"Якын дус" шигыре

        Якын дус

Кечкенә этем  бар минем,

Исеме  аның  Зирәк.

Уйнарга гел кирәк аңа,

Шук инде, җитез  бигрәк.

    Ул  акыллы һәм  тәртипле,

    Мине бик тә ярата.

    Күрше тавыклары керсә,

    Бик  тиз  куып  тарата.

Мин дустыма  шатланам,

Чөнки дус  һәрчак кирәк.

Авыр минутлар килгәндә,

 Этем  була  миңа  терәк.

      Нәрсә  генә  сорасам да,

      Этем  мине тиз  аңлый.

      Ни  кызганыч, мәктәп биргән

      Өй  эшен  эшли  алмый.

2016 нчы ел