Ава ды лей

МОУ «Средняя общеобразовательная школа с углубленным изучением отдельных предметов № 38»

Сочинение на тему:

«А. И. Калинкинонь романоц «Ава ды лей»»

Выполнила: Сасова Елизавета Сергеевна

ученица 6 «А» класса

Руководитель: Трушкова Оксана Николаевна

учитель мордовского (мокша) языка

Саранск 2015

Цебярь кеподьксокс мекольдень кизотнень мокшэрзяньл итератураса арась народнай поэтть И. А. Калинкинонь «Ава ды лей» стихотворнай романоц. Тяфтама произведенияса, кода стихотворнай романць,эрь национальнай литератураса васьфневи аф сидеста.

Тяфтама жанрсь анай писательть эзда эряфть колга цебярь содамошит.

«Ава ды лей» романца лама пялькста. Эсонза писательсь маштсь кочкамс аф фкя формань картинат. Сяда тов сценатне, эпизоттне, линиятне, событиятне и ломанень эряфсь кочкавсь эряфонь фкя пяльксс. Тя сембось и максы И. А. Калинкинонь романонцты эпическяй образ.

Тя романца панжеви эряфсь эрзянь поэтть родинасонза – Чей велеса.

Сонцень поэтть идень пингоц, кода и главнай геройть Надя Калининать, и лама лия иттнень, токаф войнаса. Иван Алексеевич, кода и тя стирнясь, няезе вачешить и ашушить, юмафтозе алянц войнаса. Фамилиясновок пцтай шарфтыхть фкя-фкянь лангс (Калина – Калинкин).

Романонь геройхне – Чей велень эряйхне. Сембе синь сотнефт велеть и Надяньэ ряфонц мархта.

Кунардонь пингонь эряфсь произведенияса лац няфтеви авать эряфонц вельде. Аватне романца мазыхть аф аньцек шамас, но и потмонь ширде. Поэтсь ёрай кеподемс эсь героензон и няфтемс мокшень аватнень сембе мазышиснон, азондомс синь кенярдемаснон и пичефксснон колга.

Штоба максомс романонцты эпическяй образ, сон, И. А. Калинкин, азонды ляйть колга. Тяста и лемоц романть «Ава ды лей». Ляйсь и лемоц аф арьсефт. Синь афкуксоннет.

Ляйть образоц канды оцю эстетическяй мяль. Сон арай олицетворениякс мокшень народонь эряфти. Тя образсь максови романца: авторсь то няфтьсы ляйть нюрьгикс, то эйса, то шудикс. Ляйсь и ломатне педихть марс – тя сембось максы романти эпическяй шире.

Романць тяштьф стане, што эсонза няфтьф кизоть пингонза. Тянкса эряфсь романть эса няфтеви сембе ширде. Произведенияса няфтьф природась максы башка художественнай мяль. Пейзажсь няфтьсы и ломанть мяленц, и вастть, коса моли действиясь. Кепотьксонди, тундась эвондай романть песонза, аф кода кизоть пингоц, а нинге кода геройть од кельгомац. Природань картинатне лездыхть авторти пачфтемс лувити кенярдемать и пичефксть.

Перьфпяльть коряс ули кода содамс авторть геройхнень колга мяленц. Эряфоц Надянь няфтьф войнать пингть эзда ушедомок тениень шитненди: тя образсь кассы лувихнень инголе. Сонь эряфозонза сувась Чей велеть инкса таколдомась.

Стихотворнай романть эса ниле пялькст. Сембе пяльксне молихть башка. Синь кочкавихть главнай геройть вельде. Романца азондови Надянь идень пингонц колга, сонь ломаттнень мархта ладяманц, васенце кельгоманц, раднянзон и мала ломанензон колга. Эрь пяльксть эса авторсь няфнесы, кода эвондакшни стирть характероц.

Романца няфтеви лама сюжетнай линияда. Геройхнень эряфсна сидеста пуромисть фкяс, тиихть фкя сюжетнай образ, конань вельде лац няеви войнать пингста мокшень народть стака эряфоц.

Эряви азомс, што И. А. Калинкинонь произведенияц ламода токсесы тяниень пингть. Сон мокшэрзянь литератураса пяк няевикс вастса.