Ай, Акмулла, Акмулла! (Кобайыр)

Башҡортостан Республикаһы Мәғариф Министрлығы

Краснокама районы Мәғариф бүлеге

Сауыҙбаш төп дөйөм белем биреү мәктәбе

Һай, Аҡмулла, Аҡмулла

(ҡобайыр)

Краснокама районы

Сауыҙбаш төп дөйөм белем

биреү мәктәбенең 7-се класс уҡыусыһы

Лоҡманова Лениза Фаил ҡыҙының эше

Уҡытыусы: Шәмсетдинова Фәүзиә Фәрис ҡыҙы

2011 йыл

Һай, Аҡмулла, Аҡмулла,

Күңеле аҡ, пак мулла.

Ерҙә бик аҙ йәшәһә лә,

Күпте күргән хаҡ мулла.

Һай, Аҡмулла, Аҡмулла!

Мөләйем йөҙлө, аҡ һаҡаллы,

Ап-аҡ селлә ураған.

Ил ағаһы Аҡмуллабыҙ

Алиһәгә оҡшаған.

Һай, Аҡмулла, Аҡмулла!

Ата ҡушҡан исем түгел,

Халыҡ ҡушҡан исем ул.

Бар кешегә яҡшылыҡ,

Сафлыҡ илткән кеше ул.

Һай, Аҡмулла, Аҡмулла!

Уҡыһын тип башҡорт халҡы

Ғүмер буйы янған ул.

Халыҡ бәхете өсөн

Бөтә көсөн һалған ул.

Һай, Аҡмулла, Аҡмулла!

Илгиҙәр булған һәр саҡ,

Ғүмере үткән юлда.

Иртә, кисен, төндәрен дә

Китап булған ҡулында.

Һай, Аҡмулла, Аҡмулла!

Башҡортомдоң ғорурлығы Аҡмулла!

Яҡты төндөң йондоҙо ул Аҡмулла!

Юлыбыҙҙа оло маяҡ Аҡмулла!

Һай, Аҡмулла, Аҡмулла!

Һай, Аҡмулла, Аҡмулла!