Сочинение"Эҙең ҡалыр әгәр тырышһаң"

Эҙең ҡалыр әгәр тырышһаң.

Кеше был донъяға үҙенән һүң эҙ ҡалдырыр ,илгә файҙа килтерер өсөн тыуа.

Яңы үрҙәргә менер өсөн яҡшы уҡырға, белем алырға, хеҙмәт емештәрен тупларға тейеш. Кешене хеҙмәтенә ҡарап баһалайҙар, хөрмәт итәләр.

Башҡортостан республикаһының Балаҡатай районында бәләкәй генә Хәйбәт ауылы урынлашҡан. Беҙҙең ауыл бәләкәй булыуына ҡарамаҫтан, тыуған төйәгенең үҫешенә ҙур өлөш индергән кешеләр бар.

Минең ошондай кешеләрҙең береһе ауылдашым Йосопова Фәймә Фәхретдин ҡыҙы.

Фәймә апай Хәйбәт ауылында уҡытыусы ғаиләһен дә тыуа. Уның ғаиләһендә өс бала уҡытыусы һөнәрен һайлай. Ул үҙе бәләкәйҙән уҡытыусы булырға хыяллана. Атаһына йыр дәрестәрен үткәрергә ярҙам итә.  Юғары уҡыу йортонда уҡытыусы һөнәрен үҙләштереп мәктәпкә эшкә килә. Ул шул тиклем яратып башҡара үҙ эшен. Буш ваҡыттарын да йәмәғәт эштәрен башҡара һәм үҙен бәхетле итеп тоя.

Йондоҙҙар күктә яналар, ә кешеләр ерҙә балҡый. Илем, ерем, телем, халҡым тип ситтә йәшәүсе ауылдаштар ауылмдың данын арттыра.

Фәймә Фәхретдин ҡыҙы хәҙерге ваҡытта Екатеринбург ҡалаһында Йәмғиәт ойошмаһының президенты, 1-се Ҡоролтай ойошмаһының вәкиле һәм “ Йәдкәр” театраль коллективының етәксеһе. Ул тыуған халҡымдың ҡыҙы! Башҡорт халҡының телен, мәҙәниәтен, ғөрөф-ғәҙәттәрен, йолаларын өйрәтеүсе лә.

2013 йылда атаһы эшләгән, үҙе уҡыған мәктәптә, атаһының исемен мәңгелләштереп, таш таҡта астырҙы. Ауылыбыҙҙа нәҫелдәр ебен, быуындар сылбырын барлап “Шәжәрә” байрамы ойошторҙо. Беренсе тапҡыр “ Һаумыһығыҙ ауылдаштар”  байрамы ла уның ниәте менән уҙғарылды.

Мин тыуған ауылымда ошондай кеше тыуып үҫкәнгә, Фәймә Фәхретдин ҡыҙына, һоҡланам һәм ғорурланам. Киләсәк йәш быуын кешеләренә ул үрнәк булһын, уға оҡшарға теләүселәр артабан артһын ине.

Балаҡатай районы Урғалы урта

   мәктәбе уҡыусыһы Мөфтәхова Аделина

8 класс уҡыусыһы