Сочинение "Ауылым тауышы"

Башҡортостан Республикаһы Мәғариф Министрлығы

Краснокама районы Мәғариф бүлеге

«Республикамды данлайым» конкурсына

Ауылым тауышы

(ИНША)

                                                                          Башҡарҙы: Сауыҙбаш төп дөйөм

                                                                                     белем  биреү мәктәбенең 5 – се класс

                                                              уҡыусыһы Мусин Илдар

                                                                         Уҡытыусы: Шәмсетдинова Ф.Ф.

октябрь, 2017 йыл

Һәр бер кешегә үҙ тыуған яғы ҡәҙерле. Миңә лә үҙ тыуған ауылым ҡәҙерле. Минеӊ ауылым гүзәл тәбиғәтле урында урынлашҡан. Ауылыбыҙҙа һалҡын, тәмле һыулы йылғалары, түм-түӊәрәк  көҙгө  кеүек күлдәре, ҡалын  урмандары, йәшел болондары бар. Йәй  көндәре  болондарҙа  йүгереп  йөрөү, сәсәктәрҙән  таҡыялар  үреү, урманында еләк йыйыю бик рәхәт.

    Мин  атайым менән бесән сабырға барам. Сапҡан бесәнде йыйып ҡуяһың, өҫтөнә менеп ятаһың да зәп-зәңгәр һауала, болонда кескәй генә турғайҙар һайрауын күҙәтәһең. Уларға күҙ һалып ҡарап торһаң, әле һауаға күтәрелеп, әле һинең баш осоңдан ғына үтеп китеп һайрауҙарын дауам итәләр. Уларҙың һайрауына башҡа ҡоштар ҙа, сиӊерткәләр ҙә ҡушыла... Тәбиғәт! Кешеләр күңелендә матур хистәр уятаһың һин. Кеше бар нәмәне онотһа ла ялан аяҡ таптап йөрөгән үләндәрен, үҙе сапҡан бесәндәрҙең хуш еҫтәрен онотмай.

    Кеше тәбиғәт менән гел бергә. Кеше тәбиғәттән ҡыйыулыҡҡа, батырлыҡҡа, сабырлыҡҡа өйрәнә. Кеше тәбиғәтте, тәбиғәт кешене биҙәй. Һәр кеше үҙенең тыуған яғының тәбиғәтен ярата, яҡлай, һаҡлай белергә тейеш.

  Ауыл  мине  үҙ  тәбиғәте менән генә түгел, минеӊ өләсәйем, башҡа туғандар һәм дуҫ-иштәр менән дә йәлеп итә. Ауылда  мин  кистәрҙе  яратҡан урман буйында ҡаршыларға  яратам. Унан  ҡояш байығанын күҙәтәм дә, әкрен генә әллә ниндәй юлдар табып ҡайтам. Өйгә атлағанда, миңә  әле ҡайтып бөтмәгән һарыҡтар осрай, ҡайҙалыр  һуҙып ҡына һыйыр ҡысҡырғаны ишетелә... Ә мин һаман юл туҙанын осороп,  туҙҙырып  ҡайтам  һәм өләсәйем янына ҡайнар икмәк менән,  ҡоймаҡ һәм бал менән сәй эсергә йүнәләм....