"Зэдэгущы1эгъу"

Зэдэгущы1эгъу нычэпэ си1агъ,

Татэ нычэпэ сэ сихьэк1агъ.

Къихьи, къик1уашъи

Джау къэт1ысыгъ.

Шъхьэр къыридзыхи

Бэщыр  ч1и1угъ.

Къыздэгущы1энэу ,сэш1э, ар фай.

Къыригъэжьэшъурэп ащ икъэбар.

Бэрэ пскэу1оу джыри щысыгъ,

Къыхэдзэгъуаеу ащ къыфэхъугъ.

Ынэгу сык1эплъэ,

Нэшхъэй дэд.

Нэгум зэлъагъэу и1эр бэ дэд.

Тыркъоуи телъыр

Мынахьы мак1.

Нэпцэ фыжьит1ур къепэгъогъох.

Мэш1ок1э ц1ык1ур

Нит1ум къач1ех.

1упш1эр хъублаблэу

Зыгорэ хе1ук1.

Къызгуры1онэу бэрэ сыпылъ,

Нэгу уц1ыц1ыгъэм

Бэрэ сыч1эплъэ.

Ау ар зыфаер гуры1огъуай.

Джэнджэшы 1ае сыгу къихьагъ.

Сыдык1э татэ ыгу къысэбгъагъ?

Сыда гумэк1эу сэ къысфэк1уагъ?

Джыбэм е1абэ,

Чысэр къырехы.

Лулэр еушъэ, къысфыдэплъый.

Гур ыгъэтхытхэу

Нэплъэгъу къысихи,

Мак1эу хэпш1ык1эу хэщэтык1ыгъ.

Шъырытэу,1упк1эу

Къырищэжьагъ.

Макъэр к1эзэзэу

Сэ зыхэсш1агъ.

-Сэ силъэгъуныр

Оры сик1ал.

Сэ сигумэк1ыр

Оры сишъау.

Непэ дунаир

Ш1оу зэхъок1ыгъ.

Умыш1эжьынхэу

Ц1ыфхэр хъужьыгъ.

Адыгэ шэныр

Сыда хэшъунагъ?

Намыс, шъхьак1афэр

Сыда ч1эшъунагъ?

1эдэбыр, ук1ытэр

Тэ къишъухыжьын?

Жъыгъэ гъэш1оныр

Сыдэу хъужьын?

Пшъэшъэ ук1ытэм

Сыд нахь дэхэн?

К1элэ 1орыш1эм

Нахьыш1у щымы1эн

Хабзэрэ бзыпхъэрэ

Тэ къик1ыжьын?

Зэ шъук1эгъожьымэ

Шъумгъотыжьын.

Сыда къызхэк1ырэр?

Зэк1э къыса1у.

Хэмыушъафэу сыхэгъэда1у.

Сик1элэ,нашхъу,

Сыд уикъэбар?

Сыд уищы1ак1эр?

Зэк1э къэ1уат.

Щы1ак1эу шъуи1эм сыхэгъэда1у.

Джэуапым сэри зезгъэук1ыхьыгъэп.

Непэрэ мафэм щызгъэгъозагъ.

Тэ тищы1ак1э

Сыгу зэре1урэр

Зэгъэзэфагъэу хэзгъэдэ1уагъ.

Хэгупшысыхьэу

Бэрэ ар щыси,

Зы упч1э джыри къысфигъэзагъ.

-Адэ, сишъау,

Зэ джы къыса1уи.

Щысэтехып1эу хэты о уи1?

Бгъэгум къыдэк1эу,

Зыриутэнк1ыжьэу,

Сыгу зимыш1эжьэу

Къэбырсырыгъ.

-Лъэшэу сигуапэу

Бэу къыос1он.

Сэрэп, ар бэмэ яджэуапын.

Сэрк1э, ар дэгъумэ анахь ш1ужь.

Псыушхъо 1уашъхьэм

Ущы1ук1эжьын,

Т1опсапэ дэжьы

Щыгупсэфыгъ.

Л1ыгъэ зэрихьэу,

Дахэу псэугъ.

Щысэтехып1эу

Ар сэ сфэхъугъ.

Къоджэбырдыкъомэ я Мыхьамэт!

-Бэу ул1эхъупхъ, сишъау!

Бэу сигопэшху!

Щысэтехып1э Мыхьамэт хъун.

-Хьатх Мыхьамэти ыц1э къес1он.

-Хьатхым ил1ыгъэ

Тхьэм къыуерэт!

Гуш1ом зэрихьэу

Джэуап къысет.

Тыгъужъыкъошхоу

Пый гъэщынэри

Сыгу къэзгък1ын.

Адыгэ хэкум,

Аслъан к1оч1эшхоу

Къызбэч исыгъ.

Л1ыгъэ зехьашхоу

Хэкум ти1агъэр бэ.

К1алэу къэхъугъэм

Щысэтехып1эу ти1эр тэ бэ.

Гуш1ор ынэм ак1ихэу къысэплъы.

Гуш1ом зэрихьэу хэлъэубэбык1эу

Татэ къэтэджы.

-Аферэм, сишъау,

Укъэхъумэ лъэпкъым

Л1ы уфэхъун.

Къызбэчы фэдэр

Щысэтехып1э хъун!

Джэуапэу,синашхъу,

Згъотыгъэм сигъэрэзагъ.

Адыгэ лъэпкъыр

Зэрэпсэущтыр джы къызгуры1уагъ.

Ыгу зэрэчэфыр

Ынэгу сызыч1эплъэм къызгуры1уагъ.

Къызэрэсфэразэр

Ынэ ш1уц1ит1умэ ач1эслъэгъуагъ.

Зигъэрэхьати, зыкъы1этыжьи

Ик1ошъыжьыгъ.

Пк1ыхь гъэш1эгъоныр

Сыдэуи псынк1эу

Къэсыухыгъ.

Сыдэуи псынк1эу

Сятэжъ чэщым хэк1одэжьыгъ.

Сызык1элъэплъэм, гъогу бгъузэ дахэ,

Зэпэнэфыжьэу къыхэслъэгъуагъ.

Сятэжъ гъогу зафэ

Сэ сытетынэу

Сфигъэнэфагъ.

Усэу

«Шэфлъагъу»

Зытхыгъэр:

Джыракъые гурыт еджап1эм

ик1элэеджак1оу, я 8-рэ классым исэу

Къэгъэзэжь Инвер.