Мөхәммәтова Зилә Рафаел кызы

Үзем турында

   Мин, Мөхәммәтова Зилә Рафаел кызы, 1985 елның 18 нче февралендә Мөслим районы Метрәй авылында туганмын. 1991 - 2002 нче елларда Метрәй урта мәктәбендә белем алдым.
    Балачак хыялым – укытучы булу иде. Мәктәпне тәмамлагач, юллар мине Казан дәүләт педагогия университетының татар филологиясе факультетына китерде.

   Хәзерге вакытта мин Казан шәһәре Совет районының 126 нчы гимназиясендә татар һәм инглиз телләрен укытам. Педагогик эшчәнлеккә мин бераз урау юллар аша килдем. Югары уку йортын тәмамлаганнан сон абыйларым юлыннан банкка эшкә киттем, тик балаларга булган мәхәббәтем мине кире мәктәпкә тартып китерде. Үземне мәктәптән, балалардан башка күз алдыма да китерә алмыйм.  Һәр дәресемне нәтиҗәле итеп, иҗади алымнар кулланып үткәрергә тырышам.  
   Методик темам: “Татар теле һәм әдәбияты дәресләрендә информацион-коммуникатив технологияләр аша аралашу компетенциясен үстерү".
  Мәгълүмати технологияләрдән файдалану - заман таләбе. Мин үз дәресләремдә компьютер технологиясеннән һәм мультимедияле презентацияләрдән файдаланам. Даими рәвештә эзләнәм, яңалыкка омтылам. Укытучы-новаторларның эш тәҗрибәсен өйрәнәм, методик яңалыклар белән танышып барам. Класс җитәкчесе дә булып торам әле мин гимназиядә. Балалар, әти-әниләр белән иңне-иңгә куеп аңлашып эшлибез. 
     Укучыларым фән олимпиадаларында, район һәм республика күләмендә уздырылган төрле бәйгеләрдә актив катнашалар һәм призлы урыннар алалар.