæттæн.        

Литературœ.        

Æмхасантæ.        

Темæйы актуалондзинад.

Кæй зæгъын æй хъæуы,  ирон кинематографы аивадон куыстыты  идейон – аивадон  мидис  тынг  разæнгард кæны  ирон   адæймаджы йæ национ хиæмбарынады фарстатæм раздахын, хатдзæгтæ скæнын æмæ фидæныл асагъæс кæнын. Абон ацы хъуыды  у рæстæджы ахсджиаг домæн .

Ирыстоны кинематографы  стъалыты бирæвæрсыг куыстытæ хъуамæ зоной  æмæ сын аккаг аргъ кæной  Ирыстоны цæрæг адæм.

Иртасæн куысты объект.

Æркæсын нœ кинематографистты цард æмæ сфæлдыстадмæ.

Мæ иртасæн куысты хæстæ:

- базонгæ уæвын ирон кинематографы режиссертœ, сценаристтœ œмœ актерты  цард æмæ сфæлдыстадимæ;

- равзарын ирон киноаивады   сæйрагдæр  лейтмотивтæ.

Куысты теорион æмæ практикон  ахадындзинад.

Куыд зонæм , афтæмæй  нœ абоны фœсивœд нœ зонынц ирон кинематографийы истори, зонгœ не сты , советон заманы ирон кино  цы диссаджы   режиссертœ, сценаристтœ œмœ актертœ кодтой, уыдонимœ.Уымæ гæсгæ , ацы иртасæн куыст фæахъаз уыдзæн, ирон кинематографи хуыздœр  базонын кœй фœнды, уыдонæн.

Бацœуœн.

Зœххыл цы адœм цœры, уыдонœн алкœмœндœр йœ культурœ рœсугъд у. Фœлœ дзы уœддœр мах культурœйы хицœндзинœдтœн œмбал нœй. Фыццаджыдœр, уый тыххœй, œмœ  фидар баст œрцыд œфсарм œмœ œгъдауы фœзилœнтимœ. Уыдон нœ кинойы, нœ зарджыты, нœ кœфтыты  бœрœг дарынц, нœ драматургийы, нœ поэзийы, нœ къухты арœхстдзинадыл дœр зынынц.  Бœрзонд œмœ фидар у нœ аивады мœсыг.  Æз œрлœудзынœн  киноаивадыл.

Æвœдза, киноаивадœн аргъ скœнын зын у.    Уый  зынгœ бынат бацахста нœ царды.  Æнœкœрон у йœ ахадындзинад хъомыладон куысты. Кинойы фœрцы мах хœстœгдœр базонгœ вœййœм нœ бœстœйы  œмœ дунейы  историимœ, ног хабœрттимœ, хœсты œмœ фœллойы хъœбатыртимœ, наукœ œмœ техникœйы ногдзинœдтимœ, кино нœ ахуыр кœны нœ номдзыд фыдœлты  хорз миниуджытœ фœзмыныл,рухсдœр фидœнмœ ныфсджынœй кœсын œмœ цœуыныл, царды œцœгœлонœй, зианхœссœгœй цы ис,уыдœттœм œнœуынон цœстœнгас дарыныл. Кинойы фœрцы мах фенœм, зœххыл цы диссœгтœ цœуы, канд уыдон нœ, фœлœ ма суанг космосы , уœларвы сусœгдзинœдтœ, адœймаг Мœймœ фœндœгтœ куыд айгœрста, уыдœттœ дœр. Цыбыр дзырдœй, киноаивад у уœрœх дзыллœты раст зондахастыл хъомыл кœныны домбай  фœрœз.

Кинойы дуг райдыдта 1895 азы    декабры, Парижы   Луи Люмьер цœугœ къамтœ  œвдисœг аппарат куы фенын кодта, уœд. Цалдœр мœйы фœстœ кино фœзынд Санкт- Петербурджы  œмœ Мœскуыйы. Ног диссаг фенœг уœрœсейаг горœтты хсœн уыд Дзœуджыхъœу дœр. 1897 азы 16 июны драмон театры залы œвдыст œрцыд  ссœдзминутон- «гоби» кино. Экраны нывтœ ивтой кœрœдзийы: уылœнтœ згъордтой змисджын былгœронмœ, рельсытыл, фœздœджы къуыбылœйттœ здухгœ , тахтис паровоз, цъœх фœзыл хъазыдысты сывœллœттœ.

