Родной язык и литература

Темась :  « Эрзянь келенть сюпавчизэ».

Уроконь цельтне: - домкалгавтомс ды келейгавтомс  тонавтницятнень содамочист эрзянь кельденть;

                              - ледстямс ды кемекстамс  ютазь                материалонть;

                              - кастомс вечкеманть тиринь келентень.

Оборудованиясь: компьютер.

Уроконть молема лувозо.

Организационной моментэсь.                1-це слайдось

• Шумбратадо, эйкакшт!  Озадо!  Течи миненек састь инжеть, а минь тесэ азортано ды арсетяно невтемс, кода минь важодтяно тиринь келень уроктнесэ.

Те  урокстонть карматано кортамо эрзянь келенть сюпавчидензэ

Икельце валось  

 Эрзянь келесь монь вечкевикс келем.                     2-це слайдось

Сонзэ эйсэ мон умок кортан

Сонзэ эйсэ корты весе велем,

Покш сюкпря чистэ тензэ евтан

Сонзэ эйстэ а эряви виздемс,

Куш молезат тон Москововгак.

Тиринь келесь-сехте мазый келесь,

Паро арсемат тензэ кучан!

Тиринь келем!Эрзянь келем!

Пурнак перькават ламо оят.

Весень туртов панжтнек валдо,

Эрьвань вастомсто рангстак

«Шумбрат».

Тонавтыцянть валозо

Сёрмадсынек течинь числанть ды  уроконть теманзо.  Эрзянь келенть сюпавчизэ. 3-це слайдось

Эпиграфокс уроконтень мон саинь Иван Данилович П иняевень валтнэнь

 А  келесь?

 Минек эрзянь келесь!

Морак морот ды сермадт стихть.

Сон ней гайги масторонть келес.

Эйсэнек пек васов вети 

Чадыковонь  16-це чись – Эрзянь келень чи .

Мекс те чись кочказь покшчикс? А секс, што те чись Анатолий Павловичень Рябовонь чачома чизэ. Те ломаненть а онкставиця путовксозо эрзянь келень кандомантень,сюпалгавтомантень ды кемекстамонтень..Вана  те иестэнть уш комсецеде карматано тешкстамо те Покшчинть.

  Вал А.П.Рябовдо ( Кузьмина Юлия    4-це слайдось

Анатолий Павлович Рябов чачсь 1894-це иень чадыковонь 16-це чистэ Мордовиянь Ицялонь райононь Ламбаське  эрзянь велень сокицянь-видицянь кажов семиясо. Тетянзо, Павел Тимофеевичень, покшоль мелезэ кастомс цёрастонзо поп. Секскак школанть прядомадо мейле кучизе цёранзо тонавтнеме Починкань духовной училищав . Ялатеке попокс улемась цёранть мельс эзь тукшно. Сонзэ мельс тукшнось наукась. 1912-це иестэ, тетянзо куломадо мейле, сон кадызе семинариянть. Теке иень сёксня Анатолий кармась тонавтнеме Украинасо Нежин ошонь пединститутонь филологиянь факультетсэ. Тонавтнесь пек парсте, домка содамочинть таштась латинэнь, англань, финнэнь, эстононь ды лия кельтнень коряс.
Пединститутонь прядомадо мейле, 1917–1922-це иетнестэ, А.П.Рябов важодсь тонавтыцякс Омскоень учителень семинариясо ды педагогикань техникумсо. 1922–1924-це иетнестэ сон важодсь Нижней Новгородсо, губерниянь народной образованиянь отделсэ. Сестэ Анатолий Павлович ютынзе тосонь эрзянь ды мокшонь велетнень, лездась панжомс од школат, конатнесэ тонавтсть тиринь кель, макссь тенст покш лезкс.

