Сэбэр агаарай сэнгэлигтэ
Манай нютагай Ород горхон үбэлдөө үргэнөөр халижа, зузаан мүльһөөр хушагдадаг юм.
Хаа - яа би суг хамта һурадаг нүхэдөөрөө мүльһэн дээрэ ошожо халтирдаг, сүлөө сагаа үнгэргэдэгби.
Мүнөөдэр Баатар, Сэсэгма, Доржо, Базарсада, Ким гээд хамта мүльһэн тээшэ хэшээлнүүдэйнгээ һүүлдэ зорибобди.
Манай ангиин Баатар хүбүүн угаа хүхюун, шогууша хубүүн юм, мүнөөшье тэрэ бидэниие энеэлгэжэ, хүхеэжэ ябана. Тэрэнэй хөөрэхэдэнь, уйтан нюдэдынь үшөөшье уйтан боложо, нариихан зурлааханууд мэтээр үзэгдэнэ, хамарынь һарнайгаад, оболзоно, түргэн дуугархадань, аманһаань эжэлүүдгүй шүлһэн сэсэрнэ.
Нүхэрөө дууряажа, Базарсада хөөрөөндэнь нэмэлтэ хэхэ хэбэртэй шоглоод абана. Базарсадын бэлтэгэр хара нюдэнүүд хүхюутэйгээр ялалзана, юундэшьеб гарнуудынь арбалзана.
Одоол горхоной мүльһэн дээрэ ерэбэбди. Мэгдүү шуран Ким ойгоргүй яаража гуталаа тайлаад, конькитой ботинкануудаа үмдэбэ, тэрэнэй гарайнь хургануудай түргөөр хүдэлхэ гээшэнь гайхалтай!
Номгон даруу зантай Доржо мүльһэн дээрэ һуугаад, удаан шииганан, гуталаа углана, юушьеб хамар дороо гүнгэнэнэ, доошоо тонгойходонь, хамарһаань юундэшьеб нюһан харгытан гоожоно. Удаан саг соо уухилһаар, конькигоо үмдэжэ, тэрэ мүльһэн дээрэ одоошье гараба.
Бэшэ нүхэдынь согтой хүхюугээр оог хашхаралдаа табин, мүльһэн дээрэ ехэл баяртайнууд урагша - хойшоо халтиран гүйлдэнэд.
Минии эгээн дүтын нүхэр басаган Сэсэгма сэнхир экранаар фигуристнуудые хараха угаа дуратай юм, арбан зургаатайхан Алина Загитова тэрэнэй шүтэгшэ (кумир) юм, тиимэһээ алдарта фигуристые һажааха гэжэ аһан шадалаараа оролдодог , мүнөөшье хүл гарайнь хүдэлсые дууряаха гэжэ хүлөө дээшэнь үргөөд, сэхэ шугам шэнгеэр табижа халтирха гэжэ оролдобо. Тиигэжэ байтараа сомсойн һуужа, байра дээрээ оло дахин эрьелдэнэ. “Тусхай һургуули гараа һаа, Сэсэгма ёһотойл эрхим фигуристка боложо шадаха байгаал ха,” – гэжэ би хорхойтон шахуу бодомжолноб.
Тиигэһээр байтар Базарсада урилдаад үзэе гэжэ дурадхал оруулба. Би мүльһэн дээрэ утахан сэхэ зурлаа татан зурабаб, табуулан жэгдэхэнээр жэрылдэн зогсобобди.
“Урагшаа!” – гэһэн шанга дохёо Базарсада үгөөдхибэ. Бидэ урагшаа шармайн гүйлдэбэбди, хэмнайшье гээгдэхэ дурагүй; хүйтэн һалхин сээжыемнай хүсэтэйгөөр үлеэнэ.
