сочинение «Хәәртә һазрин үнр»

Муниципальное казенное общеобразовательное учреждение

«Бага-Тугтунская средняя общеобразовательная школа»

Яшалтинский район

Республика Калмыкия

Республиканский конкурс сочинений «Мөӊгн бичүр»

Сочинение «Хәәртә һазрин үнр»

Выполнила: Хантуева Аминат Хантоевна

6 класс

Руководитель: Мутренова Ирина Сергеевна учитель калмыцкого языка

«Хәәртә һазрин үнр»

Диилврин Өдриг иигҗ өөрдүлсн

Дүүвр Таӊһчим эндр дүрклнә!

                                   Җимбин А.

Далн тавн җил давв… Тер  дәәнә цагин зөрмгин хаалһ өдгә цагин баһчуд эврәннь өвкнрәсн меднә. Дәәнә түрүн өдрәс авн Әрәсән меҗә деер Хальмгас хойр миӊһ һар күн дәәлдсмн. Би бас нег тууҗ соӊсв. Медәтә салдс кезә чигн нег түӊгрцг оньдин бийәсн салһдго билә. Эн оньдин күзүндән өлгчкдмн. Тер түӊгрцгднь юн бәәхинь күн меддго билә. Оньдин алӊ болдг билә. Медәтә цергч тер түӊгцгән генәртә кевәр хадһлдмн. Тер түӊгрцг Москваһас Берлин күртл салдста күрсн билә. Нег дәкҗ хортнла бәәр бәрлдсн бәәҗ. Цугтан зер-зевән арчҗ, хурцлҗ суула. Медәтә салдсас баахн көвүн: «Ах, түӊгрцгтән ямаран үнтә юм хадһлад йовнт?»- гиҗ сурв. «Кесг сай пуд буудя хадһлад йовнав,»- гиҗ медәтә цергч келв. Баахн көвүн медәтә салдсин наач келсинь сәәнәр медсн уга. Дәәнә бәрлдән эклв. Тер бәрлдәнд медәтә салдс сумнла харһв. Баатр кевәр хортнла ноолдсн цергчин цогцинь дәәнә һалас теврәд көвүн авч һарв. Оршахин өмн күзүнәснь түӊгрцгинь тәәлҗ авв. Тәәләд хәләхлә- һарсн, өссн эврә һазрасн авсн тоста хар шавр бәәҗ. Тиигн гихнь, эврә һазрин үнринь алдшгоһар, тевкрлҗ бийләһән авад һарч. Көвүн цергчиг оршаһад, тер шавринь деернь тараҗ цацв. Әәмшгтә дән диилврәр төгсв. Баахн цергч менд хәрҗ ирв. Төрскн орн-нутгиннь захарнь орад ирв. Төгәлӊд һазрнь харлҗ, көкрҗ, цаһан һуйрин тәрәһәр шавшҗ көвүг тосв. Ода ирҗ баахн көвүн медәтә салдсин, бәәрлдәнә өмн келсиг медҗ авв. Медәтә цергч юуна төлә әмән өгсинь ухалв. Өвсн- тәрән иигҗ урһтха гиҗ, әмтн элвг бәәтхә, ни җирһләр бәәтхә гиҗ кесгнь әмән өгч. Эӊкр эврә һазрин төлә медәтә цергч әмән өгсинь баахн цергч медв. Алдр Диилврт мана зөрмг өвкнр эврә тәвцән орулсиг мадн, өдгә цагин баһчуд, кезә чигн мартшговидн.