 Московсо А.П.Рябов сеедьстэ вастневсь уш се шкастонть эрзянь содавикс сёрмадыцятнень Ф.Чесноков, Я.Григошин, П.Глухов, А.Моро, А.Лукьянов марто. Оякс тензэ теевкшнесь ине скульпторось С.Д.Эрьзя, конась пек сонзэ вечкилизе. Мезе кадсь эсь мельганзо А.П.Рябов, те шкас вейс апак пурна. Ансяк сеть роботатне, конатне ванстовсть, кортыть сонзэ покштояк покш ды лезэв тевдензэ. Весемесь те неяви сонзэ истят важодевкстнэстэ, кода 

«Эрзянь-рузонь валкс»

 «Рузонь-эрзянь валкс»

 «Эрзянь келень грамматика»

«Эрзянь келень коряс грамматика» 

 «Уроки эрзянского языка»

«Об ударении в эрзя-мордовском языке»  ды лият.
Рябов вечкилизе раськензэ, тиринь келензэ, эрзянь устной творчестванть, свал ульнесь ломань ютксо. Сон ламос бажиця учёноель, парсте содылизе эрзянь келенть ды вейсэнь языкознаниянь вешематнень, сёрмадсь эрзятнень лезэс домка ды пек эрявикс исследованият.
Сехте покш путовксокс учёноенть ды методистэнть кармасть учебниктне. А.П.Рябов – школань учебниктнень туртов васенце автор. А васенцекс улемс свал стака. Тешкстасынек, Анатолий  Павлович ульнесь васенцекс келень кевкстемань ванномасо. Сон ваннось кевкстемат, конатне сюлмазь эрзянь келенть марто. Профессорось ашти неявикс таркасо аволь ансяк кода келень исследователь, но и ломань, конась свал аштесь научной видечинть кисэ. Аволь кувака эрямонь перть Рябов кенерсь тееме ламо, мезенть кувалт арсесь. Идеятне-арсематне, конатне максозь сонзэ важодевкстнэнь эйсэ, кеместэ ванновить неень шкастояк.
Мон сюконян те эрзянь покш ломанентень ды свал карман кирдеме сонзэ эсень мельсэ-превсэ.

Тонавтыцянть валозо:

Эрзянь келесь – минек тиринь келенек. Сон ютась касомань ды келейгадомань пек кувака ки. Тетянь-авань келесь, тиринь кудосо марязь валось пингезэть кадовить мельс-превс, зярдояк а стувтовить. Эрзянь келесь – сюпав, мазый, гайтев. Секс эряви сонзэ вадрясто содамс, вечкемс, ванстомс ды сюпалгавтомс. (3-це слайдось

 5-це слайдось

Эсь вечкемаст тиринь келентень невтсть эрзянь поэттнэ ды писательтне.

Пек лембестэ, мазыйстэ корты тиринь кельде Е.И.Пятаев: (6-це слайдось)

Ванькс сон, теке сэнь менелесь,

Лисьмапрянь чудиця ведесь.

Цивтёрдыця зоря тештесь,

Пекшень цветстэ саезь медесь.

Тонадынек минь эсь кельсэ

Васень валонть ёвтнекшнеме,

Эйкакшкане паро мельсэ

«Тетяй» ды «авай» мернеме.                        (Е.Пятаев)

- Кодамокс неяви сёрмадыцянтень тиринь келезэ?

Ловносынек «Эрзянь кель» стихотворениянть марямга. (7-це слайдось)

Тиринь мастор, вечкень велем,

Седеем кецни тонь кис:

Мон пек вечкса эсень келем,

А стувтса меельце чис.

Эрзянь кель, Эрзянь кель-

Ашо килей, чуди лей,

Чольдердиця горнипов,

Гайсэ морыця цеков.

- Эйкакшт, кода арсетядо, кие сёрмадызе те стихотворениянть?

Пек домкасто невти эсь вечкеманзо тиринь келентень А.Доронин. (8-це слайдось)

Россиясо, ансяк Россиясо,

Гайгезь гайги тиринь эрзянь келесь

Сонзэ эйсэ кортат – ёжось кассы,

Сонзэ эйсэ морат – ливти мелесь.

