Эйлиг-Хем чонунуӊ сеткили биче болгаш боттарын көөргеттинип, матанмас болганы-биле бо ырыларны авторлары чокка тып алгаш, авторларын тыварын оралдашкан 9-ку класстыӊ өөреникчилери.

Эгээртинмес Эйлиг-Хемим

Бестиг, айлыг,  чечек шыпкан                                                                                                                                    Безеректиг  беш-ле аяӊ                                                                                                                                            Сериин, делгем Серлиг, Сектиир                                                                                                                      Суруг малы сынмас чайлаар чайлагларлыг.

Серлиг, Сектиир белдирлерлиг                                                                                                                                               Сурлуг куштуг  Эйлиг-Хем бооп,                                                                                                                                     Ужарлардан кушталбышаан,                                                                                                                                                Улуг-Хемче кирип чыдар.

Кадыргылар чемнеп ойнаар,                                                                                                                               Каргыраалаан Коргаа –Ээрем.                                                                                                                                             Кодан малдар хостуг оъттаар                                                                                                                                        Кожагар-Хая, Чола-Аксы.

Чуӊма-тези, сыын-мыйгаа                                                                                                                                    Шыдавыже одарлап  аар.                                                                                                                                                               Калбак, делгем мээстерлиг                                                                                                                                                                                            Кадыр-Иймем, Хам-на- Буурам.

Эйлиг-Хемниӊ баткан унун

Ээй тырткаш бугалап каан.

Чиргилчинниг Ооругда                                                                                                                                          Чиӊге-тараа суггут болган.

Чымыштыг иш дышты негээр,                                                                                                                                                 Шынган эъттер суларай бээр.                                                                                                                                                          Ыры херек, амыдарал хөгжудери,                                                                                                                                    Ыры херек, ырлажыӊар өӊнүктер.

Чыылган чоннуӊ аразынче                                                                                                                                                 Чайлыг өйде шымны бээр сен.                                                                                                                                                         Ыры херек, танышпастар таныжа бээр.                                                                                                                                          Ыры херек, ырлажыӊар өӊнуктер

Мээӊ чуртум Эйлиг-хемим

Эртенги хүн хаяазыныӊ херел чырыы                                                                                                                                  Эгээртинмес кояттарны ол чырыдып кээр.                                                                                                                         Элик-хүлбүс эзим санай огура бээр                                                                                                                               Эргеленген аялгалыг Эйлиг-Хемим.

Аткан даӊнын хаяазыныӊ херелдери                                                                                                                                     Арга-сынныӊ каъттарын ол чырыдыптар.                                                                                                                        Айлан-куштар аян ырын ырлажы бээр                                                                                                                      Авыралдыг аялгалыг Эйлиг-Хемим.

Хаяаланган аяс хүннүӊ херел чырыы                                                                                                                            Хаяларлыг сыннарны ол чырыдып кээр.                                                                                                                               Хая-дашка торлуш дивес аян хемим                                                                                                                                                 Хайнып мөөреп, агып чыдар, Эйлиг-Хемим!

Ынак Эйлиг-Хемим

Ийме биле Буураныӊ аразында                                                                                                                                                                  Тайлып баткан Эйлиг-Хемде                                                                                                                                                            Таныш-көрүш ырлап алгаан                                                                                                                                                      Даглыг черлиг ынак чуртум.

Эзир куштар ужуп четпес                                                                                                                                                         Эӊмек бедик даглар чурту-                                                                                                                                                                Эрте шагда малчын уктуг                                                                                                                                                                      Эргеленчиг Эйлиг-Хемим.

Ышкамзыраан хүннеп чыдар                                                                                                                                                Ыдык бедик тайга-сынныг.                                                                                                                                                Ыраажылар алгап –мактаан                                                                                                                                                           Ынак төрээн Эйлиг-Хемим.

Мөӊгүн, алдын эртинелиг                                                                                                                                                                    Мөӊге чоргаар даглар бүргээн                                                                                                                                                     Элик, хүлбүс, аӊ-меӊ оъттаан                                                                                                                                                           Эргим-тир сен, Эйлиг-Хемим.

Кашпал кадыр, бедик даглар                                                                                                                                                    Каржы-доӊгун көзүлзе-даа                                                                                                                                            Өргээ кирген аалчы кижээ                                                                                                                                                     Эргелелдиг эргим чонум.

Аалдар, өглер угулзалаан                                                                                                                                                                                 Аӊгор малдыӊ сураа алгаан                                                                                                                                                                                     Чойган- пөштүг тайгаларлыг                                                                                                                                        Чоргааранчыг мээӊ чуртум.

Эйлиг-Хемим

Эстеп-шурап агып чыдар шапкын суглуг,                                                                                                                                      Эриин дургаар эӊгилеме чалымнарлыг,                                                                                                                               Эӊ-не баштай чырык хүнү көрген черим                                                                                                               Эӊмектелген кавайым сен, Эйлиг-Хемим.

