Барагхан в годы войны

Манай түрэл (Барханай) һомонһоо 426 хүн Эсэгэ ороноо хамгаалхаяа мордоһон юм. Тэрэээнһээ, 223 хүниинь Эсэгэ ороноо түлөө ами наһаяа үгэһэн байна, харин 172 сэрэгшэд түрэл нютагаа бусажа ерээ һэн.

Сэрэгшэ бүхэн өөрын намтартай, өөрын хуби заяатай гээшэ ааб  даа. Олонхи сэрэгшэд Эсэгэ ороноо эдэбхитэйгээр хамгаалһанаа  түлөө  дайнай орден медаляар шагнагданхай.  

Эндэ,  сэрэгшэдэй намтарнууд,  элдэб үнгын баримта бэшэгүүд, саарһанууд, үнгэрһэн саг тухай тэмдэглэлнүүд  ехэ гамтайгаар  сахигдадаг гэжэ харанат.

Тиихэдэ үшөө,  манай һомонһоо нэгэ гэр бүлын 4-5  аханар  дайнда мордоһон баатаршалга  бии юм. Элһэн нютагһаа Аханаевтанай 5 аханар, Гармаевтанай 4 аханар, Барханһаа Бубеевтанай  5 аханар,  Хонхинһоо Данжуровтанай – 5 аханар. Хонхино нютагай үйлсэ аханар Данжуровтанай нэрээр нэрлэгдэһэн.  

Нэгэ ахань болохо, Эрдэни Данжуров, агаарай онгосо эрхим жолоодожо, дүшэн нэгэ оной,  август һараһаа эхилжэ, Берлин хото бомбодоһон намтартай.  16- дахи  ниидэлгэһээ һөөргөө бусаагүй. Иигэжэ эрэлхэг шанга  Эрдыни Данжуровай агаарайнь онгосо 1942 ондо сохигдожо унагаагдаһан байна.

Офицер болохо Дамба Данжуров дайнай бүхы жэлнүүдтэ эдэбхитэйгээр хабаадажа, һүүлээрнь  сэрэгэй дээдэ һургуули дүүргэжэ, полковник нэрэ зэргэтэйгээр наһанайнгаа амаралтада гараһан намтартай.

Сталинград хото хамгаалжа байһанаа Галсан Данжуров ахань эрэлхэг баатаршалгадай нэгэн боложо наһа бараһан байна.

Түрэл нютагтаа хоёр ахань бусаһан юм - Бооблой, Дагба.

Мүн баһа дайнай үедэ, «Бүхы юумээ сэрэгтэ, бүхы юумээ илалтада» гэһэн уряалаар ара талада манай барханайхид бэеэ гамнангүй, үнэн шударгыгаар ажалладаг байгаа.

Аюшиев Жамсаран, Барханай дунда hургуулиин 7-хи классай hурагша