Доромакодж

Сиктъяс… Сиктъяс…Майбыр коми сиктъяс… Сӧмын тай мындаӧн найӧ сирӧтаӧн колины…Кусiс керкаясыь би, разӧдчисны сиктлӧн ныв- пияныс гырысьджык сикт- посёлокӧ…Ӧти татшӧм Эжва йывса сиктӧ и волам ми тiянкӧд талун… Дӧрӧмакӧдж… Тi сӧмын кывзылӧй- дӧрӧма кӧдж…Позьо ӧмӧй нӧ татшӧ сьӧлӧм вӧрзьӧдана нимсӧ вуджӧдны кутшӧмкӧ мӧд кыв вылӧ!

Эжва катыдлӧн шуйгадладорас,джуджыд кык норыс бокын сулалӧ важ грезд-Дӧрӧмакӧдж.Коркӧ  18-19-од нэмъясын овмӧдчылӧма татчӧ  коми морт Сидӧр Пиля,дерт жӧ, бур олӧм корсьӧм могысь.А сэсся и витнан пиыс семьянас  локтомаось татчо.Видзломаось уна скот,быдтывломаось нянь.Но вежсис   страналӧн политика, вежсис грездлон мыгорыс и  сиктса йозлӧн  олан ладыс.
Талун  танi сомын сизим керка, быттьӧ сизим олӧма дзормӧм пӧч , важ моз на виччысьӧны гожӧм кежлӧ  пыр гежӧдджыка волысь внук- внучкасӧ да налысь нин челядьсӧ. Лок, майбыр да шойччы мыйта окота!
Дзик грездкод орччон  эськӧ помтӧм дортӧм ыб вӧвлӧма,да сӧмын  уна вонад  тай  удитӧма  нин рассявны… Э-э-эк! Сы вӧсна ог нин вермӧй нимкодясьны- котравны сэтi. Но  вотчан местаясодз оз ков ыло мунны-ставыс  на дiнад,сомын йор саяд  пет. Сӧмын эн дышӧдчы, вот, мый сьӧлӧмыдлы колӧ :оз ли,чод ли...Позьо на и сус колльон чосмасьны…Матыстчан и шензян, кутшӧм вын поздысьӧма тайӧ вежа пуясас. Коми йӧз весиг шулӧмаӧсь, Исус пу пӧ тайӧ, керавны оз позь.

.И сус пуяс,быттьо коми  легендаса  багатыръяс, сулалоны нӧрыс йылын да дӧзьӧритӧны  грездсӧ лёк йӧзысь. Гашкӧ, найӧ век на эскӧны , мый воас сэтшӧм лун, мый бара на рытнас ӧзъяс татчӧс керкаясын би. Уличаыс шызяс  челядь гӧлӧсӧн… Кутшӧм нимкодь эськӧ вӧлi кывны татшӧм юӧрсӧ… Ме пӧ чужи Кулӧмдiн районса выльысь ловзьӧм Дӧрӧмакӧдж сиктын!