Родина

Мордовия - России уголок

С одной судьбой, с одним предназначеньем.

И небо синего высокий потолок

Один на всех без исключения.

Кода-бъди тядязе азондозе мондеен турестическяй круизонь колга Равжа морянь побережьять эзга. Администраторсь гостиницать Ростовса-на-Дону коданга ашезе сява пряс, коста састь туристне.

- Молдавияста?

- Монголияста?

- Мордовияста?! А тя мезе тяфтама? Коса тя?

Монь амбонфтемань тя кизефксь, кода синь аф содасазь географиять? Оцю ошса афи арсихть минь республиканьконь эряфонц колга, кона ащи Россиять кучкаса? Мес? Мон лама арсень тя кизефксть колга.

Ломанць эряй и аф няйсыне кой-кона пингс, кода мазыхть закатне, лама тюсса сексень пейзажсь, вирьхне, паксятне, китне, конат ласькихть ичкози. Тя сембось марса сотнеф лооманть эряфонц мархта. Природась аф корхтай, сон аф кармай аазондома эсь мазы шинц колга. Тяфта и монь Мордовиязе – скромнай, сетьме: сон ули и кода бта аш. Аф шумондай, аф ювади, аф грозей, аф азонды претензият. Эряй эстеенза валомне векта векс вирьхнент и паксятнень потмоса и сяда цебярь пялькс аф веши. Бесконечно добрай, терпеливай, кода и сонць Россиясь. Сембодни ули васта шить ала. И аф эряви ювадемс, штоба минь юмафтолеськ мокшень кяленьконь республикаса. Минь мокшень ломатяма и тя мархта сембось азф. Общай судьбаньке, общай вяри кеподеманьке и праманьке.

Сяряди вастоц Мордовиять – юмси велетне. Од ломатне ворьгодихть ошу. Паксятне, стакаста воявафт вирь вакса и векста векс урядсефт минь сире предканеконь мархта, кастсть бурьянца.

Колма вещатне сотнезась древностнень модать мархта: храпне, калмотне и предкатне. Тоса, коса древняйхне корхнесть «Минь предканьке», тяни минь корхтатама «Минь етай пингоньке». Минь лиякс, аф кода синь кельгсаськ Родинаньконь. Минь соблазняет сай пингонь, аф етай пингонь магиясь. А минь предканеконь валсь «Родинась» ульсь прилагательнайкс и сочетался вал мархта «Мода», тя ульсь «Атянь мастор». Тя валс пачкочнесь мяк седис. Тяни валсь «Родинась» эряй сонць эсезонза и маряви лишь валса, аф седиса.

Минь, иттне Модать, кадоськ атянь масторть. Значит, мезе-бъди сембода важнай государствать эряфста юмафтф, но мон нинге арсян, што сембось арай эсь вастозонза. Сюконятама нинге сеенза, шачем масторти, анатам прощения. Макст пинга. И тага кармай колосится нивась благодатного уголка России. Монь уверенностезе кръвязи аф шава вастса.

«Ванфтомс велеть, сонь традициянц и культуранц, школатнень, атянь калмотнень, сембе лия атрибутнень велень эряфтста – тя святой тевсь. Тевсь шачем крайсот, принципсь «Коса шачеть – тоса и гондастять» - главнай гарантиясь, што минь аф улихть Иванов, конат аф мяляфтсазь эсь родстваснон». Да ули тяфтя!

Приветлива и хлебосольна минь стронаньке, мокшень уголоксь Россиять. Аш мезевок мала седи вакс кода тядя-аля кудсь. Коза бы минь сай пингть афолемазь ерда эряфоньке, минь всегда учсамазь, коса тейнек всегда кенердыхть. Тяфтама вастокс эрь ломанти ули емла шачема вастоц!

Родимый край!

Не вьюги над тобой –

Твоих садов черемуховый дым.

В рассветных речках – небо голубое

И отмели с песочком золотым.

(А. Малькин)