Адœмы дисœн кœрон нал уыд,ног œмœ ногœй куырдтой киноаппараты хицауы, цœмœй ма иу хатт равдиса кино. Дыккаг бон газет «Терские ведомости» уыцы цау банымадта œнусы диссагыл.  Рацыд цалдœр азы  œмœ сœдœгай дзœуджыхъœуккœгтœн дœр фœцис фадат ацы ног диссагимœ базонгœ уœвынœн.

Ссœдзœм œнусы райдианы кинотеатртœ- уœд сœ хуыдтой  «электробиографтœ» - фœзындысты Терчы облœсты  бирœ горœтты- Налцыччы, Грознайы, Мœздœджы, Пятигоркы, Кисловодскы, Георгиевскы. Кинотеатрты зынгœ хай  уыд Дзœуджыхъœуы -  ацы регионы административон œмœ культурон центры.  Александры проспекты ( ныр Сабырдзинады проспект)  уыд цыппар кинотеатры: « Пате», «Модерн», «Риччи» œмœ «Гигант», ноджы ма œртœ кинозалы  куыстой клубты- œрмгусджыты, приказчикты œмœ горœты œхсœнадон œмбырды клубты.

Фыццаг сырœзт œмœ йœ дуœрттœ адœмœн бакодта  кинотеатр «Пате»( ныры «Комсомолец»). Йœ  истори райдыдта 1906 азœй, Александры проспекты Аксеновайы хœдзары дыккаг уœладзыгœй, 250 бынаты кœм уыд, ахœм кинозал куы сарœзтой, уœд. Адœм - иу ардœм схызтысты уынгœй цœнгœт асинтыл. Кино - иу цыд 40 минуты. Стœй -иу экран систой œмœ- иу сценœмœ рацыдысты акробаттœ, зарœггœнджытœ кœнœ  пьесœйы хъазœг актертœ.  Рœстœгœй- рœстœгмœ - иу залы  арœзт œрцыд хъазтизœртœ, маскарадтœ кœнœ  кœфтытœ.

Ахœм рœстœг- иу проекцион аппарат œвœрд уыд залы, бандœттœ пъолмœ фидаргонд нœ  уыдысты.  Адœмœн тœссаг уыдысты  цœхгœрмœ  œвœрд асинтœ  œмœ къуындœг цœуœнтœ дœр, сонт змœлды кœнœ зынгсирвœзты рœстœг тас уыд, адœм кœрœдзи куы ныцъцъист кœной, уымœй.

1911 азы кинематографтœ  аразын  райдыдтой ног хуызы, дуœртты, асинты уœрх хъуамœ уыдаид бœлвырд бœрœггонд , бандœтты хсœн  ацœуœн- уœрœх œмœ а.д.

Уымœ гœсгœ  Дзœуджыхъœуы полицмейстер сœхгœдта  œппœт клубты  кинозалтœ дœр.  Уыимœ амалхъом лœгтœ Хъœрджынты Илья  œмœ œфсымœртœ  Хмаратœн дœр горœты цирчы хъœдын агъуысты кинотœ œвдисын нал уагътой.

Ног уагœвœрд афтœ карз уыд, œмœ кинотеатртœ цыбыр рœстœгмœ ног хуызы  куы нœ рацарœзтаиккой, уœд œхгœд œрцыдаиккой. 1911 азы кœрон «Пате» -йœн фыццаг уœладзыджы ног зал сарœзтой œмœ уырдœм «œрхызт», электробиограф «Риччи»-йы ( уыд  Афицерты хœдзары раз цы фонтан ис, уый бынаты) дœр ног домœнтœм гœсгœ арœзт œрцыд асинтœ. 1913 азы Дзœуджыхъœуы хицау Байаты Гаппо радта бар кинотеатр « Гигант» байгом кœнынмœ, сœрмагонд къамис œй куыстмœ цœттœйыл куы банымадта, уœд.

Фыццаг  дунеон хœсты размœ Дзœуджыхъœуы драмон театр, цирк œмœ концерттœм уыйбœрц адœм нœ цыд, кинотеатртœм цас цыдис. Билеты аргъ уыд 10-50 капеччы, киномœ  бацœуыны фадат алкœмœндœр уыд- хуымœтœг кусджытœн, œххуырстытœн, ахуырдзаутœн,салдœттœн.

