Адым-шолам чажыттары

Чогаадыг.

Адым – шолам чажыттары.

       Чырык черге төрүттүнүп келгеш, кижи бүрүзү ат-шолалыг болур ужурлуг. Атты кижиге ада-иези анаа-ла даап адап бербес. Ону уткалыг бээр.

      Мени Сайын Юлдуз Төмүровна дээр. Фамилиямни Сайын дээр. Ооң утказын кырган-авам Ульяна Семёновна Сайын дээрге, моол дылда «эки, экии» дээн сөс деп турар. Адымны Юлдуз дээр. Авамнын чугаалап бергени-биле алырга, Юлдуз дээрге «Сылдыс» дээн сөс диди. Ол киргиз-моол, тыва сөстерде дөмей бооп турар. Мен төрүттүнгенимде «Шын» солунга «Юлдуз» деп эгелиг чечен чугаа үне берген турган. Ону номчударга, Чиңгис-Хаанның оглу Батый хаанның 7-ги кадын-кадайы болган. Ол ядыы улустуң кадарчы уруу – анаа эвес кончуг угаанныг, эң-не чараш дурт-сынныг, чараш арын-шырайлыг, кежээ кижи болган. Ынчангаш Батый хаанның эң-не ынак кадайы турган деп, бичии чугааны меңээ чугаалап берди. Ол ат авамга, ачамга дыка солун, чараш ат болган. Ынчангаш мени ынчаар адай бергеннер.

      Авам адын Айгуль дээр, киргиз дылда «Ай чечээ» дээн. Ол атты ак баштыг башкы кырган-авам Наталья Дондаловна адап берген. Ачам адын Төмүр дээр. База-ла моол дылда, «Демир» дээн уткалыг ат дээр. Демир дег кадыг, шыырак дээн ышкаш.

                                          Адым-шолам чажыттарын,

Кыска-даа бол ынчаар билдим.

                                          Атты канчаар адап кааны

                                          Алыс ботка утка киирер.

Айым биле Хүнүм болган авам-ачам,

                                     Өг-бүлениң Идегели улуг угбам,

        Төрээннерим, чаптанчыг чаш дуңмаларым

                                     Оруун чырыдар «сылдызы» боор Юлдуз-тур мен.

Чогаадыг.

Адым-шолам чажыттары.

Мээң адымны Нарам-Цэцэг дээр. Нарам дээрге, моол дылда «хүн» дээни ол,

 Цэцэг дээрге «чечек» диген. Ынчангаш Хүн чечээ деп аттыг мен. Фамилиям

Сайын – «эки, экии» дээн моол сөстен укталган бооп турар. Кижиниң адының

утказы дыка ханы болур деп чүвени күүйүм, даайымдан билип алдым.

    Мээң адымны авамга лама Мерген башкы адап берген дээр чорду. Черле амгы

үеде чаш кижилерниң адын хүрээден айтырып алырга эки деп бодап турар мен.

                                      Өртемчейни алдын Хүнүвүс чырыдар.

 Кырган-авам, кырган-ачам, акымайның

                                      Алдын Хүнден хайырлааны

                                      Айыраң каас Цэцээ-дир мен.