Те стихотворениясь мазылгавты ломаненть оймензэ, кепеди мелензэ.

А ней ловносынек Ч.Журавлёвонь стихотворениянзо, косо истя жо кортави эрзянь келенть мазычиде, келейчиде, сюпавчиде.   9-це слайдось

Эрзянь кель, тонь ине оймень сиянть

Авань моротнестэ саинь мон.

Седе гайтев эзинь марсе лия

Ды а содан седе чевте, ён.

Ч. Журавлёв

• Кодат мазылгавтыця ды виевгавтыця валт совавтсь поэтэсь?

Чачома масторонть, тиринь келенть вечкемась свал ульнесь ломаненть потмоёжонь сюпавчикс, лездась изнямс стакачитнень, апаротнень.

- Эрзянь келесь пек сюпав валмеревкссэ. Ловносынек валмеревкстнэнь, толковинк сынст смустест. (10-це слайдось)

• «Тиринь келесь седей эжди, вансты зыяндо ды кежде».
• «Тиринь келенть танстезэ- теке тиринь аванть ловсозо».
• «А онкстави сень питнезэ, кона вечки чачома келензэ».
• «Ёминдеряй келесь,- ёми народоськак».
• «Родной келень вечкемась- те Родинань вечкема».

Кудонь заданиянь ванномась : Кудов тенк ульнесь максозь задания: кочкамс тиринь кельде стихотвореният ды тонавтнемс сынст наизусть. - Кие карми ёвтнеме?

• Кодат мельть-арсемат ютасть пряванк стихотворениятнень кунсоломсто?
• Мезе сынст вейкетсти содержаниянь коряс?

Неть стихотворениятнень кунсоломсто неяви-маряви  тиринь келентень певтеме вечкема .

-Сынст вейкетьсти се, што весе алтазь тиринь келентень.

Течи истя жо ледстясынек ды кемекстасынек  ютазь материалонть.

1.Кевкстемасо налксема

«Мезе тон содат эрзятнеде?»

1. Кодамо келень группантень сови эрзянь келесь?

                     (финно-угорской)

2.Ёвтыть Россиянть сеть республикатнень, областнень, косо эрить ламо эрзят?

 (Оренбургская область, Самарская область, Нижегородская область, Саратовская область,Ульяновская область, Пензенская область.

Республика Чувашия, Республика Татарстан, Республика Башкортостан,Республика Хакасия

3. Кодат сехте покш лейтнень лемест, конатнень чирева эрясть минек покштятне?

Рав, Ратор , Сура, Мокша.

4.Ёвтынк ине скульпторонть лемензэ, кона  эсь раськензэ теизе содавиксэкс весе масторонть келес?

 Степан Дмитриевич Эрьзя (Нефедов)

5. Зяро весемезэ эрзят неень шкасто эрить масторонть лангсо?

6.Кодат ине ломанть лиссть эрзянь раськенть эйстэ?

7. Кодат газетат ды журналт лисить неень шкасто эрзянь кельсэ?

Чилисема, Сятко, Эрзянь Мастор,Эрзянь Правда, Ратор.

8.Ёвтыть эрзянь сехте содавикс сёрмадыцятнень лемест.

Сергей Степанович Ларионов, Авксентии Юртов, Кузьма Абрамов, Серафима Люлякина и Артур Моро

9 Кодамо  келесь ловнови государственнойкс Мордовиясо?

эрзянский

2.Творческой важодема. (11-це слайдось)

Летят перелётные птицы

Ушедшее лето искать.

Летят они в жаркие страны,

А я не хочу улетать.

Ливтить тукшныця нармунтне

Ютазь кизэнть вешнеме.

Ливтить сынь лембе масторов,

Монь арась мелем ливтямс.

3.Эрзянь келесь пек сюпав синонимсэ. (12-це слайдось)

Икеленк сисем валт. Керш ендо сермадозь валтнэнень муеде синонимть вить ендо. Васенце букватнестэ тееви эрзянь писателень фамилия.