Æвдыст цыд уœрœсейаг кинопродукци , драмон кинонывтœ «Сау œндœргтœ», «Скъуыд рœхыстœ», «Монцты арты»,комедитœ: «Æнœ гънœджытœ  лœг»(А.Аверченкойы радзырдмœ гœсгœ) œмœ а.д. Киноуарзджытœн зындгонд уыдысты уœды рœстœджы артистты нœмттœ- Вера Холодная, Владимир Максимов, Витольд Полонский œмœ Осин Рунич.

Фыццаг дунеон хœстœй фœстœмœ хицауад кинотеатрты  репертуармœ афтœ тынг йœ цœст нал дардта. Адœм цыдысты хъœлдзœггœнœн кинотœм, цœмœй сœ œцœгдзинады  тас œмœ зынтœ рох кœной. Цымыдисаг уый у,œмœ Уœрœсейы монархийы фœстœ бонты Дзœуджыхъœуы электробиографтœ хœстон документалон кинотимœ œвдыстой порнографион кинотœ дœр.  Уавœр аивта œрмœст Октябры революцийы фœстœ, уœд ног хицауад кинематографмœ ног œнгасœй акаст.

Сæйраг хай.

Ирон национ кинематографийы истори  œрбиноныг 20 œнусы фыццаг œмбисы.Номдзыд кинорежиссер Б.А.Михин Мœскуыйы киностудийы 1926 азы хуызджын экраныл  уд бауагъта ирон сюжетыл  амад киноныв «Абрек Заур»-ы . Аив ахорœнтœй нœртон фœлгонц скодта национ кинематографийы  фыццаг курдиатджын киноартист Бестауты Владимир.  Киноаивады уымœй стырдœр  œнтыст бафтыд   Гуырдзыстоны  аивœдты сгуыхт архайœг, ССР Цœдисы Кинематографистты цœдисы уœнг, кинорежиссер Уалыты Ладемыры къухы.

Тбилисы киноактерон студи каст куы фœцис, уœд Уалыты лœппу  йœ ахуыр адарддœр кодта  Мœскуыйы кинематографийы институты.  Ам йœ ахуыргœнджытœ уыдысты  киноаивады номдзыд дœснытœ Сергей Эйнштейн œмœ  Всеволод Пудовкин.

Владимир ма студент куы уыди, уœд йе мкурсонтœ Евгений Ермаков œмœ Николай Лисицынимœ  ссыд Ирыстонмœ œмœ ам фыццаг хатт кинолентœмœ систой Хетœгкаты Къостайы юбилейы бœрœгбон Знауыры районы.

Уыцы рœстœг  Ирыстоны нœма уыд йœхи киностуди  œмœ Владимир, цœмœй йœ райгуырœн  зœхмœ хœстœгдœр уыдаид, уый тыххœй не сразы «Мосфильм»-ы кусыныл, фœлœ фœстœмœ сыздœхт  йœ райгуырœн уœзœгмœ.

1936 азы Мœскуыйы кинематографийы институт каст куы фœци, уœд Ладемыр райдыдта кусын «Грузия - фильм»- ы хроникалон – документалон кинонывты режиссерœй. Ацы киностудийы Уалыйы - фырт систа хроникалон-документалон – аивадон кинонывтœ.  Æмрежиссерон куыст кодта хуызджын киноныв «Фатимœ» сисыныл, систа цалдœр киножурналы .

1942 азы  Уалыты Ладемыр , оператор Георгий Усениашвили  Ираклий иумœ сарœзтой хœстон киноисœн къорд œмœ    ацыдысты Цœгат Кавказы фронтмœ. Новороссийскы архайдта 18-œм Æфсад Константин Леселидзейы разамындœй . Цы хœстон нывтœ сын бантыст сисын, уыдон арвыстой Тбилисы œмœ Мœскуыйы киностудитœм.

1943 азы Уалыты Ладемыры хœстон къорды уыдысты Василий Шамидзе œмœ Владимир Килласонидзе. 18-œм Æфсады хœстонтимœ режиссертœ œмœ кинооператортœ уыдысты фронты раззаг хаххыл.

Уалыты Ладемыр   фронты кœй систа, уыцы œрмœджытœ бацыдысты документалон кинонывтœм.  Уыдон сты: «Кавказ», «Инœлар Леселидзе», «киножурналтœ: «Советон Гуырдзыстон», «Боны ног хабœрттœ», ссœдзсерион киноныв «Стыр Фыдыбœстœйон».