Эргеленип ээп өскен авайым дег,                                                                                                                              Эӊмектелген кавайым сен, Эйлиг-Хемим.

Азарганчыг хензиг-биче чажымдан-на                                                                                                                                                                                    Алган эштиг, ажы-төлдүг болгужемче,                                                                                                                        Амыдырал далайнче догудуп каан                                                                                                                                    Алгап чоруур йөрээлим сен, Эйлиг-Хемим.

Аа судун ээп өскен авам ышкаш,                                                                                                                                    Алгап чоруур йөрээлим сен, Эйлиг-Хемим.

Мээӊ суурум

 Эйлиг-хемим, эргим суурум                                                                                                                                                   Эне чаштан ойнап өскен,                                                                                                                                                                      Эриг баарлыг авайым дег,                                                                                                                                                  Энерелдиг мээӊ суурум.

Ховузунда аӊгор өшкү                                                                                                                                                                               Хостуг-шөлээн оъттап чоруур.                                                                                                                                                             Хая-даштан харап көөрге,                                                                                                                                                Хаяаланган эргим суурум.

Тоолда дег чараш даглар                                                                                                                                                                              Тывызыксыг суурумну бүзээлепкен.                                                                                                                           Таваанайда чапты берген                                                                                                                                                    Улуг-хемим кызыгаарлаан.

                           (Кудер-оол Ожукмаа

                                   7 класс тургаш чогааткан)

Эйлиг-Хемим

Хоюг аккыр дүгүн алыр                                                                                                                                                             Хойлар оъттаар одарларлыг,                                                                                                                                                  Шынаазында сиген кезер                                                                                                                                               Шыктыг- көктүг Эйлиг-Хемим.

Аккыр чараш дүгүн алыр                                                                                                                                                                   Аӊгор өшкү өзуп турар                                                                                                                                                                        Ак-ла сүдүн саап алыр                                                                                                                                              Арбын малдыӊ турлаа болган, Эйлиг-Хемим.

Хемнеринге куштар чыглыр,                                                                                                                                                                                    Хектер үнү чаржып турар.                                                                                                                                             Ынак чуртум, Эйлиг-Хемим,                                                                                                                                                           Ырым ырлап, мактап тур мен, мактап тур мен.

Эйлиг-Хемим

Ийме биле Буураны                                                                                                                                                                               Ийи чара бады келген                                                                                                                                                                        Арыг мөӊгун сагындырар                                                                                                                                                                                 Ак-кок саарыг ужарларлыг.

Эйлиг-Хемим, Эйлиг-Хемим                                                                                                                                                    Эргим ынак торээн черим.

Ооругнуӊ ховуларын                                                                                                                                                                      Ол-бо кешкен бугаларлыг.                                                                                                                                                     Арбын сугну сүзүүн кылган,                                                                                                                                                 Арбай-тараа ында чалгаан.

Эйлиг-Хемим, Эйлиг-Хемим                                                                                                                                                                                                        Элбек дүжүт ээзи-ле сен.

Ховуларга оъттай бээрге,                                                                                                                                                             Хамык малы айыраӊнаан.                                                                                                                                            Кадарчылар ырлай бээрге,                                                                                                                                                       Хаялары  үдеп турар.

Эйлиг-Хемим, Эйлиг-Хемим,                                                                                                                                                                 Элбек малдыӊ ээзи-ле сен.

Эрги суурум

Эрги Суурум эргим-не ийин                                                                                                                             Ээнзиреп калган-на –дыр.

Эштеримни сактып келгеш,

Эрткен үем караамайга көстүп кээр-дир.

Демир үжүүм тудуп алгаш,                                                                                                                                                       Тендии дүрген бижиксээр мен.                                                                                                                         Бажыӊымга олуруп алгаш,                                                                                                                                   Башкыларым сактып кээр мен.

Эрги Суурум школазын,                                                                                                                                                            Эрте берген чылдарымны дужей бээр мен.                                                                                                              Аштакчызы угбаларым                                                                                                                                                               Ам-даа чоруур чоргаранчыын.

Эрик куду бадыптарга                                                                                                                                                           Ээн кудук чанында бо.                                                                                                                                                            Эштип ойнаан арат-чонум                                                                                                                                                              Элезинде чыдып турар.

Эштип, эштип чанып келгеш,                                                                                                                                            Эӊмежок хөй ажы-төлдер                                                                                                                                                    Ногаан шыкка аӊдаштанып,                                                                                                                                             «Начыннар» дег хүрежирлер.

Энерелдиг Эрги Суурум                                                                                                                                                      Элезинин сүзүп, эштип                                                                                                                                                           Элээн чылдар эрте берген,                                                                                                                                                   Эрткен үем сагыжымны саргыдып кээр.

Келир үе сайзыралы                                                                                                                                                                       Кедизинде хыын тывар.                                                                                                                                                     Дыштанылга «пляжын» кылыр                                                                                                                                 Тывынгырлар тыптып кээр боор.