 Ерамс- Анокстамс

Тошна – берянь.

Мелявкс –ризкс

Юхаемс –аволямс

Чавомс –маштомс

Энгамомс –оймсемс.

Эртемс – вачкодемс

Видестэ ли муинк?

4.Налксемка « Кие седе курок? (13-це слайдось)

 Прядынк валмеревкстнэнь ды кикстынк антонимтнень.

Паро тевенть кисэ шныть,…

Келезэ валаня,…

Берянь теят,…

Тундось мазый цеця куросо,…

Берянь ушодкс,…

Валске валдомгады,…

Валтнэ: кизэсь – сюросо, паро а неят, тевезэ казямо, чокшне чополгады, беряненть кис сёвныть, берянь прядовкс.

5.Эрзянь келесь пек сюпав содамоёвкссо.

 Мон карман ловномо содамоёвкстнэнь – тыненк муемс ответтнэнь.

1. Паро мельсэ ёвтасак – ламбамо, кежейстэ ёвтасак – сэпей. (Вал)

2.Кемгавтово орёлт, ведьгемень кавто чавкат, кол- мосядт кодгемень вете озязт — вейке ал алыясть. (Ие.)

          3.Орта велькска сивой айгор ваны. (Ковось.)

 4. Кавто пельга ведь чуди, куншкасонзо тол- палы (самовар)

5. Вальмава ваны, кудосто а лисеви. (Каштомо.)

6. Мода потсо мезе а наксады? (Сулика.)

7. Ашо галат пивсыть, Осип атя велявты. (Пейть, кель.)

8. . Паксязо суликань, межазо чувтонь (Вальма )

• Уроконь вейсэндямось: 

- Мезе можно меремс эрзянь келенть ланга?

… Эрзянь кель. Сонзэ эйсэ кортасть Степан Эрьзя- ине скульпторось; Макар Евсевьев, кона сермадсь ламо ловнома, тонавтома книгат. Велева яказь, пурнась ламо эрзянь морот, евкст, евтнемат. А зяро писательть, поэт, композиторт сермадсть есь тиринь кельсэ произведеният! Ды нейгак ламо ломанть важодить ды путыть ламо вий минек республикасо культурань кепедемантень, келень сюпалгавтомантень ды кемекстамонтень.

Вана и прядовсь минек урокось, конанть алтынек эрзянь келень чинтень.   Ледстинек ламо стихотвореният, валмеревкст, морот, конатне кармавтыть минек вечкеме эсь тиринь келенть. Монь койсэ, уроконь вешематне топавтовсть.

Эйкакшт, моньгак ули тыненк кармавтомам «Зярдояк илинк стувто тиринь тетянк-аванк, чачома веленк, эрзянь келенк. Сынь свал улест тынк седейсэ ды те вечкеманть кандынк эсь мештьсэнк эрямонь кияванть». Зярдояк илядо визде кортамс эсенк кельсэ.Уроконь перть важодиде весе парсте. Монень мельспаро

Кудов тевть.                 14-це слайдось

- арсемс а покш стихотворения тиринь кельде;

Вечкевикс инжеть, эйкакшт, арсян тенк  шумбрачи, уцяска, штобу тынк чамасо улевель свал мизолкс.

• 15-це слайдось

Сюкпря уроконь кисэ! Вастомазонок!  

Уроконь темась: Цётонь масторов молемась.

Путовкстнэ:

1. домкалгавтомс ды келейгавтомс ютазенть коряс тонавтницятнень содамочист.
2. Кастомс тиринь келентень ды тиринь енксонтень тонавтницятнень вечкемаст.

Тонавтомань  

тонавтомань китне : кортамо кевкстнема анализэнь теема

Кедьёнкстнэ: интерактивной лаз

Уроконь молема лувось.

1. Важодема лувс совавтома .