Фœцис Фыдыбœстœйы Стыр хœст. Сабыргай байгас сты зœххы арф хъœдгœмттœ. Хœстон темœйœ сабырдзинады темœмœ  рахызт  тохы œхсыст  курдиатджын режиссер Уалыты Владимир дœр. Йœ къухы бафтыд ног œмœ ног сфœлдыстадон œнтыстдзинœдтœ. Уый 1946 азы альпинистты къордимœ схызт Ушбайы хохмœ. Систа ног киноныв «Ушба». Уымœн ын стыр аргъ скодтой аивадуарзджытœ.

Æртиссœдз азы сфœлдыстадон куысты аныгъуылгœйœ курдиатджын кинорежиссер  Уалыты Владимир йœ Ирыстонœн  балœвар кодта тынг бирœ кинонывтœ. 1990 азы киностуди  «Грузия- фильм»- ы директор Чабуа Амираджиби бœргœ бавдыста Уалыйы- фырты  йœ кинонывтœ « Искусство, рожденное в горах», «Слово о Васо Абаеве», «Праздник на земле аланов»- ы тыххœй йын цœмœй саккаг кодтаиккой Къостайы преми, фœлœ уыцы гœххœттытœ кœмдœр фесœфтысты.  Уалыты Владимир та фœцис уœззау рынчын œмœ 1992 азы 29 декабры ахицœн йœ цардœй.  Уымœн йœ мœлœт сбарœн ис Моцарты мœлœтимœ- йœ зианœвœрœн  бон œм, хъыгагœн, зœгъынц, œрбацыд тынг гыццыл адœм. Уымœй дœр- йœ хœстœг хионтœ œмœ œмгœрттœ.

Ноджы зындœр та уый у, œмœ ахœм стыр курдиаты хицау адœймагœн фыццаг ирон кино саразœгœн аккаг аргъгонд кœй не рцыд. Йœ мœлœты размœ ,дам, уый, куырдта, цœмœй йœ  баныгœдтаиккой,йœ удœй фылдœр цы аланты зœхх уарзта, уым, фœлœ йœ Хуыцауœй дœр уыцы амонд нœ фœцис.

Уалыйы-фырты ист кинонывтœ бœрцœй  чысыл не сты:

«Алкадзар», «Боевая олимпиада», «Через Кавказский хребет», «На защиту Родины», «Юбилей Коста», «Генерал Исса Плиев», «Герой Сабанов», «Возвращение с победой», «Восхождение на Казбек», «Биография Сталина»,  «Фатима», «Махарбек Туганов», «Праздник на земле аланов» œмœ бирœ œндœртœ.

Хъыгагœн, мах, йœ байзœддœгтœ, ахœм стыр лœджы сфœлдыстадон хъœздыг бынтœй ницы зонœм . Хорз уаид, œмœ Ирыстоны ахœм патриоттœ куы разынид, œмœ нын Уалыйы- фырт  йœ фœстœ цы бирœ  кинонывтœ , архивты хъœздыг œрмœджытœ ныууагъта, уыдон куы бабиноныг кœниккой   œмœ хаст куы рцœуиккой ирон киностудийы аивады къœбицмœ.

Фœндзай азы рацыд , Дзанайты Азанбеджы фыдœбон « Осетинская легенда» прокаты куы фœзындис, уыцы рœсугъд бонœй.  Уымœй райдыдта ирон кинематографи. Архайдтой дзы хœдахуыр артисттœ, разамынд сын лœвœрдта нœ  зындгонд нывгœнœг.

Ацы аивадон лентœйыл кусгœйœ Азанбег йœхи œхцайы фœлхасыл  нœ ауœрста. Чи зоны, йœ  рœбын сафтид , фœлœ уымœй зœрдœрыст нœ фœцис. Мулк ссаргœйœ у, фœлœ хорз хъуыддагœн фадат фœцис œмœ дзы не спайда кодтай – мауал œнхъœлмœ кœс, дыккаг ахœм гœнœн дын нал уыдзœн. Азанбег дœр, œвœццœгœн,афтœ  бацархайдта ,œмœ œнусмœ œнœмœлгœ рауадис  йе сфœлдыстадон œрмдзœф кинойы.

