Нютагайм сэбэр агаар

Нютагайм сэбэр агаар.

     Манай газар – замбуулинай  эгээл гоё  юртэмсэ болоно, гансахан манай орбогорхон гэр гээшэ.

    Тиимэ тула, хүн бүхэн оршон тойроод байһан  байгаалидаа анхаралаа, һанаагаа үнэнхэ зүрхэнһөө  табиха ёһотой бшуу.  Энэ хадаа, үглөө бүри бодожо нюур гараа угаагаад, эдеэлээд амһартаа угааһандал, дадалтай болохо ёһотой гэжэ һананаб.  Бидэнэр байгаалиин аша һанажа, тэрэниие хамгаалха уялгатайбди.

     Алтан дэлхэймнай экологи үдэр бүхэндэ муудажал  байна ха юм. Юундэб гэхэдэ, зарим хүнүүд энээниие ойлгоногүй, байгаалиие гэмтээдэг, хэрэггүйдэ амитадые хюдадаг, ой модо отолдог, һалаа мүшэрыень хухалдаг, тиихэдэнь  хэды олон ан, шумуул хосорноб, Нарһатымнай  нуур бэшэшье уһа голнуудаа хараад үзэхэдэ шэргэжэ, загаһа амитадай ажамидарха аргань бага болоно. Харгы гарахада элдэб янзын  гэхэ гү, али маркын машинанууд олон боложол байна, огторгой өөдэ харахада түргэн ракетэ ба спутнигүүдые табина. Ой соо ороходомни, аяншалагшадай орхиһон талада саарһан, консервын баанха, эбдэрхэй шэл, оршон тойроод байһан  газараа бузарладаг, гал түлеэд, тэрэнээ хүсэд унтараангүй орхиходонь түймэр боложо, байгаалиин баялигые хорооно, хүн амитанда тодхор татана. Эдэ бүхы юумэн түрэл байгаалидамнай аргагүй ехэ хохидол үзүүлнэ гэжэ ухаан бодолдоо хадуухадаа, минии ехэ һанаа зобооно.  

     Эжым иигэжэ хэлэдэг: –«Модо ехээр отолхогүй, газар онгилон малтахагүй , уһа бузарлажа, сагаан эдеэ адхахагүй – эдэ бүгэдэ һургаалые сахингүй, аргагүй нүгэл хэгдэнэ гээшэл даа, тиигэжэ  Буддын шажанай һургаал соо бэшээтэй  юм».

       Бидэнэй байгаалияа хамгаалаагүй һаа, хэдэн жэлэй үнгэрөөд байхада, ууха сэбэр уһан, амилха һайхан агаар олдохоёо болёод байха юм гү?.

     Үдэр бүримнай ажабайдалай тайга хүбшэтэй нягта холбоотой хадань, ой тайгаяа, ан гүрөөлөө, тойроод байһан байгаалияа гамнаха, хамгаалха хүн бүхэнэй уялга гэжэ би һананаб.

     Би нэгэ багахан туһа болохо,  хубияа оруулха гэжэ уһанай эрье ошоходоо, тэндэ хэбтэһэн шэл, саарһа, бог шорой эжытэеэ суглуулжа хаядагбди. Үбэлдөө, хабартаа шубуухайнуудта  эдюур хэжэ эдеэлүүлдэгби. Иигэжэ хүн бүхэнэй бага, ехэшье хубияа оруулааһаа, байгаалияа абарха һэмди даа.

      Үхибүүд, үетэн нүхэд, байгаалида гамтайгаар хандае, тэрэниие хамгаалае гэжэ уряалха байнаб.