Пасихlти пикруми

                                Реферат

 «ЧебяхIти гIякьлукартала пасихIти пикруми».

                                                                              БелкIунси:  6-ибил   классла    ученица

                                                                                       Абдулаева Заира

                                               Къизлар  

                                               2019 ибил дус

ЧебяхIти гIякьлукартала пасихIти пикруми.

                                               Россияла

Искусстволичи диги агарси мерлаб критикара хIебирар.

Критика агарси литература дугели шала агарси кьакьагъуна саби.

Нушаб лявра уркIецIира хIяжатти сари. Эгер илди нушаб адамтани хIелугули диалли, илди даргес нуша тIабигIятлизир умцIули дирехIе.

Пикри гьар секIайс бекI саби, лерил секIал иличирад дехIдирхьур. Ил багьандан пикруми мурхьси мягIнала диахъес узес гIягIниси саби.

Адамти бучIахъес буралабачибад бехIбирхъес къулайсири: илди баркьудлумас адабдешла хьулчни сари.

ГIяхIсила гIердируси, амма гIяхIдеш хIебируси адамли сунечи гьими алкIахъу.

                                        Индияла

Сабаб агарли гьимуркIуси – ил сай мехIурси.

Азир дацI гъайличиб духуси ца дев гIяхIси бирар.

Чилилра гьуни чехIебиахъуси яра лебилрали гьуни чебиахъуси улкализив хIермайруд: талихIагарли кавлад.

Ханжай барибси дяхъи арабирар, бардали бяхъибси вацIа сагали челябкьян, амма гьимила гъайли барибси дяхъи арахIебирар.

Хъа регI – ил сари юрт. РегI агарси юрт – ил вацIагъуна саби.

                                      Грецияла

Цаибил пигьала – милиги ахъес, кIиибил – разидешлис, хIябъибил – мури- дешлис, авъибил – мехIурдешлис.

Вайси адам цIа бишунси урцула галичи мешуси сай. ХIела секIал хIейгу, амма цIударвирахъури.

Ялавкартази викниличиб чIакнала кьялшубази викни гьалаб саби. Ялав-

картани мицIир - мицIирли хIи дужа, чIакнани биалли вебкIили гIергъицун кьаркьала буга.

Палтарла умудеш кьяшмачибад бехIбирхьуси саби.

ПасихIдеш – талихIла неш.

Умут – ил хIуруцIси муэр саби.

                                               Италияла (Римла)

АдамкIун виштIаси сай, амма ил хIерируси юрт – дунъя – халаси саби.

Хабарагар анцIбукьли гьар секIал дарсдирахъули дирар.

Опыт бегIла гIяхIси насихIятчи саби.

Сегъуна-дигара дергълис гIергъиси цаибил мурад удибикибтачи уркIецIибарни, чедибикибтала хамдеш дазулизи буцни саби.

Чедила чебаъла жагадешличи бахъ жявли дирхмарудая.

Чис – биалра ишбархIи вайтIа биалли, мурталра илкьяйда калес хIебирар.

ЧIянкIуси бархьдешличи, палтарли бегIбиайчи, таманни вирхмархуд.

Дахъал дагьни гIяхIси саби, амма лерилра дагьес вируси ахIен.

ЭмхIес басня бучIуси хIебирар.

Ахмахдешла хIячми мурхьти сари: илис сари илди агардарес къиянси.

                                               Китайла

ШалгIеббухъунси манзиллизибад се – биалра касес балуси адам учительли виэс лайикьси сай.

ДарсхIедирули кавлути кIел секIал сари: чебяхIси пасихIдеш ва бегIлара гIяшти абдалдеш.

Дархьти низам-кьяйда лерси улкализив баркьудлумазивра гъайлизивра урехи агарли вирен. Низам-кьяйда агарси улкализив баркьудлумазив урехиагарли вирен, гъайлизив – мяхIкамли.

Гьала-гьала хIябяркъурли жагьил дурхIни дергълизи бархьни – ватIайс вершадеш дарни саби.

Сабурчевси адамла хатIаби камли дирар.

ХIушачи хIуша тIалабкарли, алавтачил малхIямли диреная. ИлхIели хIуша цархIилтала гIяйиблизи хIедиркудая.