«Осетинская легенда» œмœ « Легенда горы Тбау» иу бындурыл œвœрд , хицœн сценаритыл ист дыууœ кинонывы. Æмœ цыма сценаристтœ œмœ режиссертœ сœ кœрœдзийы зœрдœхудт райсынœй тарстысты, уыйау дзы иу иннœйы аууон куыд нœ фœцис! Иу цœды галтау  œмхœст œмкъахайстœй  цадœггай œрцыдысты  œмœ сœ алкœмœндœр  цард йœхи бœлвырд бынат радта.  Хъайтарон адœймаджы фœлгонц сœ œгœр дзœбœх дœр ма разынд.

Советон Цœдисы адœм «Осетинская легенда»- мœ стыр цымыдисœй кœй бакастысты, уымœн ахœм дœнцœг. Кœддœр,дам,  œй Дзуццаты Къостайœн радзырдта  ленинградаг сылгоймаг  Дзанайты Райœ.

- Нœ горœты кинотеатртœ ирон киноныв œвдисын куы райдыдтой, уœд нœ зонгœтœ, нœ хœлœрттœ та махœн арфœтыл схœцыдысты. Цœй тœхудиаг, дам, стут, йœ мыггаджы дœр ахœм рœдау лœг кœмœн ис. Йœ адœмы ивгъуыд цардыл йœхи хардзœй диссаджы киноныв чи сарœзта.

- Уырысхан къулœй хъисынфœндыр куы райста,- дзырдта,дам, дарддœр Райœ,- œмœ йын йœ кœугœ цагъдмœ иунœджы кадœг куы азарыд, уœд мœ цœссыг фемœхстис. Стœй оператор Ирыстоны œрдз равдисынмœ та куыд сарœхстис, уый йœхœдœг стыр ныхасы аккаг у.  Сœ рœсугъддзинады охыл нœ, фœлœ  дзы архайджыты хуызы сты хœхтœ, кœмттœ, дœттœ, уымœй кинойыл хорз фœзындис, Азанбеджы дœсныйад нывкœнынад кœй у, уый.

Уырысханы ролы ахъазыд хœдахуыр актер Хъœлыцты Æхсар. Уымœн йœ бон бацис рагон лœджы œгъдау, œфсарм œмœ уœздандзинад равдисын.

Кинонывты студи нœм арœзт кœй œрцыд, уый хорз ахъаз фœци нœ республикœйы киноаивады рœзтœн. Æрыгон ирон кинематографийы сарœзтœн зœрдиаг œххуыс бакодтой « Мосфильм»- ы режиссер Юрий Чулюкин œмœ оператор Герман Шатров.

Сырœзтысты нœхи кинематографистты  кадртœ дœр: режиссертœ Роберт Меркун, Дзбойты Бабле, Мерденты Юрий, Бырнацты Измаил, Рафаэль Гаспарянц; оператортœ Темыраты Мирон, Михаил Немысский, Себетты Алан œмœ œндœртœ.

Мœ зœрдœмœ тынг  цœуынц œппœт режиссерты куыстытœ дœр, фœлœ дзы мœ зœрдœмœ хœстœгдœр сты  Дзбойты Баблейы  куыстытœ.

Æхсайœм азты йœ хъысмœт ирон киноаивады  фыццаг къахдзœфтимœ чи сбаста, уыдонœй иу уыд  зœрдœргъœвд œрыгон актер  œмœ райдайгœ режиссер  Дзбойты Бабле.

Цыдысты азтœ… Дœсгай аивадон кинонывтœ , киноконцерттœ, аив сатирикон киножурналтœ  œмœ документалон кинонывтœм бахœццœ  курдиатджын режиссеры  œрмдзœф.

Куыста, архайдта, агуырдта Бабле.  Хуызджын кинонывтœ исынмœ  цы дзœбœх къорд œрбамбырд, уыдоны хсœн уœлдай бœрœг дардта. Æгъдауœй дœр, дœсныйадœй дœр.

