Эссе «Сэнтэйхэн ажалаараа суутайхан Белоозёрск нютагни"

Балсанова Ринчима, Белоозерскын дунда һургуулиин 5-дахи классай һурагша

«Сэнтэйхэн ажалаараа суутайхан Белоозёрск нютагни»

                                                                     «Нютагаа магтаха

                                                                              Ямар хүнэй буян бэ?

                                                                    Нютагаа эрьехэ

                                                                                    Ямар хүнэй жаргал бэ?»

                                                                                             Матвей Чойбонов

     Yргэн Буряад ороной баруун урда зүгтэ, дуулим ехэ Хамар-Дабаанай зүүн хормой барин, Сагаан нуурнуудаар баян Белоозерск нютаг.

      Белоозерск нютагнай жэл ерэхэ бүри улам гоё ба ехэ боложол байна. Дунда һургуулида зуун таби гаран һурагшадые хорёод багшанар хүмүүжүүлнэ. Хүүгэдэй саад, амбулатори, спортын ба соёлой байшангууд, магазин гэхэ мэтын зургаанууд хүн зоной ажабайдал һайжаруулха гэһэн түсэбтэй.

      Алдаршаhан суута племзавод «Боргойский» ажал хүдэлмэриеэ ябуулhан, мяханай үүлтэртэ малаа үдhэhэн зандаа.

    Эсэгэ ороноо хамгаалжа дайнда ябаhан эрэлхэг хүнүүд манай нютагта олон: Сосоров Лодой Сабсарович, Мункуев Самбу Содномович, Балсанов Содном Сампилович, Дуринов Данзан Жапович г.м. юм.

      Мүн өөрынгөө ажаябадалаар, ажал хэрэгээр гэршэлhэн түрүү хүнүүд Белоозерск нютагтамнай олон. Тэдэнэй тоодо мэдээжэ зоотехник Шантаханов Владимир Прокопьевич, суута агроном Зайцев Петр Иванович, алдаршаhан габьяата малшан Рабдаев Гасрон Лубсанович, суута хонишод Свистунов Дмитрий Яковлевич, Данжуров Эрдэни Тогочеевич, мүн олон тоото залуу ажалшад гээшэ.  Белоозерск нютагаархид эдэ зоноороо омогорхожо ябадаг.