Хяагтын аймагай урданай арадай дуунууд

                                       Манай Хяагтын аймагай  урданай арадай дуунууд.

                                                        Сүхэ  голнай.

1. Хабтагай сагаан  СYхэ  голнай

Халижаш  байгаа  юм гү даа,

Хайртай буурал аба эжымнай

Харилсажаш  байгаа юм гү даа.

2. Yргэн сагаан  СYхэ  голнай

Yерлэжэш байгаа юм гY  даа,

Yбгэн буурал аба эжымнай

Yгылжэш  байгаа юм гY даа.

3. Сайдам сагаан СYхэ  голнай

Долгилжош  байгаа юм гY даа,

Сагаан буурал аба эжымнай

санажаш  байгаа юм гY даа.

                                                        Гое гээшэнь!

1. Хада  дээрэ гарахадам

Хабтагай СYхэм гое гээшэнь,

Хани нYхэрөө санахадам

Хара hYни ута гээшэнь.

2. Yндэр дээрэ гарахадам

Yргэн  СYхэм  гое гээшэнь,

Yеын  нYхэрөө санахадам

Yдэр, hYни ута гээшэнь.

3. Шэлэ дээрэ гарахадам

Сэлгеэ  СYхэм  гое гээшэнь,

Сэдьхэлэйнгээ  нYхэрөө хYлеэхэдэм

Сэлмэг  hYни  ута  гээшэнь.

                                   ХYдэр голнай

1. Yргэн Yлзытэ хангайн урдуур

Уруудан  урдаа   ХYдэр голнай.

Олондо хYндэтэй нYхэдYYдни

Өөртэм тодорхой санагдажа байна.

2. Хабтагай  Yлзытэ хангайн урдуур

Харьялан  урдаа   ХYдэр голнай.

Хамтада  хYндэтэй нYхэдYYдни

Хажуудам  тодорхой санагдажа байна.

3. Сэлгеэ Yлзытэ хангайн урдуур

Сэнхирлэн урдаа  ХYдэр голнай.

Сэлеэндэ хYндэтэй нYхэдYYдни

Сээжэндэм  тодорхой санагдажа  байна.

4. Баян Yлзытэ хангайн урдуур

Баруулан урдаа ХYдэр голнай.

Бултанда хYндэтэй нYхэдYYдни

Бодолдом тодорхой санагдажа байна.

ХYгты хаан.

1. Хабтагай СYхын хойморто

      Хада ехэтэй ХYгты хаан.

      Хормой дээрээ Yргэhэн

      Хайрата буурал аба эжы.

2. Сэлгеэ  СYхын хойморто

Саргуул ехэтэй ХYгты хаан.

      Сарбуун дээрээ  Yргэhэн

      Сагаан буурал аба эжы.

3. Yргэн СYхын хойморто

Yбэр ехэтэй ХYгты хаан.

Yбдэг дээрээ Yргэhэн

Yбгэн буурал аба эжы.

Хяагтын аймагай урданай  тYрэ найрай  дуун

1. Хурьган, хурьган хонеороо

Хурим тYрөө бYтээе.

ХYгшэн аба эжыгээ

Хадагын гоеор золгое.

2. ТYльгэн, тYльгэн хонеороо

ТYри хуримаа бYтээе.

ТYрэhэн аба эжыгээ

Хадагын гоеор золгое.

3. Ергэн, ергэн хонеороо

Ехэ наадан  бYтээе.

Ерэжэ бууха урагуудаа

Хадагын дээжээр золгое.

                               Урда сагай арадай дуун.

1. Атан, атан  тэмээгээ

Алхалуулжа ябаарай.

Аба эжы  хоероо

ГомдуулангYй  ябаарай.

2. Индиин, индиин тэмээгээ

Эмээллэжэ ябаарай.

Эжы аба хоероо

ГомдуулангYй  ябаарай.

3. Буурал, буурал тэмээгээ

Бохиргожо ябаарай.

Буурал сагаан аба эжыгээ

ГомдуулангYй  ябаарай.

Сагаан Шулуута

1. Сагаахан Шулуутамнай манаранги

Саhа, бороонь татаастай.

Саhа борооной дэлгэрхэдэнь,

Сагаахан сэсэгэнь халюурна.

Сагаан сэсэгYYдэй  халюурхада,

Сайбарта хонгорынь жаргаал даа.

Сайбарта хонгорынь ундалуулха,

Шааян урдаа СYхэ мYрэн..

2. Улаанхан хадамнай манаранги

Уhа,  бороонь татаастай.

Уhа борооной дэлгэрхэдэнь,

Улаахан сэсэгэнь халюурна.

Улаахан  сэсэгYYдэй  халюурхада,

Унаган хонгорынь  жаргаал даа.