 Тонавтыцясь:Зярос гайги эрзянь валось

                           Семс монгак эрян

                           Эйкакштнэнень , инжетненень

                           Шумбрачи мерян.

Шумбрачи, вечкевикс инжеть!

Шумбратадо, эйкакшт.

Мон  покш мельспаросо вастан  тынк эрззянь келень уроксонть.

Ушодсынек   уроконок, тиринь келень вечкемань тердемасо.

             Тонавтницятне Тиринь келень тонавтнеме

                                             Покш мель минь путано .          

                                             Поктянь-бабань паро койтнень

                                             Ванстомо бажатано!

 Тиринь уроконок ушодсынек эсь веледенек кортамосо.  Арсян, карматано важодеме парсте, мелень путозь. Минь содатано, што эрьва ломаненть ули покш масторозо те -  Россиясь, вишкинесь- Мордовиясь  ды чачома таркась,  косо ломантне кармить кортамо  тиринь кельсэ ды зярдояк а стувтнесызь эсь раськест ды коест.

Тень коряс анокстась  апокшке исследовательской важодема Андрей

            Сюкпря, теть Андрей.

 Весе  чарькодиде, што кортамось мольсь минек веледе? Да.

          . Ёвтадояк,  мезесь тенек лездась  видестэ  ловномс ,зяро  велесэнек ульцят, зяро школасонок тонавтыцят, тонавтницят?  (Цётось)

Зяро букват алфавитсэнть.33

Течи минь тынк марто кемекстасынек цётонть ( числительноенть)

Васняяк истямо кевкстема

- Мезе истямо цёттось?

-Ней панжинк, эйкакшт, тетраденк ды сёрмадынк  течинь числанть ды   уроконть теманзо. « Цётонь ледстямось».

   Тынк икеле сёрмадозь цётт, сынст эряви  сермадомс валсо .

  10, 50, 64, 16, 800, 1000, 154, 2017,  38, 1945, 5, , 22.

 вете, кемень, тежа, ведьгемень, кодгемень ниле, кавксосядт, сядо ведьгемень ниле, кавто тёжа кемзисемге, вейке тежа вейксэсядт ниленьгемень вете, вейке тёжа вейксэсядт вейксэньгемень вейксэ.

Зяро кужос явовить цёттнэ смустень коряс?

Смустень коряс цёттнэ явовить ламочинь ды ловомань лувонь.

1. Кодамо кевкстема лангс отвечи ламочинь невтиця цёттнэ? Зяро

2. Кодмо кевкстема лангс отвечить ловомань лувонь цёттнэ? Зяроце

3. Мейсэ жо сынст  авейкетьксчист?

4. Кодат эрсить цёттнэ эсест теевемаст коряс?

апак стакалгавто,  стакалгавтозь,  вейсэндязь

Зяро весемезэ апак стакалгавто цёттнэде? (кемнилее) 14

Зяро весемезэ стакалгавтозь цёттнэде? (Колоньгемень колмо) 33

Зяро вейсэндязь? (Певтеме)

Кодамо васенце  стакалгавтозь цетось? (Кевейкее)11

Кодамо васенце вейсэндязь составной цётось?( колоньгемень вейке)

Явсынек цёттнэнь теевемань  коряс

5,10, 1000   апак стакалгавто (простойть

50,  800, 16, 22  стакалгавтозь  сложнойть

154, 64, 2017,1945, 1999, 38 составнойть вейсэндязь

Сюкпря, эйкакшт. Пек паро

 КАРМАТАНО АРСЕМЕ

 Кодат профессият содатадо, конат сюлмавозь цётт марто?

Бухгалтер, математик, экономист, кудонь чапиця, микшниця, ловиця,  ярмаконь явиця.

 Кода тынь арсетядо , телеведущеень профессиясь  сюлмавозь цетт марто?

Слайд   (Доскасо Кулдыркаевень портретэзэ)

Эйкакшт, варштатано сермадома лазонть лангс.  Кие те ломанесь?