Душманти агарси мерлаб дергъра хIебирар.

Акьули халаси замана буркIуси адам селизивалра гьалавяхI архIякьян.

АкIни хIясибли ва тIабигIят хIясибли адам кьяркьси сай, ил дигичевси ва гIяхIси ветарахъути бузерира баркьудлумира сари.

Газетаби историяла тарихлизир секундуни дуйгIути гIякьрабти сари.

Газетаби дунъяличирти улкнала гьар бархIила история сари.

УрхIла биалра, духуси пикри вегIла абдал пикриличиб гIяхIси бирар.

БегI гьалар алипуни акIахъубсини адамтас тIабигIятла унза ибхьуси умхьу бедиб.

ГIяхIси гIяртистлис вайси роль лебси ахIен.

Давлали хIелукъуси адам забличи хIерси океангъуна сай.

Низамагардеш диктатураличи аркьуси гьунила бехIбихьуд саби.

Пачалихълизиб лебилра халкь  цабалги хIербирули биалли, гIярмия хIяжатхIебиркур: илгъуна пачалихъличил дергъ барес чилра хьулхIелхъан.

Халкь дебали мискинбиъни мурталрара-сера илди халкьанала вожданала гIяйибличибли бетаруси саби.

Мискинси гьатIира мискинни хIериэс вирар, кьиркьирси гьатIира кьиркьирли хIериэс хIейрар.

Мискинсила душманти камли бирар, амма давлачевсила гьалмагъуни гьатIира камли бирар.

ГIякьлуагар адамтани сай камли валулра или цIумикIар, гIякьлукар- сунени адамти камли балулра или.

Лебилра халкьлис гIяхIдешуначила гъай тIинтIдарили, саби давлачеб-

биубти – илди шилтахъчиби-гIямалчиби саби.

ГIяхIбаркьли гIяхIбаркьунас гьуни ибхьу.

ГIялимдеш кьутIкьути хIячмазибад бакIибси муръиси цIедеш саби.

Хьунул адамтани мурул адамтаниван зумали хIяяла законти хIедулъа, амма илдазибад хIяя дуэс бехIбихьалли, мурул адамтиван ахIи гьарахъли бетиули бирар.

Кьаркьа жагадеш- арадеш, гIякьлула жагадеш-багьудлуми.

Гьарил улкала давла илизиб хIербирути адамтала лугIилизибад ва илдала бузерилизибад дигахъуси саби.

Давла бегIлара камси гIяхIдеш саби, гIякьлучебдеш - бегIлара халаси.

Давлачеввиэс давлализивад ухъесван къиянси ахIен.

ЗягIипикни гIяхIси ахIен, гьатIира вайси саби вебкIни, амма иш дунъяличиб хIуни сегъуналра гIяхIдеш барес хIейубли зягIипикниличила ва убкIниличила пикриикIни селрайчибра гIядабси саби.

Бархьли буралли, магьар дихьили хъаллабирни вайдеш саби, амма чараагарли гIягIниси вайдеш саби.

Уркълуми – гIякьлуми камтала ярагъ саби.  

Садакьачиби миллионертала кисмазирад кадикибти дибгIянти арцгъунти саби.

Мурталра челябкьлаличила пикриикIуси – ил талихIагарси сай.

Дибягъдеш кIел тяхIярла лебси саби: ца багьудлумала даршдуслис гьалаб башуси саби, кIиэсил – ил даршдуслис гIергъи башуси.

Сабур духудешла хьулчи саби.

Галгаличиб лебси ца гIинц сабри. Ил гIинцла тIем багьес дигути адамти галгала удиб илцадра бахъал сабри, хIятта гIинц кабикес мер кали ахIенри.

Адамтас дунъяличибра мер кьакьали саби, хIу биалли гостиницализиб мер агниличила зигарикIулри.

Складчини  сунела складлизир кIел тонна ризкьила камли диъни гIяхIил балулри. Чумал бархIи пикриикIули калун ва бареси гIямалличи шакикиб. Комиссияли ахтарди бехIбихьес гьалар ила кIел ваца кадатур.

ВацIа мяхIкамбарес гIягIнили биъниличила азир гъай дурниличиб ца галга убатни имцIали пайдала саби.