Унаган хонгорынь ундалуулха,

Урасхал ехэтэй СYхэ мYрэн..

Дайнай     Yеын     дуунууд

1. Табхар сагаан хYрэнээрээ

Талха ургуулаа Ворошилов.

Табин мянган сэрэгYYдые

Командовал Ворошилов.

2. Ама сагаан   хYрэнээрээ

Алхалуулаа Ворошилов.

Арбан мянган сэрэгYYдые

Командовал Ворошилов.

3. Хушуу сагаан  хYрэнээрээ

ХYндэлYYлээ Ворошилов.

Хореод  мянган сэрэгYYдые

Командовал Ворошилов.

Танк-машина

1. Хатуу булад танк машинаа

Харгыда тYргэн заводиилаарай.

Хартай ерэhэн Гермааниие

Катюушаараа бута сохеорой.

2. Шэрмэ булад танк машинаа

hYртэй тYргэнөөр заводиилаарай.

Сэсэрхэн  ерэhэн Гермааниие

Катюушаараа бута сохеорой.

3. Улаан  булад танк машина

Урматай тYргэнөөр заводиилаарай.

Урагшаа дабшаhан Гермааниие

Катюушаараа бута сохеорой.

Урданай  хуушан  жороо YгэнYYд

1. Пеэшэнэй пэтэгэр талха,

Талханай татаар, монгол,

Монголой модон сэргэ,

Сэргын сэсэн хушуу,

Хушуунай ямаан тэхэ,

Тэхын ехэ мяха,

Мяханай манай гахай,

Гахайн галзуу поршоонхо,

Поршоонхын  пYYд  талха,

Талханай табин тYхэриг.

2.  ХYхэ ямаан.

Хаана ошообта?

Хөөрхындэ.

Ямар хэшэгтэй ерээбта?

Нэгэ муу  хYхэ  ямаатай.

Эшэгэнь хаана бэ?

Эрьюулгэн дээрэ табихадам,

Yлэгшэн нохой эдеэ.

Yлэгшэн нохой яагааб?

ТYлеэшэдые дагаа.

ТYлеэшэд  яагааб?

ТYймэртэ галдаа.

ТYймэр яагааб?

Саhанда унтараа.

Саhан яагааб?

Наранда хайлаа.

Наран яагааб?

Хаанай хоер хYYгэд

ХYхэ бухаа бэдэрэн ябаад,

Худаг соо  наратай  унаа.

ХYдэрэ голой YреэлнYYд.

1. Бии бэлигтэй, дYYрэн хэшэгтэй

Хэзээдэш  хэмжээгYй жаргагты!

ТYлиhэн галаа тYмэн жэлдэ тYлижэ,,

Мянган галаа  мянган жэлдэ бадараажа,

Yнэр hайниие Yзэжэ, баяниие хаража,

Ажа  байдалдаа  амжалтатай, буянтай,

ДYрбэн тээшээ тэгшэ hуухатнай болтогой!

2. Бэетнай бэхи боложо, наhантнай ута болог!

МYнхэ зоригтнай  мYнгэн шэнги бYтэжэ байг!

Ажабайдалтнай алтан шэнги арюухан болог!

Yбэрөөрөө дYYрэн мYнгэтэй,

Yеынгөө hайхан нYхэдөөр золтой ябагты!

Арбан хургатнай азатай,

Алдар hайхан нэрэтнай суутай, солотой

Дэлхэй дээрэ ябагты!

3. Yглөө бYри сэржэмэйнгээ дээжэ Yргэжэ,

Yдэр бYри наранай элшэ угтажа,

Найдан шэнги Yнэр hуужа,

Намсарай шэнги баян,

Олон урагшаа hанаатай шабинарые hургажа,

Огторгойн мYшэндэл  хододоо яларжа,

Аза талаантай, ута наhатай,

Удаан жаргалтай ябахыетнай хYсэнэбди!

4. Баруун ханадаа Бурхан багшатай,

ЗYYн ханадаа Зонхобо Бурхантай,

Орой дээрээ Отошо бурхантай,

Магнай дээрээ Майдар бурхантай,

БуурашагYй  буянтай,

ЗайлашагYй заяатай,

ДабашагYй далгатай

Алтан энэ дэлхэй дээрэ амар амгалан,

Yбшэн зоболонгYй ябахатнай болтогой!

5. Хуби заяанай hэнжYYртэ

УнтаршагYй галтай,

ДундаршагYй жаргалтай,

УнашагYй сэргэтэй hуухатнай болтогой!

Дэлхэй шэнги хизааргYй,

Дайда шэнги уужам,

Далай шэнги баян hуухатнай болтогой!

Ара-Алцагат  нютагай  хүгшэдhөө

10-дахи ангиин hурагша Цырендоржиев Дугар бэшэжэ абаба.