Шигырь. "Мең рәхмәт!"

11 нче сыйныф укучысы Мәрдәнмина Айзилә

МЕҢ РӘХМӘТ!

Әй, әнием, әле кайчан гына

Син мәктәпкә мине озаттың.

Кышкы кичне мамык шәлгә төреп,

Хәрефләрне миңа өйрәттең.

Бик тиз уза гомер: мин – унбердә,

Синең кара чәчең чалланды.

Рәхәт балачагым, туган ягым

Еракларда калып югалды.

Дуслар олыгайды: сугышып йөргән

Булатлар да хәзер егетләр.

Кызлар тирәсендә күз кыскалап,

Озатмакчы булып йөриләр.

Озак яшәгез сез, әткәй-әнкәй!

Кайтып керер йорт ул – бер ләззәт!

Якты дөнья өчен, гомерем өчен,

Миннән сезгә бүген МЕҢ РӘХМӘТ!