Главные вкладки
Хисматуллина Лилия Фаритовна
"Сайт воспитателя дошкольного учреждения"
Профессия: Воспитатель
Профессиональные интересы: Педагогика, нетрадиционные формы рисования.
Увлечения: Рисование, рукоделие - бисероплетение, квилинг, вязание, танцы, дизайн интерьера.
Регион: Республика Татарстан
Населенный пункт: с. Актаныш, Актанышский район.
Место работы: МБДОУ №2 "Ромашка"
Звание, ученая степень: Воспитатель II квалификационной категории
Навигация
Ссылка на мой мини-сайт:
https://nsportal.ru/hismatullina-liliya-faritovnaБала чакта алынган тәрбияне соңыннан бөтен дөнья халкы үзгәртә алмас.
И, бала! Синең күңелең -
Язылмаган ап-ак кәгазъ.
Уй-теләгең яхшылыкта,
Сеңеп бара барча вәгазъ.
Ни язылыр калебеңә,
Ничек үтәр гомер юлың?
Сиңа ярдәм итәргә дип,
Бүген сузам җылы кулым?
О себе
Мин, Хисматуллина Лилия Фәрит кызы, 1980 нче елның 10нчы нояберендә Әгерҗе районы Исәнбай авылында дөньяга килгәнмен. Балачагым башка балаларныкыннан аерылып тора дип әйтә алмыйм, һәркемдәгечә балалар бакчасы, аннары мәктәп еллары... Бары тик артык шуклыгым һәм тиктормаслыгым гына кайвакыт әти-әниемне урынсыз да кызарырга мәҗбүр иткәндер. Шушы кыюлыгым сәбәпче булгандырмы, дус кызларым белән уйнаганда мин аларны и өйрәтә, и өйрәтә идем... Ә алар минем авызга гына карап торалар! Кечкенәдән килгән әлеге сыйфатым киләчәккә һөнәр сайлаганда да үзен сиздерде, мин укыту-тәрбия юлын сайлап, Казан дәүләт университетына юл алдым. Кулыма диплом алып балаларга тәрбия һәм белем бирүемнең соңгы 4 елы "Ромашка" балалар бакчасы белән бәйле.
Мой взгляд на мир
Дөньяда торсаң - торганыңның эзе калсын!!!
Мои достижения
- Балаларны сәнгать эшчәнлегенә өйрәтү буенча тәрбиячеләр арасында уздырылган "Актанышым - сәнгать бишегем" район конкурсы - II урын, 2009 ел;
- Район тәрбиячеләре арасында уздырылган "XXI гасырның милли костюмы" конкурсы - II урын, 2009 ел;
- Район тәрбиячеләре арасында уздырылган "Ел тәрбиячесе - 2010" конкурсының "Яшь тәрбияче" номинациясе - II урын, 2010 ел;
- Район мәгариф хезмәткәрләренең спорт-сәламәтләндерү спартакиадасы - I урын, 2011 ел;
- Район тәрбиячеләре арасында уздырылган "Салават күпере" конкурсы - III урын, 2011 ел.
Моё портфолио
Минем методик темам:
Сәнгать компонентлары кулланып балаларның сөйләм телен үстерү.
Тел - кешеләренң иң мөһим аралашу-аңлашу коралы. Телдән сөйләмгә өйрәнү, белем һәм тәрбия алу, дөньяны танып-белү, иҗат итү эшләре - барысы да тел ярдәмендә генә тормышка ашырыла. Шулар өстенә, туган тел үз телендә сөйләшүче халыкның күп гасырлар буе тупланган рухи хәзинәсен чагылдырган тылсымлы көзге дә. Адәм баласын әдәпле, әхлаклы, мәгърифәтле һәм мәдәниятле итеп тәрбияләүдә аның мөмкинлекләре иксез-чиксез.
Мәктәпкәчә яшьтәге баланың аңы үсү, белеме арту, чынбарлыкны танып-белү тирәлеге киңәю һәм аның чын кеше булып тәрбияләнүе үз туган телен яхшы белүгә бәйле. Туган халкыңны яратканда, аңа олы ихтирам тәрбияләгәндә, аның барлык мирасын сакларга һәм үстерергә омтылганда гына, телне яхшы белүгә ирешергә момкин. Шуңа күрә мәктәпкәчә яшьтәге балаларның логик фикерләү, образлы уйлау сәләтләре үссен, алар тәрбия һәм белем алуда яхшы нәтиҗәләргә ирешсен өчен, тәрбиячеләр балаларның туган телне яхшы беләләренә һәм аларның кече яшьтән дөрес һәм сәнгатьле итеп сөйләргә өйрәнүләренә омтылырга тиеш. балаларны үзләренең фикерләрен, кичереш һәм хисләрен сөйләп бирерлек итеп әдәби телгә өйрәтү аларның һәрьяклап үсүләренә дә ярдәм итә. Бала үз сүзләре белән дөрес, ачык, төгәл һәм аңлаешлы итеп сөйләп бирә һәм сүзләрне дөрес аңлап урынлы итеп оста куллана алганда гына, белем үзләштерелгән булып санала.
