Закирова Рафия Рамазановна

О себе

Мин Рафия Рамазан

Казан артында тудым

Арчаларда укыдым

Педучилищены бетереп

Суксуда килен булдым

Книги, которые сформировали мой внутренний мир

Барлык китапларны ды яратып укыйм, бигрәк тә тормыш турында. 

Мой взгляд на мир

Тормышны бик яратам, аек акыл белән яшәргә тырышам.

Мои достижения

Грамоталар, мактау кәгазьләре, сертификатлар.

Моё портфолио

Кешенең иң матур истәлекләре, иң изге хыяллары, иң беренче шатлык – куанычлары аның балачагы яки үсмер чоры белән бәйләнгән була. Менә шушы матур истәлекләр арасында шактый урынны мәктәп, балачак дуслары һәм, әлбәттә инде, укытучылар алып тора. Иң беренче мәктәп бусагасын атлап кергән көннән алып, зур тормышка озатып соңгы кыңгырау чыңлаган көнгә кадәр бала белән һәрчак янәшәдә аның Укытучысы атлый. Ул аны белем дөньясына алып керә, яхшыны яманнан аерырга, хезмәт һәм иҗат шатлыгын тоярга, аңардан шәхес тәрбияләргә бөтен көчен куя.

Укытучы!!! Нинди тирән мәгънә ята бу сүздә. Үзенең көчен кызганмыйча, үз баласыдай саклап, яклап йөрүче син – Укытучы! Авыр чакларда беренче булып ярдәм итүче дә, каршылыкларны да җиңүче син – Укытучы!

Ай, нинди көн, нинди көн бу

Кыздыра кояш көзне.

Шул кояштай якты сыман

Укытучылар көне.

Дөньяда бик күп яхшы һөнәрләр бар. Минемчә, алар бөтенесе дә кирәкле. Тик укытучы һөнәре иң әйбәт һөнәр ул.

Укытучы һәрвакыт балаларга ярдәм итә. Ул һәр кешене язарга, укырга өйрәтә. Укытучы булу җиңел түгел. Моның өчен күп белергә, балаларны яратырга һәм хөрмәт итә белергә кирәк.

Укытучы барлык һөнәрләргә юл ачучы. Күпкырлы, эзләнүчән, тәрбияче, могҗиза кылучы. Чын укытучы – бәхетле кеше, чөнки аның кулында бөтен кешелек бәхете.

Укытучы өстенә

Зур җаваплык йөкләнгән.

Түзем бирсен ходаем,

Ярдәм яусын күкләрдән.