Зохеолго "Минии дуратай гэрэй амитан"

«Минии дуратай гэрэй амитан»

     Хүйтэн саг боложо байхада, Иркутск хотын үйлсэ дээрэ бишыхан сагаан миисгэй даараһандаа шангаар уйлажа байһан юм. Минии Зоригто ахай энэ миисгэйе хараад, ехэ хайрлажа,.. гэртээ оруулаа. Уһан соо һайнаар угаажа харахадань, тон хөөрхэн, тун сагаан миисгэй урдаһаань хаража һууба. Харин хотодо багахан гэр соо Снежок гэһэн миисгэйдэ муу байгаа. Иигэжэ Тооро тосхондо намда нүхэр бложо миисгэй ерээ һэн.

     Сагаан миисгэйдээ би Серафим гэжэ нэрэ үгөөб. Юундэб гэхэдэ, нэгэ нарата үдэр Снежок гэһэн миисгэймнай газаа гаража, огородой шорой олоод, тон хүхюутэйгээр хүльбэржэ наадаа. Һүүлээрнь харан гэхэдэм, сагаан миисгэйм хара боро болошоод, урдаһаам хоер нюдөө бэлтылгэн һууба. Тиигээд би миисгэйн нэрые һэлгэжэ, Серафим гэһэн нэрэ үгөөб.

          Ехэ наадаха дуратай, амтатай эдеэ эдидэг, хүнэй хажууда нойрсоходоо баярладаг юм. Баатарлиг зантай байһандаа, манай Барсик гэһэн нохойһоо, юрэдөө, айдаггүй. Зундаа тала дээрэ таршаануудые, эрбээхэйнүүдые бариха дуратай, харин һүүлдэнь борбилоо, хулганаануудые гэтэхэ шадабаритай болоо. Зарим үдэрнүүдтэ ехэл эсэһэн хэбэртэйгээр үни удаан нойрсодог. Газаа гарахаяа һанахадаа, үүдэнэй хажууда ерээд, шангаар бархирдаг. Эльбэхэдэм «мур-мур» гэжэ байжа хүршэгэнэдэг. Ленточкын хойноһоо гүйхэ, һабараа диван, креслын бүд гадартань үрэжэ, эжын сухал хүргэнэ. Харин минии һургуулиһаа ерэхэдэ, харшынгаа хажууда намаяа угтан, ехэл хүхидэг.

  Би өөрынгөө миисгэйдэ ехэл дуратайб.

Бадлуев Бэлигто,