Зай, хурдан, ута хүлтэй Ким эгээл түрүүлжэ ерэбэ, хойноһоонь Базарсада зурын бууба. Сэсэгма бидэ хоёр гурбадахи гарабабди, Баатар дүрбэдэхи гараһандаа балайшье баяртай бэшэ хэбэртэй, абяагүйхэн зогсоно. Харин нобшо Доржо эгээл һүүлдэ гээгдэн ерэбэ. Эгээл һүүлдэ ерээшье һаа, Доржо угаа хүхюутэй, ехээр тэрээндээ голхорношьегүй хэбэртэй, нюдэнүүдынь ошотон ялалзана, шангаар хашхарна: тэрэ хүнэйшье баярта баярлажа шададаг юм.
Урилдажа, хүхилдэжэ, удаан дуран соогоо бухиндаагаа гаргажа, һайса мүльһэн дээгүүр эсэтэрээ халтирбабди, бэе бэетэеэ эрьюусэлдэбэбди.Хүхюутэйшье гээшэнь ойгоргүй!
Нараншье орохо тээшээ дүхыбэ хэбэртэй. Нютагаа харахадамнай, тээ холохоно нюдэндэ угаа дулааханаар үзэгдэн, даллан байһан мэтэ болоно .
Үбэлэй дабташагүй үдэр сээжэ зүрхэндэмнай бүхөөр хадуугдан үлэбэ.
“Телефондо, компьютерта няалдашоод, нюдэнэйнгөө хараа муудхаажа, бэеынгээ шалаашье гаргангүй һууһанһаамнай энэ сэбэр агаарта гаража, түрэл тоонто нютагайнгаа агаараар сээжэ дүүрэн амилһамнай, хүхижэ, сэнгэжэ үдэрөө үнгэргэһэмнай аргагүй зохид гээшэл”, - гэһэн бодолнууд минии һанаанда эжэлүүдгүй ороодхибо.
Сэлеэн тээшээ согтой хүхюунүүд алхалнабди. Шогууша Баатарнай үшөөл хөөрөөгөө үргэлжэлүүлһээр...
Скачать:
| Вложение | Размер |
|---|---|
 uguulel_sambuevoy_seseg.docx | 16.29 КБ |
Предварительный просмотр:
Үгүүлэл
Сэбэр агаарай сэнгэлигтэ
Манай нютагай Ород горхон үбэлдөө үргэнөөр халижа, зузаан мүльһөөр хушагдадаг юм.
Хаа - яа би суг хамта һурадаг нүхэдөөрөө мүльһэн дээрэ ошожо халтирдаг, сүлөө сагаа үнгэргэдэгби.
Мүнөөдэр Баатар, Сэсэгма, Доржо, Базарсада, Ким гээд хамта мүльһэн тээшэ хэшээлнүүдэйнгээ һүүлдэ зорибобди.
Манай ангиин Баатар хүбүүн угаа хүхюун, шогууша хубүүн юм, мүнөөшье тэрэ бидэниие энеэлгэжэ, хүхеэжэ ябана. Тэрэнэй хөөрэхэдэнь, уйтан нюдэдынь үшөөшье уйтан боложо, нариихан зурлааханууд мэтээр үзэгдэнэ, хамарынь һарнайгаад, оболзоно, түргэн дуугархадань, аманһаань эжэлүүдгүй шүлһэн сэсэрнэ.
Нүхэрөө дууряажа, Базарсада хөөрөөндэнь нэмэлтэ хэхэ хэбэртэй шоглоод абана. Базарсадын бэлтэгэр хара нюдэнүүд хүхюутэйгээр ялалзана, юундэшьеб гарнуудынь арбалзана.
Одоол горхоной мүльһэн дээрэ ерэбэбди. Мэгдүү шуран Ким ойгоргүй яаража гуталаа тайлаад, конькитой ботинкануудаа үмдэбэ, тэрэнэй гарайнь хургануудай түргөөр хүдэлхэ гээшэнь гайхалтай!
Номгон даруу зантай Доржо мүльһэн дээрэ һуугаад, удаан шииганан, гуталаа углана, юушьеб хамар дороо гүнгэнэнэ, доошоо тонгойходонь, хамарһаань юундэшьеб нюһан харгытан гоожоно. Удаан саг соо уухилһаар, конькигоо үмдэжэ, тэрэ мүльһэн дээрэ одоошье гараба.
