Родимое место

МОУ «Средняя общеобразовательная школа с углубленным изучением отдельных предметов № 38»

Сочинение на тему:

«Шачема Масторозе»

Выполнила: Исаева Анастасия Александровна

ученица 9А класса

Руководитель: Трушкова Оксана Николаевна

учитель мордовского (мокша) языка

Саранск 2015

Шачема Масторозе!

Сембода мазысь и питнись сембе мирса – шачема масторсь. Эрь ломанть ули сонцень ёмла уженяц – велец, ульцяц, кудоц, коса сон шачсь, ётафтозе идькспингонц. Тя сонь ёмла родинац. Тяфтама ёмла уженятнень эзда ащи минь оцю Родинаньке. Сон ушеды шачема-касама кудть порогонц эзда. Сон оцю и мазы. И кажнай ломанть сон фкя. Кода тядясь.

Монь шачема масторозе – Мордовиянь Саранск ошсь. Мезьста ушеды Родиназе? Эрь мезне, мзярда арьсезеван тя кизефксть лангса, сельминголен эвондай 10 этажста ащи кудсь, коса шачень, пирьфоц, коса налхксень шуварнять лангса, жалнамада пяшксе ульцясь, коса содафтонь шабрань цёранятнень и стирнятнень мархта, конат сяльде ушедсть тонафнема мархтон фкя класса. Родинась – тя школать пирьфоц, кона ащи кудозень вальманзон ала.

Родинать аф кочксесазь, сон максови ломанти шачеманц мархта.

Мордовиязе – нят пефтома вирьхне, сёронь паксят и эрьхкт, панжи панчфта пяшксе лугат. Тя сембось пяшкодьсы ваймоть и мяльхнень арушиса. Тунда маряви, кода морайхть цёфксне. А конашкава мазыхть кизонда панжи панчфонь и масторонь кстынь куженятне! Ламоц писательхне и поэттне сёрматфсост аф весть моразь мастороньконь мазышинц.

Республикасонк эряй лама национальностень и религиянь представитель. Эрь народсь сувафты Мордовиять культуразонза мезе-бди одня. Тянкса сонь улихть лама эсь лацонь ширенза. Ладязь эрямась, фкя-фкянди, религияти и культурати кельгомась вятемазь сянди, што Мордовиясь арась тейнек марстонь шачема кудкс, коса аш васта сялондомати и кяжень кирдемати.

Пяк кельгса ёмла родиназень – Мордовиять!