Иртә йәштәге балалар төркөмөндә телмәр үҫтереү буйынса ойошторолған белем биреү эшмәкәрлеге

Иртә йәштәге балалар төркөмөндә телмәр үҫтереү буйынса ойошторолған белем биреү эшмәкәрлеге. Тема. "Уйынсыҡтар беҙҙә ҡунаҡта". Маҡсат. Балаларҙың телмәрен үҫтереү. Бурыстар: Өйрәтеүсе: уйынсыҡтарҙың өлөштәрен һәм сифаттарын аңлатҡан һүҙҙәрҙе таныштырыу. Баларзын Һүҙлектарен байытыу. Үҫтереүсе: иғтибарлыҡ, телмәр күҙәтеүсәнлек. Тәрбиәүсе: уйынсыҡтарға һаҡсыл ҡараш тәрбиәләү. Белем биреү өлкәләре интеграцияһы : Физик үҫеш Телмәр үҫеше Һүҙлек эше: йомшаҡ, матур, ҙур, һоро төҫтә, бәләкәй, түңәрәк,йөк. 1. ойоштороу моменты. Һаумы, һаумы ҡулдар Сәп - сәп - сәп Һаумы, һаумы аяҡтар Топ - топ - топ Һаумыһығыҙ, ҡунаҡтар! (Машина тауышы ишетелә ) Тәрбиәсе: Балалар, ишетһәгеҙ ме, ниндәйҙер тауыш ишетелә. -Ҡарағыҙ әле, нимә килгән беҙгә? (машина). Машина килә, машина килә Бип - бип - бип Юлда торма, юлда торма Кит - кит - кит. Машина буш килмәгән, беҙгә нимә алып килгән? (уйынсыҡ алып килгән) -Әйҙәгеҙ, балалар, ултырғысҡа ултырайыҡ. Ҡарағыҙ әле балалар, ниндәй уйынсыҡтар беҙгә килгәндәр? Был ниндәй уйынсыҡ?Машина. Машина ниндәй төҫтә?(йашел) Машинанын нималаре бар? машинаның тәгәрмәстәре бар. Машинаның тәгәрмәсе тишелһә Ниндәй тауыш сығара ш- ш - ш Тәгәрмәсте беҙ өрәбеҙ Ниндәй тауыш сыға с - с - с Машина нисек бипелдәй Бип - бип - бип машинаның ишектәре бар. Машинаның арбаһы бар. Беҙҙең машина нимә эшләй? (этеп күрһәтә) Машина йөрөй. Машинаның руле бар. Балалар әйҙәгеҙ, шофёр уйынын ял итеп уйнап алайыҡ әле. (руль таратыу) 2. Ял минуты "шофёр" Маҡсат: Балаларҙы машина менән уйнарға, уны йөрөтөр өсөн руль артына ултырырға, асҡыс менән машинаның моторын һәм тоҡандырырға, ишеген ябырға, һәм машинаны туҡтатырға, сигнал бирергә өйрәтеү. Машинаға ултырҙыҡ Рульдәрҙе ҡулға тоттоҡ Бип - бип - бип - бип Килеп тә туҡтаныҡ. (балалар ултырғысҡа ултыралар) -Ә Был ниндәй уйынсыҡ?(Айыу- ҡабатлап әйтәләр) тотоп ҡарайҙар. Ул ниндәй?(Айыу йомшаҡ, Айыу матур, Айыу ҙур, Айыу һоро төҫтә) -Айыуҙың башы бар? Тәпәйҙәре бар. Башында нималаре бар? (бәләкәй түңәрәк күҙҙәре бар) Ә һеҙҙең күҙҙәрегез бармы? Күрһәтегеҙэ. Айыуҙың башында тағы ла нимәһе бар? Айыуҙың ҡолағы бар. Айыуҙың тағын нималаре бар?Айыуҙың мороно бар. Әйҙәгеҙ айыу һымаҡ атлап күрһәтәйек әле. Айыу апай алдан атлай Бәпәйҙәре артынан 3. Йомғаҡлау өлөшө. Рефлексия. Бөгөн беҙгә нимәләр ҡунаҡҡа килде? (уйынсыҡтар) ниндәй уйынсыҡтар (машина, айыу.)Ә һеҙ ниндәй уйынсыҡ менән уйнарға яратаһығыҙ? Ә хәҙер беҙгә килгән уйынсыҡтар менән уйнап алайыҡ.