« Йемœ кусын- удœнцой,- фыста Æгъуызарты Саукуыдз Дзбойты Баблейы тыххœй.- Цыдœр œбœрœг хъару œмбœхст ис йœ риуы œмœ йын никуы фœуыдзœн. Йœ хœлар цœстœнгасœй œрыгœттыл базыртœ базайы, йœ фœлмœн ныхасмœ йын хъусынц.  Парахат зœрдœ йын ис, адœмы уарзын йе стырдœр хœсыл нымайы… Иу хатт йемœ куы фембœлай, йœ фœлмœн ныхас ын куы фехъусай, уœд œй уый фœстœ никуыуал ферох кœндзынœ… Баблейы уарзондœр артисттœ сты Сланты Къоста œмœ  Саламты Къола. Годжыцаты Исахъы хъазт дœр йœ зœрдœмœ тынг цœуы.  Сиахс ын кœй œххœссы , уымœ гœсгœ нœ фœлœ стыр курдиаты хицау кœй у, уый тыххœй…»

Уыцы курдиат  киноаивады раргом кœнынœн Годжыцаты Исахъœн стыр œххуыс фœци Бабле.

Бирœ аивадон кинонывтœ- хъœлдзœг, зœрдœмœдзœугœ- систа Дзбойты Бабле. Йœ  œрмдзœф сыл йœ фœд ныууагъта.  Йœ хъайтартœ цы уавœры бахауынц, уыдоныл адœймаг œнœ фœхудгœ нœ фœуыдзœн. Цы бирœ  артисттœ дзы  хъазыд  Гуырдзыстон, Мœскуы, Мœхъœл, Дагестанœй, уœдœ мах  артисттœ дœр, - уыдон иууылдœ р арф фœд ныууагътой ирон кинойы аивады.

Нœ республикœйы киноаивады рœзтыл архайдтой, иу œмœ дыууœ хатты адœмœн цин не ´рхастой нœ театры зындгонд артисттœ Тœбœхсœуты Бало, Уататы Бибо, Сланты Къоста, Саламты Къола, Тъуриты Махарбег, Хъœрджынты Варварœ , Годжыцаты Исахъ œмœ  иннœтœ.

Ам та мœ фœнды œрлœууын Годжыцаты Исахъы сфœлдыстадыл.

Йœ фыццаг къахдзœфтœ кœнын куы райдыдта ирон кинематографи, уœд зындгонд ирон актер Годжыцаты Исахъ дœр йœ хъарутœ  œвзарынмœ ´рбацыд киноаивадмœ.

Театралон аивады цы œнувыд фœллой кодта œмœ цы егъау сгуыхтдзинœдтœ œвдыста ирон сценœйы, ахœм рухстауœг цœхœр  калдта  йœ диссаджы курдиат аивадон кинонывты дœр: «Сюрприз», «Ах,любовь!», «Во всем виновата Залина», «Последние каникулы», «Здесь мой дом», «Буйный Терек», «Мужское самолюбие», «Чегери», «Волшебная папаха», «Диалог», «Долг»…

Алы кинонывы дœр Исахъ уагъта йœ  уд, йœ уды хъармœй-иу œй батавта, œмœ та- иу зœрдœмœдзœугœ рауад.

Телевизион аивадон киноныв « Во все виновата Залина». Сценари йын ныффыста  Æгъуызарты Æхсарбег, режиссер   - œвœрœг Роберт Меркун, режиссер Дзбойты Батырбег, оператор- œвœрœг Лианты Валерий, , нывгœнœг - Баситы Тотырбег. Музыкœ йын ныффыста композитор Æлборты  Феликс.

Ацы киноныв дзуры моралон- этикон темœйыл, йœ мидис ист   œрцыд раздœры колхозты цардœй.

Колхоз « Горная Заря» - йы бирœ ис œрыгон специалисттœ. Ардœм œрœджы œрбарвыстой инженер- мелиоратор Зœлинœйы. Уый фыссы диссертаци ацы колхозы донхорыг  кœныны куысты бындурыл.  Кинонывы ахъазыдысты  бирœ  зындгонд артисттœ.

Годжыцаты Исахъ ацы кинонывы ахъазыд колхозы сœрдар Чермены ролы.  Зœрдœхœлар, цœсгомджын адœймаг у. Адœм œй уарзынц. Кœсыс йœ митœм, хъусыс йœ ныхасмœ œмœ йыл œууœндыс. Бонзонгœ, уœздан, хиуылхœцгœ, хœдœфсарм, фœлмœн ныхас œмœ хœлар цœстœнгасы хицау уыд Чермен- Исахъ…Ацы миниуджытœ  нœ зындгонд актер йœ мады гуыбынœй рахаста. Æмœ сœ œнœвгъауœй спайда кодта кинонывты, йœ сурœттœ аразгœйœ.

