Найруулга: "Шэдитэ хүсэн".

Дондопова Солтана Баировна, ученица 5 «з» класса МАОУ «Сотниковская СОШ».

Номинация сочинения: «Музыка есть сокровищница, в которую всякая национальность вносит свое, на общую пользу» (П. И. Чайковский);

Жанр сочинения: эссе.

Название сочинения: «Шэдитэ хүсэн»

Текст сочинения: 

     Багаһаань би хүгжэмдэ дуратайб. Энэ намар 5-дахи ангиин һурагша болоод, һургуулиингаа дэргэдэ нэмэри һуралсалай хүгжэмэй бүлгэмдэ ябажа эхилээб. Багшатаяа түрүүшынхиеэ золгожо, танилсааб. Аргатайһаа энэ дороо али нэгэн хүгжэм пианино дээрэ наадажа һураха ехэ эрмэлзэлтэй байһыем багша ойлгоо. Теэд арбатай болотороо хүгжэм дуунай нюусые уудалаагүй хадаа, яахашье аргагүйб. Һураха, үшөө дахин һураха хэрэгтэй. Саг болоод мэдээжэ артист болохошье һанаан досоомни түрэдэг. Намтай адли, тэрэ дороо соёлой эрьюулгэдэ орохо һанаатай хүбүүд басагад олдохол байха.

Эжымни намай багадаа ехэ бархирдаг үхибүүн байгша һэнши гэжэ хэлэдэг. Эсэхэдээ, хуушаншье һаа хүдэлдэг миндаһан углажа, винилова пластинка табиха. Тэндэнь зохидоор Петр Чайковскын «Лунная соната» зэдэлхэ. Тэрэ хүгжэмэй эхилхэдэ, бархиржа байһан Солтана аниргүй боложо, шагнаархан, хоёр нюдөө бүлтылгөөд, иишэ тиишээ эрьелдэхэ гэхэ. Тииһээр байтараа, һажаад, унташаха – гээд эжымни хөөрэнэ. Өөрөөшье багаһаань нагаса эжынгээ бэлэглэһэн пластинкануудые наринаар хадагалаад эжымни байха. Үглөөгүүр бодоод, заал һаа ханада үлгөөтэй радио шанга болгожо, хүгжэм шагнаха. Гарагай зургаанда, үдын сагта Буряадай радиогоор «Час вашего письма» дамжуулга эхилхэ. Тэрэниие нэгэшье алдангүй шагнадаг һэн. Ямар гоё хүгжэм дуунууд зэдэлдэг байгааб? Людмила Зыкина, Муслим Магомаев, Майя Кристалинская… Агаарай долгёор зэдэлжэ байһан дуу шагнаад, Москва хотын түрүү филармони, концертнэ заал соо һууһан мэтэ болохош – гэжэ эжымни нюдөө анижа байгаад дурсаха. Энэ дамжуулгаһаа гадна ямар ирагуу гоё хүгжэм зэдэлдэг байгааб. Зөөлэн хоолойтой диктор «Петр Чайковский. Отрывок из произведения «Лебединое озеро», үгы һаа «Вальс цветов», олон бүтээлнүүдые шагнахыемнай уриха. Иимэ дулаан дурсалганууд эжыдэмни олон.

Би мүнөө эжынгээ багадаа шагнажа байһан хүгжэм дуунуудые Интернет соо бэдэржэ олоод, гарай утаһанда орууланхайб. Мүнөө үеын дуушадые ехээр шагнаха дурагүйб. Заримдаа ганса барабанай, бас гитарын нэерээн зэдэлхэдэнь, ондоо хүгжэм табидагби. Намда классика һайшаагдана. Ямар алдар солотой, мэдээжэ хүгжэмшэд нилээд олон бүтээлнүүдые зохёожо, мүнөө бидэ шагнаха, хужарлаха аргатайбди. Тиимэһээ саашадаа хүгжэмэй һургуулида орожо, ородой мэдээжэ композиторнуудай нэгэшье һаа урин хүгжэм фортепьяно дээрэ наадажа, эжыгээ баярлуулха хүсэл байна.