сочинение «ҖИРhЛИН ХААЛҺ»

Хальмг Таңhч

Яшалтинск район

          МБОУ «Бага-Тугтунская средняя общеобразовательная школа»

                                                     БИЧЛЛҺН

                                       «ҖИРhЛИН ХААЛҺ»

                                                                   9-гч классин сурhульчин

                                                                    Вертоградск Татьянан кесн көдлмш

                                                                Хальмг келнә багш: Мутренə И.С.

2017-2018 җ.

Баһ- Тугтна селән

                                                                                            Дəəсн ик болвчн

                                                                                            Дарҗ эс чадҗ,

                                                                                            Даарсн, цолдсн зовлңд

                                                                                             Дандҗ эс ѳгч.

                                                                                                          Калян Санҗ.

 hашута Алдр дəəнə цагт олн зγсн йовдл мана орн- нутгт геедрҗ. Тиим йовдлмудас  негнь- Кизлярəс əəдрхн кγртл тѳмр хаалhин тосхлт. Энγнə нернь НКПС № 8.

     Алдр дəəнə эклц мана орн-нутгт йир кγнд билə. Фашистнр зврə ик девскр hазр кγчəр эзлҗ, бийəн харсх дəллдəнə цаг билə. Эдн дəəнə хойрдгч зунар Кавказыг эзлхəр зура зурла. 1942-гч җилд зунар фашистнр зγткəн тəвəд, Иҗл hолын кѳвəhγр кγрхəр седлə. Эн йовдл Государственн харслтын комитетин болн Улан Цергин Генеральн штабиг ик γγмəн дуудв. Така сарин 24-д фашистнр Ростовиг, Армавириг, Майкопиг, Краснодариг, Элстиг эзлҗ авч. Ноха сарин 15-д эдн Эльбрусин ѳмн γзгин ташуд кγрч. Болв фашистнриг хулhн сарин чилгчд мана салдсмуд зогсав. 1943 җилəс туула сарин нег шинəс авн мана əəрм дəврлhн эклсмн.

    Тер цагла бакун нефтиг Каспийск теңгсин деегγр Красноводскур кγргдг билə. Цааранднь энγг «ут хаалhар» Ашхабад, Самарканд, Ташкент, Джусалы, Кандагач, Илецк 3600 км дууна болв Уральск- Саратовд  690 км дууна кγргдг билə. Тенд нефтезаводмуд кѳдллə. Иим хаалh йир кγчр болла. Тер цагт СССР-д нефтин 22 сай тонн олҗ авдг билə, ик зууцнь (70%) Бакинск hазрас.

   Фашистрин зураг медə бəəҗ, 1941-гч җилд ноха сарин 16-д ЦК ВКП(б)-н болн СССР-ин Совнаркомин шиидвр hарв. Терγнд  Кизлярəс əəдрхн кγртл тѳмр хаалhин тосхлтын тускар келгдлə. Хаалhин утднь 335 км дууна болҗ hарв. НКПС-ин тосхлт нефтиг ахрхн хаалhар hарhах зѳвтə билə. Эн тѳмр хаалh ик гидг дəəнə тосхлт болв. Ик зууцнь кγчн усн уга девскр hазрар йовгдсмн. Тер учрар энγнə тосхлтд олн зγсн əмтн орулгдсмн. Ахлачинь Мушкатин, терγнə сольгдчнь Черкасский болв. НКПС дала гисн машид (экскаватормуд, скрепермγд, бульдозермγд) эн тосхлтд орулв. Хальмг Таңhчд тѳмр хаалh экономическ болн җирhл-бəəдлин ясрлтд кергтə болв.

1941-гч җилд ноха сарин 30-д ВКП(б)-н обкомин бюрон болн Хальмг Советин əмтнə комиссарин шиидвр hарв. Терγнд 6200 кѳдлəчнр болн 2325 мѳрн тергн орулгдхнь келгдлə, болн олн зγсн хозинвентариг цуглулад, тосхлтын элс, шавр, эмчнрин кергсмγдиг тəвгдхнь заагсн болв.

   Зуг тер дəəнə цагт эн тосхлт йир кγчн болҗ, тегəд эн тѳмр хаалhиг хаахар седсн бəəҗ. Тер замд И.В.Сталинə нернəс телеграмм ирҗ. Терγнд бичə хаагдха гиҗ келлгдсн бəəҗ.

1942-гч җилин ноха сарин дѳрвдгчлə Кизлярəс əəдрхнγр тγрγн поезд ирв. Эн ончта ѳдриг ѳѳрдγлхин тѳлə 20 миңhн əмтн нѳр- хол уга, чик сəн хот-хол уга,ѳдр-сѳ кѳдлəд бəəҗ эн хаалhиг тосхсн билə. Тер ѳдрəс авн тасрлтан угаhар шин тѳмр хаалhар бакинск нефтиг европин орн-нутгудур поездəр авч йовдг болв.

