2016 - Год российского кино.

Муниципальное  общеобразовательное  автономное учреждение

средняя  общеобразовательная  школа №10 “Центр образования”

городского округа город Нефтекамск Республики Башкортостан

Республиканский   конкурс сочинений “Пою мою республику”

2016 - Год российского кино.

 (сочинение)

Нефтекамск, 2016

Нефтекама ҡалаһы 10-сы урта дөйөм белем биреү мәктәбе

 “Белем биреү үҙәге”

муниципаль  дөйөм  белем  биреү  автономиялы  учреждениеһы

“Республикамды данлайым” иншалар конкурсы

2016 – Рәсәй киноһы йылы.

(Инша)

Нефтекама, 2016

Кино. Кино йылы. Илебеҙҙә кино йылы! Рәсәйҙә һәм Башҡортостанда 2016 йылдың Кино йылы тип иғлан ителеүе күңелемдә нескә хистәр уятты. Мин кино ҡарарға яратам. Актриса булырға хыялланам. Барлыҡ донъяға билдәле булған, танылған актриса булғым килә.

Рухи ҡиммәттәрҙе пропагандалаған фильмдар төшөрөлөргә һәм күрһәтелергә тейеш. Кино бигерәктә йәш быуындың белемен, үҙаңын үҫтереүҙә мөһим урынды биләй. Башҡорт телендәге кинолар күберәк төшөрөлһөн, халҡыбыҙ рәхәтләнеп үҙ телендәге фильмдарҙы ҡараһын ине. Көндән-көн күбәйгән тамашасылар һанына ҡарап һоҡланам. Улар араһында йәштәрҙең, балаларҙың күбәйеүе ҡыуаныслы. Минең уйлауымса, кино бөгөн тәрбиәүи яҡтан бигерәк әһәмиәтле. Йәштәр телевидение,интернет селтәренән бик күп мәғлүмәт ала. “ Яратам һине, Башҡортостан!” тигән фильмдар конкурсы иғлан ителде. Республика киномарафоны эстафетаһы төрлө ҡалаларҙа, райондарҙа юғары шарттарҙа, онотолмаҫлыҡ булып үтә.

Әсәйем һөйләүе буйынса, киноларға йөрөү әҙәп-әхләҡи яҡтан да этәргес көс биреп тора. Матур тәбиғәт ҡосағында, иҫ киткес  мөхәббәт ялҡынында, пар ҡанаттай дуҫлыҡ  хистәрендә тәрбиәләүсе һинд киноһы ул ваҡыттарҙа күптәрҙе әсир иткән.

Үҙебеҙҙең кино сәнғәте барлыҡҡа килеүенә сирек быуаттан ваҡыт. Ошо ваҡыт арауығында «Башҡортостан» киностудияһы халыҡты арҙаҡлы шәхестәребеҙ тураһында йөҙгә яҡын документаль, хроник, 10-дан ашыу ҡыҫҡа һәм тулы метражлы нәфис кинофильмдары, сериалдар менән ҡыуандырҙы. 

        Кино сәнғәтенең үҙ йөҙө, традициялары бар. «Башҡортостан» киностудияһы тарихи, документаль һәм художестволы таҫмалар төшөрөү менән бер рәттән, республика тормошонда булып торған әһәмиәтле ваҡиғаларҙы йылъяҙмалар рәүешендә теркәп бара, Башҡортостан юлдаш телевидениеһы, «Тамыр» балалар каналы, шулай уҡ шәхси студиялар туҡтауһыҙ яңынан-яңы фильмдар тыуҙырып тора. Республикала төрлө кинофестивалдәр даими үткәрелә, кино сәнғәте менән ҡыҙыҡһыныусылар күбәйә, конкуренция артыуы – өлкәнең үҫешенә үҙе бер этәргес. Бөгөнгө көндә беҙҙең башҡорт киноһы ла яйлап үҫешә, донъя кимәленә сыға, милли колоритлы фильмдарыбыҙ халыҡ-ара фестивалдәрҙә призлы урындар яулай.  
              Беҙҙең бала сағыбыҙ кино донъяһында үтә  тип әйтһәк, һис тә хата булмаҫ. Кѳн дә киноға йѳрѳйбөҙ. Ниндәй матур, һоҡландырғыс, иҫтәлекле  саҡтар! Мостай Кәримдең әҫәрҙәре буйынса төшөрөлгән “Оҙон-оҙаҡ бала саҡ”, “Айгөл иле” фильмдары айырыуса күңелемә яҡын. Айгөл роле исеме менән дә, есеме менән дә миңә бик яҡын. Уйланыусы, төплө фекер йөрөтөүсе, хыялланыусы ҡыҙ бала. 

        "Башҡортостан" телерадиокомпанияһында "Ай ҡыҙы" исемле күп сериялы телевизион фильм төшөрөлдө. Был – 33 сериялы беренсе башҡорт сериалы. Хисле, дәртләндергес, этәргес көс биреүсе актерҙар. Тамашасыға ныҡ тьәҫир итә икән, тимәк, һин ысын актер. Үрнәк алырға әле тырышып уҡырға ла уҡырға. Үҙеңдең сағыу бер образыңды булдырырға кәрәк.

        Беҙгә, киләсәк быуынға, кино сәнғәте менән ҡыҙыҡһыныусыларға,  быйылғы йыл айырыуса фәһемле.  Кино сәнғәте – ул ижад. Мин – ижад кешеһе. Беҙҙең өсөн  яңы маҡсаттарға өлгәшергә, алдағы хыялдарыбыҙҙы тормошҡа ашырырға мөмкинлектәр асылыр тип ышанам.