Чана шуабыз

Чана шуабыз.

Зарипова Адилә, Актаныш мәктәп-бакчаның 3 класс укучысы.

Җитәкче: Мусина А.Х.

Яңа чана алды әти-

Табаннары юл яра.

Выжылдап шуып төшәбез

Сеңлем белән без таудан.

Чана юлы ерак китә,

Чөнки тавыбыз текә.

Выжылдап шуып төшкәндә,

Чанабыз чума көрткә.

Тәгәрәп кала сеңлем дә,

Чумам ак карга мин дә.

Ә буш чана тауга түбән

Җилдән җитез җилдерә.

Тотам, куып чанабызны.

Сеңлем шуңа шатлана.

Инде хәзер тауга менү

Мәшәкате башлана...

Таудан шуып төшүләре

Бик тә рәхәт-беләсез.

Ләкин, ничек тауга каршы

Чана тартып менәсе?!