Авторская сказка " Цы нǽ фаг кодта тыртынайǽн?

           Иу лǽппу армукъайы балхǽдта тыртына. Æнǽхъǽн афǽдз  фǽцардис тыртына къалатийы ,ǽмǽ ǽнхъǽл дǽр нал  уыд, искуы ма фǽстǽмǽ хъǽдмǽ аздǽхдзǽни,уый.

         Иуахǽмы дын,къалати сыгъдǽггǽнгǽйǽ ,кǽйдǽр дуар сǽхгǽнын ферох.Тыртына ,уый фенгǽйǽ,къалатийǽ авваст рассǽррǽтт ласта рудзынгмǽ,рудзынгǽй –дыргъдонмǽ, уырдыгǽй та-хъǽдмǽ.
          Амбырд сты тыртынайыл йе ’мбǽлттǽ,хъǽбыстǽ,батǽ йын кǽнынц,фǽрсынц ǽй ,кǽм уыдтǽ ,куыд цардтǽ ,зǽгъгǽ.
  - Мǽ хицау мǽ уарзта,узǽлыд мыл,-загъта тыртына .-Уыдтǽн йǽ уд,йǽ дзǽцц. Æнгуз,алыхуызон адджинаг-цас дǽ хъǽуы,уыйас.Зынаргъ тǽбǽгъыл мын сǽ-иу мǽ разы ǽрǽвǽрдта.
    Иннǽ тыртынатǽн уыцы ныхǽстǽм сǽ комыдǽттǽ ǽруадысты.Ахǽм диссаджы хǽринǽгты кой хъусгǽ дǽр никуы фǽкодтой.
  -Уǽдǽ цǽмǽн ныууагътай дǽ хицауы?-уайдзǽфгǽнгǽ йǽ афарста иу хǽлǽгой тыртына.-Цы дын нǽ фаг кодта?
 - Цы мын нǽ фаг кодта?-бафарста тыртына.-Æппǽты сǽйрагдǽр мын нǽ фаг кодта …
   Æвиппайды радымдта дымгǽ,бǽлǽсты сыфтǽр басыбар-сыбур кодта, ǽмǽ иннǽ тыртынатǽй ничи  фехъуыста ,цы загъта,уый.
  Сымахмǽ гǽсгǽ та,сывǽллǽттǽ, цы нǽ фаг кодта тыртынайǽн?