Оореникчилернин чогааткан шулуктери

Чуртум маадырларынга

Ѳл хаак ышкаш аныяк чаш назынында

Өскен тѳрээн Тывазындан хары черже

Эр – ле чоннуӊ эрттирери шеригдиве

Экер – эрес оолдар-даа аъттаныптар.

Айыыл – халап амы – тынын кызап кээрге,

Афган, Чечен, Украина, Сирияга

Кадагааты өске чонга тыва оолдар

Камгалалды, деткимчени кѳргүскен ийик.

Тамчык дыжын өштүг дайзын хөме бүргээн,

Талыгырда ѳске чоннуӊ тайбыӊы дээш,

Далаш-биле аъттанганнар аразындан

Даглыг Тывам эзирлери чыдып кагбаан.

Чечняныӊ чуртталгазын барып кѳргеш,

Четкеш келген чуртташтарым адап көрейн:

Матпаадырдан эгелээрге, Майынды Альберт Викторович,

Бѳдүүн  ие чаяап кааны Монгуш Сылдыс Владимирович,

Саяктадыр чылгы малдыг  Сарыглар Сайдак Викторович,

Монгуштарныӊ салгалы боор Мерген Монгуш Николаевич,

Күш – культуравыс башкызы Комбуй-оол Вадим Викторович,

Иези дег топтуг-оожум, ишчи бѳдүүн Чимит Тюлюш,

Опаӊ – чипеӊ эреспейлер Орлан Донгак, Отчугаш Сосоо.

Дүште – түлде кирип кѳрбээн дайын – чааже

Түрлүг – сүрлүг Тывам оглун келдиртирге,

Хайыралдыг алдын тынын херек болза,

Харам чокка ѳргүп чоруур чүреккирлер.

Украина, Сирияга удаа-дараа четкеш келген,

Ада – ие улуг оглу Айдын Хуурак Романович,

Тюлюштерниӊ хеймереги Тюлюш Сарадак Васильевич.

Ѳѳрзүрек чоннуг – ѳѳрлүг, ѳзүген чараш сүрүг малдыг,

Ѳвүр черниӊ делгеминиӊ ѳӊгүр онза булуӊу боор

Саая Таспай чогаатканы сайылгаанныг Чаа-Суурумнуӊ

Чалыы бѳдүүн акыларымга  чоргаарланып ханмас – тыр мен.

Эртине Ховалыг, Ѳвүр кожуунуӊ Шарый-оол В.Ч аттыг

Чаа-Суур ниити билиг ортумак школазыныӊ

7-ги клазыныӊ ѳѳреникчизи.

Февраль,2019ч.

Тайбыӊ үениӊ дайын маадырлары.

Тайбыӊ үеде шериг херээн эрттирип тура,

Дары чыдын тынып капкан тыва оолдар

Төрээн чуртун камгалаар дээн хүлээлгеге

Тодү шупту амы-тын дээш тулушканнар.

Дайын шөлү ыы-сыылыг, ышсыг, хирлиг

Диӊмит-дааштыг, муӊгаранчыг, ханныг-чинниг.

Далайдыва эштип кирген дуруяалар дег

Девиденчиг, ында-мында октар шуушкан.

Афган чурту четкеш келген дайынчыга

Ада-чурту, салгалдары байыр тудуп,

 «Алдар ат, эрес-дидим чорук» деп номда

Ажы-төлге үлегер бооп мөӊге арткан.

Маадырлар хүнүн уткуй адын сактып,

Магаданчыг чуруун көрүп, чоргаарландым.

Эзир куш дег эрес-дидим тулушкаштыӊ

Эргим черин Төрээн чуртуӊ алдаржыттыӊ.

Кызыл күжү, тура сору халас барбаан.

Кым-даа, чүү-даа уттундурбаан…,

Ада-чуртка хүлээлгезин күүсеткен тыва оолдуӊ

Адын безин тураскаалда мөӊгежиткен.

Эртине Ховалыг, 6 класс.

Ѳвүр кожууннуӊ Чаа-Суур ортумак школазы (27.01.2018)

Билбес чордум, ынчан билдим.

Маадырлар хүнүн уткуй адын сактып, ужуражылгага

Башкывыстын тайылбыры бажым-мээмде сиӊнип арты.

Чечен болгаш Афган черге, Украина, Сирия чуртка

Шериг херээн эрттиргеннер суурувуста көвей болду, ынчан билдим.

Ылап билдим. Ынчангаштыӊ чоргаарландым, көрүп ордум.

Ыыдым чидип, ыы-сыым кээп, хөрээм ажып,хөлзеп орду.

Ырма сынчыг чуртталганы, солдат чорааш көргеннер бар.

Суурувустан «Эрес-дидим чоруу» дээш хѳрээн каастаан:

Сайдак Сарыглар, Альберт Майынды, Орлан Донгак – олар болду.

Чечен черниӊ чуртталгазын көргеш билген – маадырлар.

Хып дээн чалы назынында Чечня четкен оолдарныӊ бирээзи-

Комбуй-оол Вадим Викторович – школавыста башкывыс ол.

Украина, Сирияга шериг херээн эрттиргештин, уламчылап ажылдааннар:

Айдын Хуурак Романович, Сарадак Тюлюш Васильевич-олар болду.

Ѳвүр черниӊ честези бооп чурттап чорааш,аъдыныӊ бажы хоя берген,

Афган болгаш Чечен черниӊ амыдыралын кежинге көрүп,

Адып-боолап, ок-чепсек, боо-моӊгу тудуп билген маадырывыс

Владимир оглу Константин Кыргыс Улуг-Хемниӊ Шагонардан.

Ужуражылганы эрттиргени дээштиг болуп, шип-ле шимээн…

уруг-дарыг сонуургап, магадааннар, мурнувуста ам бо хунде

Маадырларны карак-биле көргенивистен, үнүн дыӊнааш,

Магаданчыг сеткил өөрүп, хөлзеп турду… Байырланчыын...

Кайы черге шериг херээн эрттиргенин бижип кааны

Шынзылга бижии херечилеп бадыткады, холга туттум, бүзүредим.

Төрээн черниӊ оглу болган маадырларны ам-на билип,

Дөгеревис чоргаарланып, соондан көрүп, артып кагдым.

Билбес чорааш, билип алдым, сеткил-чүрээм сергээни дег

Бажыӊымче далаш-биле базыплатым. Ынчан билдим.

Ховалыг Буяна, 9класс

февраль,2018ч.