Авторское стихотворение

Салым-чаяаны Башкы

Бистиң чурттувустуң Президентизи В.В.Путинниң айтыышкыны-биле 2023 чылды "Башкы болган ооң дагдыныкчызы" деп аттыг болурун 2022 чылдың июнь айда чарлаан болгай. Кандыг - даа мергежилдиң кижилери чажындан тура башкының чалгынының хоргадалынга өскен. Ынчангаш башкы кижиниң туружу ниитилелде эң кол болгаш эң көскү хүндүткелдиг черде. Кижиниң ёзулуг кижи кылдыр хевирлеттинеринге башкы кижи салдарлыг. Амыдыралдың шын оруунче айтыышкынын, сүмезин башкывыстан алыр бис. Башкы биске кажан-даа багай орукту айытпас, күзевес. Бодунуң ажы - төлүнден аңгыда "даштыы хойнундан" төрээн ажы-төлүнге ол улуг харыылсалгалыг болгаш ынакшылдыы- биле карактап, ажаап чоруур. Ындыг кижилерниң санынга өөредилге шугумунда ажылдап чоруу - мээң авам.

Авам чажындан тура башкы эртемин сонуургап, бодунуң болгаш өске-даа кижилерниң эртем - билиин, кижизидилгезин бедидеринге ажылдаксаар турган кижи. Ооң хүн бүрүде чугаалап чоруур чагыг - сүмелери, эки өөредилге, кижизиг болуру чугула дээш өөредиглери амыдыралдың эге чадалары болгаш угландырыышкынынга улуг идиг.

Авам, Ооржак Сайхо Алексеевна, Ак-Довурак хоорайның Өөредилге эргелелиниң удуртукчузу. Ажылынга бердинген удуртукчу башкының, кезээ шагда кады чоруур дагдыныкчымның чалгынының адаанга чорууру - менээ эң-не улуг аас-кежик.

Авам амгы үеге чедир хөй-хөй чаштарның, өөреникчилерниң билии болгаш оларның чуруму, сайзыралы дээш кызып, оларның келир үези дээш ажылдап чоруур.

Чымыштыг ажыл-ижинге чалынмайын бисти - өг-бүлезин утпайын кижизидип, сургап, өөредип турар. Кижиниң кижизидилгези эң-не бир дугаар черде. Кижизиг эвес кижи эң-не куду деңнелде турар. Эң-не чай чок үезинде-даа кылган-на чүүлдеримни деткип, дузаны кадып чоруур. Эргим авамның эргелелдиг арнын, шактан шакче кады турарын көрбейн чоруур-даа болзумза, ооң ажыл-ижи болгаш амыдырал дээш, келир өйде салгалдар дээш, хөй санныг өөреникчилерниң, кижилерниң эртем-билии, кижизидилге болгаш сайзыралы дээш кайы-хире кызып ажылдап, чоруурун утпайн, деткип, чылыг куспаам-биле чылдып чоруур мен. Келир өйде база авам ышкаш башкы мергежилди шилип алыр деп улуг күзел бар.

Авам – Сайхо Алексеевна Ооржак

Муниципальное бюджетное общеобразовательное учреждение

средняя общеобразовательная школа №1 г. Ак-Довурака

имени Тамдын-оол Сесенмаа Саятыевны – Героя Социалистического труда

(МБОУ СОШ №1 г. Ак-Довурака имени Тамдын-оол Сесенмаа Саятыевны – Героя Социалистического труда)

668051, Республика Тыва, г. Ак-Довурак, улица Юбилейная 14, tyva_school_112@mail.ru тел.8(394)22-21058

Региональный этап Всероссийского конкурса

«Творчество детей»

в рамках конкурса педагогического мастерства

«Всероссийский мастер-класс учителей родных,

включая русского языков-2023»

Номинация

Авторский публицистический текст в жанре «Статья»

на тему «Призвание Учитель»

Автор: Ооржак Тарина Отчугашовна

Ученица 9 «В» класса, возраст 15 лет

Научный руководитель:

Ооржак Ульяна Байыр-ооловна

Учитель родного языка и литературы

Ак-Довурак, 2023