Сочинение «Ма ун ащеңалам лялясты яңхсаңан»

Муниципальное образовательное учреждение

«Горковская средняя общеобразовательная школа»

Муниципальный этап окружного конкурса творческих работ (сочинений), посвящённый 70-летию Великой Отечественной войне.

Сочинение

«Ма ун ащеңалам лялясты  яңхсаңан»

                                                   Сочинение написал: Тырлин Роман,  

                                        ученик 10б класса

                                          Руководитель: Еприна Л.П.,

                                                    учитель ханты языка

с. Горки - 2015г.

Сочинение.

Ма ун ащеңалам лялясты яңсаңан.

Там пуш ӆапатъяң таӆ парас мет воӆаң ляль уӆам пора эӆты. Щи ураңан нох питам яртъяңмет хатаӆн  Ас нопатты тыӆащн шек кащтысаят лялясам хоятат. Щи  ун емаң  хатаӆн муң мувев ӆоватн кашаң куртан, ун вошатн усат концертат, митингат, хоятат соӆтан ӆат ӆэсат, арат арысат, яксат, ляльн парам хоятат кащтысат. Ун пирщ хоятат, хой ляль порайн ищи ӆаварта усат, рупитсат атӆ-хатӆ хуват, ӆыптатн мойласаят, мосман шай йинщты тутлисаят.

Ляль порайн муң округев эӆты ищи ар хоят вуса лялясты тахая. Щит ус шек ун ляль. Кашаң семья эӆты матты хоят ищи па ляля  вуса.

Муң семьявн аңкем пеӆк эӆты ляля вуса   аңкем ун ащеӆ. Ԓув нэмӆ  Манямов Серафим Алексеевич. 

Ун ащем, Серафим Алексеевич, сэма питас Везың куртан йи щёрс  ярсот хуӆмхощъяңмет таӆн. Ляля вуты ям еӆпийн ӆув хоят  тус, нэмаӆ Анна Павловна ус.  Лув Варов курт нэ.  Няврэмӆаӆ сэма питсат. Ун эвеӆ сэма питас йи щёрас ярсот хольмаң  хуӆм таӆн. Ԓув нэмӆ  Анна. Щи юпийн хоӆна хуӆам пох сэма питас: Федул, Леонид, Пётр. Ун ащем  уӆты ай куртаӆн вой, хуӆ веӆас.  Няврэмӆаӆ энмаӆтас имеӆ пиӆн, похӆаӆ  утаӆтас хоты вой юш кащаӆаты, ӆыс омасты, хуӆ веӆты.

Оӆаң ляля ювам таӆн ӆув хоӆна ёӆан ус. Ун ащем Везың курт эӆты  Мужи воша ёхтас, хун нэпекн ёхатса ляля мантыя. Мужи сельский совет эӆты ӆув ляля китса ущ манты  тыӆащн йи щёрс ярсот няӆъяң кимет таӆн. Катра порайн хантэт ханшты ант хошсат, сишн ӆув  эӆтэӆ пищма ант ёхтыӆыйс. Кат таӆ-луӊ ӆув непщат пиӆн лялясты тахана ус.

Ёхи ун ащем ляль эӆты ант ёхтас. Ԓув веӆса непщатан ун кер тыӆащн катхощьяң хатаӆн йи щёрс ярсот няӆъяң  няӆмет таӆн. Мува потса братский могилаян  Анисимово  нэмпи  куртан Псковский районан  Ленинградский областьн.

Хота ун ащем парс, муң  уйтсув  Ԓорвош район ун нэпек хуват. Ԓув нэмӆ «Книга памяти», щи тумпина, интернет эӆты  «Мемориал» нэмпи сайт хуват каншсув.

Матты ишн муң утщиӆув ун ащем иӆ понам тахая яңхтыя па щита ӆувеӆ кащтатыя.

Щаӆта ляля  манылыйс ащем пеӆк эӆты ун ащем яйӆ.   Ԓув нэмаӆ Тырлин Мартын Романович. 

Мартын Романович сэма питас  Хашкуртан йи щёрас ярсот хус кимет таӆн. Ԓув ищи яма хошас вой па хуӆ веӆпасӆаты. Ляля вуямн ӆувеӆ ус туп хус таӆ. Воӆӆы энамты няврэм. Нэпекат  щирн,  ун ащем ляля китса  ущ манты тыӆащн  ветхощьяңмет хатаӆн йи щёрс ярсот нялъяң кимет таӆн Хашкурт эӆты. Щи юпийн муң  ӆув эӆтеӆ нэмоӆты ант уйтӆув, ляльн тапс, хоӆща веӆса непщатн па нох, танха,  ант вуса.

Муң  ям номас  тайӆув, мосаң   ясаң  уйтӆув, хота  веӆса па  иӆ потса ун ащем. Щи ураңан интернет хуват «Мемориал» нэмпи па па сайтат ӆыпия ӆоңтыӆув па нэмӆ хуват инщасӆув ӆув эӆтэӆ.

Ин уӆты няврэмата мосаӆ шек яма уятты па ант ёрэматы ун  Воӆаң ляль эӆты, па нох каншты кашаң тапам ляльн хоят, хота ӆув антома йис, па хота иӆ потса. Ԓув уӆапсайӆаӆ масӆаӆ муң урңевн.

Там хот Везыӈ куртан омасаӆ, хота усат ма ун аӈкем па ун ащем ӆув няврэмӆаӆ пиӆн