Вирь марлю

МБОУ «Мордовско-Козловскяй средняй общеобразовательнай школась»

Атюрьевскяй муниципальнай районць

Азкс

«Вирь марлю»

Сёрмадозе 7 классонь тонафнись

                                                     Норкина Марина                                                      

Пара мялезон тунда ваймосемс садса. Сембось панжи, яфоди танцти шиненя. Перьфпяльгя морайхть пъсьмархне, а рана шобдава и цёфксонь морот кулевихть. Кеняртьфнесамазь садоньке козя урожайса кизонда и сёксенда. Тя въдь тяни сон оцю и мазы. Тяса касыхть и вишнефкакст, и сливакст, и марлюфт, и  грушакст.

Мон мяляфтса, мъзярда семьяньконь явфтозь атязень и бабазень эзда, ушедоме эряма ташта емла кудняса.

Весть алязе кандсь аф оцю марлюня,а таргазе сонь кить крайста, коса сондеенза оцю марлюкс арамс пяк стакаль: то синдьсазь тарадонзон, то унксонзон тапасазь .

Алязе вальмалу озафтозе марлюнять, а мельганза якаме семьянь келеса: ляпфнеськ алдонза модать, валондоськ. Марлюнясь мъзярошка кизода меле венемсь и шуваня таратканзон лангс появасть васенце панчфкятне, а меле и марьнятне.

Алязень ся кизонда  сявозь войнав.   Сон  тумстонза наказась, штоба сембе стака тевса лездолеме тядязти, а нинге мярьгсь тейне и альняказти ванфтомс марлюнять. «Пингсь етай вишкста, а марьхнень кенеремс, ванат, и монга ни улян кудса .»

 Эрь шиня ванондонь марьнятнень мельге и учень кенеремаснон, станя маласькофнине алязень саманц .

Тядязе корхнесь, што синь кочкамат сексенда, мъзярда якстерьгодыхть, пяшкодихть сокта и синць тифтень-кафтонь кармайхть прама модать лангс.

Ашель мялезе учсемс сексес. Пяк ни танцтиста няевсть  марьнятне.

 Вов фкя шиня, мъзярда тядязе альняказень мархта  тусть паксяв тишень урядама, мон лядонь ськамон куду. Лисень   марьнятнень ванома, ашесть кенере ли синь?  И виде, фкя боксна оснавасть якстерьгодома. «А, пади, тядязе эльбядсь? –арьсезевонь мон. Аш мезенди учемс марнек якстерьгодомасна, улема, синь ни кенерсть.»

Венептине кядезень марлюти, да няеви аф сязеви тяфтак, ашень каса нинге. Кевярдень марлють ваксс оцю мокорь, станявок, ужяленди, кядезе изь сата . Эста фатяйне марлюксть ронгта и сембе вийса комафтыне эсь ширезон. Маряйне кода марлюнясь чаторгодсь и синдевсь.  Сязень синьф марлють эзда кафтошка марьня, и тунь ласькозь ся малать эзда .

Ласьконь  щавазень вальмалу, озань шочконять лангс и сускине марьнять. Эх  и шапамоль, и сяпиль,  прокс вирь марь.

Куду ся шиня молень шоподемшовор, стадань самда меле. Тядязе содазе, што марлють синдине мон, но ашемань сюце, аньцек кизефтемань: «Кода, танцтихть марьнятне?» .

А монь ни путерьфса тусть сельмоведне шудема, шарьхкодине аф цебярь тев тиень, коськи марлюсь , аф варжасаськ кодапт кенерьфста марензон таньфсна. А сембода визьксоль тейне, мес ашине пяшкоде алязень мяленц- ашезь ванфтов марлюнясь.

Алязе ашезь мърда войнаста. Альняказе касомок, строясь оцю куд, а перьфканза озафтсь сад. И вальмалда марлюське ашезь коське, арась  вирь марлюкс, паргангодсь и эрь тунданя панчфонза пяшкотькшнезь перьфпяльть танцти панчфонь шиненяса.