"Әсәкәйем" (инша)

Әсәкәйем!

Әсәй!Әсәкәйем!Ниндәй яғымлы һүҙ.Ошо һүҙҙе гел ҡабатлығы килеп тора.Сөнки әсәйҙән дә матурыраҡ,яғымлыраҡ кеше юҡ.Әгәр шатлығыбыҙ булһа ла,ҡайғыбыҙ килеп сыҡһа ла гел әсәй менән уртаҡлашабыҙ.Баланың иң тәүге аҙымы ла,һүҙе лә-әсәй һүҙенән башлана ул.Әсәйҙең һәр һүҙе уйландыра,шатландыра.Беҙҙең дә ғаиләлә үҙ ҡояшыбыҙ бар.Исеме есеменә тура килеп тора ул әсәйемдең.Алһыу ғына сикәләренә оҡшатып ҡушҡандар тиерһең Зәлифә исемен.Ғаиләлә ул һабаҡ бирә,ярамаған эш эшләһәң төҙәтеп ебәрә.Һәр бер аҙымды,һәр бер һүҙҙе иҫләй ул минең әсәйем.

Әсәкәйемдең ҡулдары алтын.Уның күңел һалып бәйләгән кейемдәрен кейһәң,тылсымлы көс һине күктең етенсе ҡатына алып менгән кеүек.Бешергән аштарын тәмләп ҡараһаң,телеңде йоторлоҡ.Нимә бирһәм дә аҙ кеүек һиңә ҡәҙерле,ғәзиз,һөйкөмлө әсәкәйем.Балаларын күҙ ҡараһы кеүек һаҡлай ул һәр бер әсә.Әсәһеҙ донья йәмһеҙ.Гел беҙҙе ҡыуандырып яҡты нурҙарың менән өйҙө йылытып күңелдәргә илһам өҫтәп тор әсәкәйем,минең бөтмәҫ шатлығым.Әсә куңеле-балала, тип юҡҡа ғына әйтмәгәндәр.Мин ҙурайһам да гел һин минең эргәмдә буласаҡһың.Ҙурайһам да һинең тылсымлы һүҙҙәреңә,ярҙамыңа мохтаж буласаҡмын.Ҡайҙа ғына йәшәһәм дә,дала ерҙәренә сығып китһәм дә,һиең яғымлы ҡарашың,әйткән аҡыллы һүҙҙәрең минең тормошомда маяҡ булып торасаҡ.

Күсәйева Наҙгөл.

6 класс