Годжыцаты Исахъы диссаджы курдиат , мœнмœ гœсгœ, цœхœртœ скалдта алкœмœндœр уарзон киноныв «Сюрприз» - ы. Сценарийы автор Гутнаты Валодя, режиссер Бырнацты Измаил, оператор Себетты Алан.

Кœй зœрдœ нœ барухс ис ацы нывтœм кœсгœйœ, кœй зœрдœ нœ алхœдта нœ зындгонд актерты аив, хъœлдзœг хъазт!..

Æртœ œнœныфссаст хъœуккаг хъœлдзœг лœгты - хъазœнхъулты кинонывы хъайтартœн œвзаргœйœ, режиссер тырны œххœстœй равдисын йœ адœмы цард-  œнœрымысгœ,алкœмœндœр зындгонд, равдисын, абоны царды œмœ нœ  адœмы  историйœ цы монон œмœ хœрзœгъдау хœзнатœ  баззадысты, уыдоны бастдзинад.  Йœ œмдуггœтты характерты  режиссер арœхсы  ссарын  йœ адœмы национ œууœлтœ.

«Сюрприз» - ы сюжеты бындуры- анекдот, худœг цау.  Æртœ œмхъœуккаджы сфœнд кодтой сœ ницœйаг œмбалœн  хœдзар сцалцœг кœнын. Æмœ дзы цы рауад? Сюрприз…- хœдзар бынтондœр ныппырх.

Фœлœ ам ахсджиаг уый у, œмœ ам ирдœй зыны хъœлдзœг лœгты миддуне, цардхъом, хœларзœрдœ, œнœхипайда адœмыхатт чи œвдисы, œппœты тынгдœр нœлгоймаджы хœлардзинадœн œмœ адœймаджы джелбеттœн аргъ чи кœны. Ацы киноныв уœлдай зœрдœмœдзœугœ рауад нœ курдиатджын актерты диссаджы хъазты фœрцы. Годжыцаты Исахъ, Сланты Къоста, Саламты Къола, Бирœгъты Къоста, Бекмœрзты Æхсар, Мœхъиты Валодя… Ахœм актертœ кœм ис, уым, œнœмœнг,- стыр œнтыст, уœлахиз.

Абоны онг дœр киноныв «Сюрприз» œнœвгъауœй лœвар кœны зœрдœйœн œхцон, сыгъдœг арф œнкъарœнтœ œмœ хœссы циндзинад, уарзондзинад. Дзбойты Баблейы загъдау, «ацы киноныв уарзон у адœмœн.Мœнœ хорз сœн куыд у, афтœ азœй азмœ хуыздœрœй хуыздœр кœны œмœ ноджы тынгдœр цœуы адœмы зœрдœмœ….». Бирœ, тынг бирœ ис дзурœн нœ ирон кинематографийы тыххœй…

Кæронбæттæн.

Абон мах, кœстœр фœлтœр, сœрыстыр стœм нœ ирон киноаивады хистœр фœлтœрœй.Стыр бузныг  зœгъœм чи ис,œмœ  чи нал ис, уыцы киноаивады мэтртœн.    Нœ националон кинематографœн ис ирд «знон» œмœ  аккаг «абон». Фœлœ мах уырны, уымœн кœй уыдзœн, œнœмœнг, рœсугъд , курдиатджын «райсом» дœр.

Литературœ.

1. Газет «Рœстдзинад»,   Дзуццаты Къоста «Сагъœс ирон кинойы фидœныл».
2. Газет «Рœстдзинад». «Æппœты ахадгœдœр аивад».
3. Газет «Рœстдзинад», Четиты Рубен «Национ кинематографийы ныууагъта арф фœд»..
4. Газет «Рœстдзинад», Цогойты В. « Сœдœ азы размœ».
5. Газет «Рœстдзинад», Черчесты Хъасболат «Киноаивады ногдзау».        
6. Газет «Рæстдзинад», 2013, 2 ноябрь. Тадтаты Т. Радзырдмæ гæсгæ кинонывы скъуыддзаг.
7. Темиряев М. «Неделя Осетии», 2003, № 13. «Фотокамеру из рук не выпуская».
8. Газет «Рœстдзинад», Тедеты Л. «Ног киноныв».
9. Дзыныхты Аленæ, Дзыныхты Анжелæ. «Сланты Къоста», М., «Новости», 2000.
10.  Дзыныхты Анжелæ. «Годжыцаты Исахъ», М., «Новости», 2000.

Æмхасантæ.