-Я.Я.Кулдыркаев.

-А сон кие?Косто тынь содасынк.

-Минек велень сёрмадей, кона сермадынзе «Эрьмезь» поэманть, «Сенксь» ёвксонть,

1. Текст лангсо важодема.

Тынк икеле  апокшке текст.  Миненек эряви видестэ ловномс те текстэнть.Кинь ули мелезэ кармамс ловномо.

Я.Я.Кулдыркаев чачсь 1894 иень ожоковонь 22- це чистэ Ламбаське велесэ. 1903-1906 иетнестэ сон тонавтнесь эсь велень начальной школасо. 1912 иестэ прядызе Саранской реальной училищанть. Тенде мейле сон 2 иеть важодсь Сибирьсэ. 1915 иестэ саизь армияв. Велявтсь кудов 1920 иестэ.

-Вансынек,  валрисьмень кодамо пельксэкс эрсить цёттнэ.

Сермадтано валрисьметь. Кинь ули мелезэ лисемс доскас.

Кавонест стамбарна тусть виренть ёнов.

Эйкакштнэ Даря бабанень мольсть лездамо колмонест.

Мон колмоцян, Машань ды Танянь мельга.

Тетям чапсь колмо вальмас кудо.

Числительноенть морфология ёндо ванномась.

 Колмо –числит., ламочинь, простой, опред.

ОЙМСЕМАНЬ минута. 

Сизиде. Оймсетяно.

Ловнан нурькине  валморынеть, кой – конатнесэ кортамось а виде. Кодак марятадо истямо валморыне, мертядо весе вейсэ: «Арась, арась, истя а эрси».

Верьгиз, кискат – паро ялгат.

Якить вейсэ кустем алга.

Жолга ланга рядсек арасть

Вейке атякш, кемень саразт.

Куркат, саразт лато ало

Ривезь ялгаст учить яла.

Косо ламо рудаз, тува

Яки петак судо туво.

Пизэстэнзэ апак стякшно

Алт алыякшнось атякшось.

Ломань кардайс сеясь совась,

Кирьгапакшто сараз повась.

Ловонть лангсо касыть цецят.

Сынь цят якшамонтень кецить.

Ки чиресэ пиципалакс,

Эйкакшт капшить сонзэ малас.

Тельня овтось монь вастымим,

Куломазон тандавтымим.

Лев ды тигра теке псакат.

Апак пеле вакскаст якан.

А  ней мольдяно тиринь литратурань урокс . Вансынек , кода тынь содасынк эрзямокшонь сермадейтнень ды сынст сермадовксост.

Ловносынек ды евтасынек кодамо произведениясто те саевксэсь кие сермадыцязо. Мусынек цеттнэнь  ютавтсынек рузонь кельс.

Эрясть-аштесть велесэ бедной атине Прока ды сонзэ нуцьказо Маруня. Тейтернесь ульнесь весела ды тевень вечкиця. Кемзисемге иетнень самс сон теевсь велесэнть сехте мазыекс.Ды аволь ансяк велесэнть, весе неть таркатнесэ а муят седе мазый ды седе чевте седей.

Федор Степанович Атянин «Сельведь – богатырь»

Весть кавто ялгат част пурнасть рамамо.

Сырнень- вейкесь.

Кшнинь кочкась омбоцесь-

Васенцесь мерсь: «Ванан- теян лангозот, брат,

тон овсе чаулат.

Максим Афанасьевич Бебан « Кавонст част»

Вана кодамо ульнесь кезэрень пингень се тейтересь.

Кемнилее иес касокшнось уш покш ломань эйшка.

Ашо чама, келей лавтов, сэрей меште... Ашола черьпулонзо

а сювордавить кавто коморо потскак, токильть мик канжамозонзо.

Кедензэ-пильгензэ прок тумонь комельнеть.

Василий Иванович Радаев « Варда»

Тёжа кавтосядт комсисемгеце иень тундось сась рана.