Ямаранчн ик кергт кγнд саам харhгдна. Тиигəд эн тѳмр хаалhин тосхлhнд бас тиим орм болсмн. Иҗл hолыг hатлад, Трусово станцас эннь барун кѳвə зγн кѳвə тал əəдрхнγр болн Урбах станцур hатлна, тагт кевтγлх кергтə бəəсмн. Эн тосхлт дѳрвн этапар кегдв. Негдгчнь- эн дѳчн хойрдгчин зун, хойрдгчнь-  дѳчн хойрдгч-hурвдгчин γвл, hурвдгчнь- цаг зуура hатлhна тагт тосхлhн, дѳрвдгчнь- йосн тагт тосхлhн. Дѳрвдгч этапнь дəəнə хѳѳн давулгдсмн.

Дəəнə цагт тосхгдсн тѳмр хаалh гиигн техническ эв- арhар кегдсмн. Юңгад гихлə, локомотивн болн вагонн эдл-аху, церглтин болн əмтн бəəдг гермγд эс тосхгдсн билə. Тер тѳлəд хаалhин зəрм участкар поездин скоростнь част 15-20 дун болдг билə. 1943-гч җилин туула сарла Улан- Холл станцур əəдрхнəс тосхлhна коллектив ирв. Станц деер негчн бəəдг гер уга. Кѳдлəчнр болн путейцнр землянкд, ишкə гермγдт бəəдг болв. Нааран уудг ус, хот-хол долан хонгт хойр дəкҗ авч ирдг билə.

Тѳмр хаалhин бəəдл кγнд, му болвчн ѳдр-сѳ уга бакинск нефтиг зѳѳдг бəəсмн. Диилврин ѳдр ѳѳрдγлхин тѳлə эн хаалhар агчмин зуур-дѳчн хойрдгч җилин ноха сарас хулhн сар кγртл 16 миңhн цистерн нефть зѳѳгдсмн. Дѳчн hурвдгч җилд эн хаалhар нефтəс γлγ, ик- ик паровозмуд hарhҗ йовулгдв. Тер цагт 1500 паровозмуд əəмшг уга hазрур авч hарhгдла. Эн операц кучр болчкад дегд əəмшгтə билə. Юңгад гихлə, əəдрхн-Урбах линиян тəвгдлhнə арhнь йир баh бəəҗ, тер тѳлəд авч ирсн паровозмудыг трактормудар чирəд станцас хол тəвсн бəəҗ. Хѳѳннь сəн цаг ирхлə, шин  тѳмр хаалh тосхад, эн паровозмудыг кергтə hазртнь кγргх болв. Тернь тиигəд кγцгдв, эвин цаг ирснə хѳѳн шин тѳмр хаалhар харҗ авсн паровозмуд Уралур болв Сииврγр кγрв, кесгтəн тусан кγргсмн.

Дəəнə хѳѳн миңhн йисн зун далдгч җилд эн хаалhиг цааранднь Гурьев кγртл тосхсмн. Тууҗд орсн тѳмр хаалh тосхлhна кѳдлəчнр Сталинд иим суңhг бичҗ тəвсмн: «Бидн шин Кизлярəс- əəдрхн гидг тѳмр хаалhин тосхачнр самолетмуд болн танкс тосхлhнд 303400 миңh арслң бийəсн орулад тəвнəвидн. Дəкəд Улан цергин дəəчнр болн командирмγд белг авхин тѳлə 195100 арслң цуглулҗ авувидн. Эн ик кергəн цааранднь давулх санатавидн».

Тиигəд   əəдрхн –Кизляр гидг тѳмр хаалh эврəннь йосан чилəв. Олн зγсн  кѳдлəчнр Государственн мѳрəр ачлгдв. Эдн ик зѳргтə йовдл кецхəв.

      Миниhəр болхла, тиим кγчр кѳдлмш дəəнə цагт мана баhчудт йир ик γлгγр болх зѳвтə. Бидн эврəннь тѳрскн hазрин тууҗиг медх зѳвтəвидн. Мана Хальмг Таңhчд эн җилд Әəдрхн –Кизляр гидг тѳмр хаалhин 75-гч җилин ѳѳн темдглҗəнə.

ЗАЯВКА

на участие в республиканском конкурсе исследовательских и творческих работ «Дорога жизни», посвященном 75-й годовщине завершения строительства железной дороги Астрахань- Кизляр в годы ВОВ.

МБОУ «Бага-Тугтунская СОШ» 2017-2018 учебный год

                     Директор школы:                         /Манджиева Е.В./