Бэшэ нүхэдынь согтой хүхюугээр оог хашхаралдаа табин, мүльһэн дээрэ ехэл баяртайнууд урагша - хойшоо халтиран гүйлдэнэд.
Минии эгээн дүтын нүхэр басаган Сэсэгма сэнхир экранаар фигуристнуудые хараха угаа дуратай юм, арбан зургаатайхан Алина Загитова тэрэнэй шүтэгшэ (кумир) юм, тиимэһээ алдарта фигуристые һажааха гэжэ аһан шадалаараа оролдодог , мүнөөшье хүл гарайнь хүдэлсые дууряаха гэжэ хүлөө дээшэнь үргөөд, сэхэ шугам шэнгеэр табижа халтирха гэжэ оролдобо. Тиигэжэ байтараа сомсойн һуужа, байра дээрээ оло дахин эрьелдэнэ. “Тусхай һургуули гараа һаа, Сэсэгма ёһотойл эрхим фигуристка боложо шадаха байгаал ха,” – гэжэ би хорхойтон шахуу бодомжолноб.
Тиигэһээр байтар Базарсада урилдаад үзэе гэжэ дурадхал оруулба. Би мүльһэн дээрэ утахан сэхэ зурлаа татан зурабаб, табуулан жэгдэхэнээр жэрылдэн зогсобобди.
“Урагшаа!” – гэһэн шанга дохёо Базарсада үгөөдхибэ. Бидэ урагшаа шармайн гүйлдэбэбди, хэмнайшье гээгдэхэ дурагүй; хүйтэн һалхин сээжыемнай хүсэтэйгөөр үлеэнэ.
Зай, хурдан, ута хүлтэй Ким эгээл түрүүлжэ ерэбэ, хойноһоонь Базарсада зурын бууба. Сэсэгма бидэ хоёр гурбадахи гарабабди, Баатар дүрбэдэхи гараһандаа балайшье баяртай бэшэ хэбэртэй, абяагүйхэн зогсоно. Харин нобшо Доржо эгээл һүүлдэ гээгдэн ерэбэ. Эгээл һүүлдэ ерээшье һаа, Доржо угаа хүхюутэй, ехээр тэрээндээ голхорношьегүй хэбэртэй, нюдэнүүдынь ошотон ялалзана, шангаар хашхарна: тэрэ хүнэйшье баярта баярлажа шададаг юм.
Урилдажа, хүхилдэжэ, удаан дуран соогоо бухиндаагаа гаргажа, һайса мүльһэн дээгүүр эсэтэрээ халтирбабди, бэе бэетэеэ эрьюусэлдэбэбди.Хүхюутэйшье гээшэнь ойгоргүй!
Нараншье орохо тээшээ дүхыбэ хэбэртэй. Нютагаа харахадамнай, тээ холохоно нюдэндэ угаа дулааханаар үзэгдэн, даллан байһан мэтэ болоно .
Үбэлэй дабташагүй үдэр сээжэ зүрхэндэмнай бүхөөр хадуугдан үлэбэ.
“Телефондо, компьютерта няалдашоод, нюдэнэйнгөө хараа муудхаажа, бэеынгээ шалаашье гаргангүй һууһанһаамнай энэ сэбэр агаарта гаража, түрэл тоонто нютагайнгаа агаараар сээжэ дүүрэн амилһамнай, хүхижэ, сэнгэжэ үдэрөө үнгэргэһэмнай аргагүй зохид гээшэл”, - гэһэн бодолнууд минии һанаанда эжэлүүдгүй ороодхибо.
Сэлеэн тээшээ согтой хүхюунүүд алхалнабди. Шогууша Баатарнай үшөөл хөөрөөгөө үргэлжэлүүлһээр...
Хэжэнгын аймагай Ородой дунда һургуулиин 8 – дахи ангиин һурагша Самбуева Сэсэгэй ажал.
Зимний лес в вашем доме
Сторож
"Морская болезнь" у космонавтов
Рисуем одуванчики гуашью (картина за 3 минуты)
Прекрасное далёко