Творческая работа в области этнокультурного образования

Кириллова Анастасия 4 «г» классын велőдчысь МАОУ  «СОШ №1»

Мойдам мойдкыв.

Велőдысь Куим Бугыля Дядьő да машинка Керувимушка.

Öти ичőтик карын оліс  Керувимушка. Сійő вőлі зэв кывзысьтőм, эз кőсйы тőдны туй вывса правилőяс. Мукőд дырйиыс весиг вőліны неминучаяс. Но йőзыс Керувимушкаőс эз видны, сы вőсна мый найő вőліны шаньőсь.

Нőшта тайő карас оліс Велőдысь Куим Бугыля Дядьő, коді велőдіс школаын туй вывса правилőяс, но Керувимушкаőс сійő некыдзи эз вермы  тшőктыны мыйкő велőдны.

Öтчыд карса олысьяс заводитісны стрőитны гараж ыджыд камазлы. Экскаватор кодйис ыджыд гу, а велőдысь Куим Бугыля Дядьő пуктіс пас «Оз позь пырны!», медым йőзыс – машинаяс эз усьны гуас. Но миян Керувимушка  чеччаліс да радліс туй вылын, да эз казявлы, кыдзи бротьмуніс гуас. Ставыс повзисны и локтісны отсőг сетны. Кран Дядь кыскис сійőс, а Ичинь Тьőт Отсőг заводитіс лечитны да мавтны мазьőн Керувимушкаőс. Керувимушка гőгőрвоис, кыдзи сы вőсна висис ставлőн сьőлőмыс. Сылы  лои зэв яндзим, а сэсся нораа бőрддзис. Матыстчис сы дорő Велőдысь Куим Бугыля Дядьő, чышкис курыд синвасő, сетіс юны шоныд машина вый да юаліс: «Öні, Керувимушка, тэ локтан школаő?» И сійő вочавидзис: «Быть ковмас!»  Кор сійő бурдіс, муніс Куим Бугыля Дядьлőн урок вылő да заводитіс велőдны туй вывса правилőяс, пасъяс. Сэсянь карса олысьяс (машинаяс) кутісны овны бура, őтсőгласőн.