Ушосо лембе ды маней. Ловось умок солась. Ошпандонть мельга ваны ошпандонть прявтось Гарой- Пурешань кемевикс ломанезэ. Колоньгемень колмо иеде икеле Гарой вастовсь чирязонь марто, ды се шкастонть саезь эзть явовкшно вейке вейкеде.

Николай Иванович Учватов « Маркуз ды Лундан»

Колмо кочкамот Дёбай Миколь ульнесь вельсоветэнь председателекс. Председателенть велесэ ульнесть ламо тевензэ. Сы Миколь Советстэ кудов, ялатеке а кадсызь. Вейкесь цёранзо марто эри беряньстэ- председательтеме а явовить.Омбоцесь - авардезь чии авине: мирдезэ тюри, председательтеме киненьгак а кардави.

 Петр Семенович Глухов «Кедровой пештть»

Васень тонавтнема иесь Степанень макссь пек аламо. Ловнось сон

беряньстэ, валось целанек тензэ кодаяк а ёвтави, явсы кавтов, куваканть-

колмов. Сурось ловномсто секе тев эряви кирдемс строчкасонть: бути

сайсак, мейле а муеви, косто ловнат. Сермадыяк беряньстэ: вейте- вейте

буква, лиясто буквасьтееви аволь эсензэ таркас, сестэ иля снартне валонь ловномо- а чарькодьсак. Васень иестнть Роштовадо мейле явшесть тенст букварть, колмо тонавтницяс вейке.

(Кузьма Григорьевич Абрамов «Седикелень школасо»)

 Те весе вадря, ансяк минь тынк марто содатано, што  цетось сехте ламо  вастневи математикань уроксо. Секс миенек эряви те уроконтеньгак совамс.

Ловнынк видестэ примертнэнь   ды решинк.

40+30= ?                     58+4=?

4+5= ?                          68+68=?  

10- 4 =                  12+6=?

 А ней панжсынек книганок мусынек 270 це упр.

КНИГА МАРТО ВАЖОДЕМА  упр 270

Панджсынек книганок 144 лопасто

Парсте важодтяно Ютавтано налксема.

 «Нилецесь а эряви»

2                                      80                                    97

10                                     19                                    245

100                                    23                                   2054

33                                       20                                    1000000

 Падежт                                                                сисем

Им.         Кавто                                                                 сисем

Род.        Кавтонь                                                            сисемень

Дат.        кавтонень                     сисемнень

Отл.        кавтодо        сисемде

Мест.      кавтосо        сисемсэ

Исх.         кавтосто        сисемстэ

Внос.          кавтос        сисемс

Перем.         кавтова        сисе

Превр.     кавтос        сисемс

Сравн.       кавтошка        сисемшка

Изъят.      кавтовтомо        сисемевтеме

Сообщения Сисем цифрась уцяскав. ( Марина Симдяшкина)

Уроконть прядомадо икеле  кунсолотано стихотвореният конататнень анокстызь эрзянь келень чинтень.

 Уроконь итогось

Кодамо кортамо пелькстэ кортынек? ( Числительнойде)

Мезекс миненек эрявить цеттнэ?

Ёвтамс шканть, кинть кувалмонзо, питненть, сталмонть,

VIII. РЕФЛЕКСИЯ.

Мезес ульнесь меленек, тынк марто минь ванынек.

Мезе тыненк вечкевсь уроксонть?

Монень вечкевсь Андреень исследовательской важодемазо.

Мезе марявсь сехте стакакс?

А ней тынь тынсь путадо эстенк отметкат, конатнень  тынь арсетядо, што

IX. Кудов важодема.

Панджсынек дневникенек сермадсынек кудонь важодеманок .

Сермадомс сочинения, анокстамс презентация  «Монь семиям».

 Совавтомс цетт.

Сюкпря вадря важодемань кис. Урокось прядовсь. Вастовмазонок.