"Эжымни - минии тулгууримни"

Министерство образования и науки РБ

Курумканское районное управление образования

Улюнханская средняя общеобразовательная школа

                                                                                             Бэшээ: Дамбинова К.,

                                                                                                                11-дэхи кл.

                                                                                              Шалгаа: М.В. Бубеева

Эжымни – минии тулгууримни.

Эмгэн hайхан эжымни шамайгаа

Энхэрэн дуулаха хγсэлни тγрөө…

Эжы! Яагаа нангин γгэ гээшэб?! Гурбахан γзэгhөө бγридэhэн энэ γгэ ямар гγнзэгы удхатайб! Аршаан булагтал тунгалаг шэнгеэр hанагдана. Энэ γгэ минии баяр баясхалантаймни, зол жаргалтаймни, энхэ тайбан байдалтаймни нягта холбоотой гэжэ би γнэн зγрхэнhөө мэдэрнэб.

Эжы… Эдэ мγрнγγдые бэшэжэ hуухадаа, илдам hайхан харасатай, энэрхы зөөлэн сэдьхэлтэй тγрэhэн эжыеэ hанаандаа оруулнам. Эжымништаа – зэндэмэнимништаа.

Эжымни энэ юртэмсэ дэлхэй дээрэ намдаа эгээл hайхан. Хγн эгээ тγрγγн аманда ороходоо, «эжы» гэжэ γгγγлдэг, тиимэhээ иимэ hайхан, hайн гээшэ гγ? Эжыдээ зγрхэ сэдьхэл соогоо хадагалжа ябаhанаа хуу хөөрэдэгби, хөөрэхэшьеб, юушье эжыhээ нюужа шадахагγйш. Эжы шинии нюурыешни хараhаар хуу ойлгохол даа.

Минии эжы Очирма Баясхалановна Кушеева Бархан γндэрэй хормойдо, Баргажан мγрэнэй эрьедэ оршоhон Хонхино нютагта тγрэhэн гараhан, γндыhэн намтартай. Хγндэмγγшэ, зугааша, налгай hайхан абари зантай. Бууhан айлшаниие халуухан сайгаараа угтан абажа, дулаахан γгөөрөө γдэшэн байдаг. Тэрэнэй сухалдажа, гааража байхыень хараагγйб.

Минии эжы юртэмсэ дэлхэй дээрэ тγрэhөөр энэ жэлдэ 58 наhатай болоо. 58 наhан соогоо хэды юумэ γзэhэн, хараhан гээшэб. Гэр бγлэдөө зургаан γхибγγдэй дγрбэдэхинь байгаашье hаа, бага наhанhаа ажал хэжэ hураhан, аха эгэшэнэртээ туhалжа, дγγнэрээ харалсажа, дундаа эбтэй эетэй ябаха гэжэ ойлгожо абаhан. Минии аба Цыдып Кубусгеевич Дамбиновтай хуби заяагаа холбожо, гурбан басагатай ба хоёр хγбγγнэй эжы болоно. Мγнөө маанадтаа «Дундаа эбтэй ябагты, бэе бэедээ туhалсагты» гэжэ хэлэжэл байдаг. Эжымнай иимэ нангин нимгэн зγрхэтэй ха юм. Табан багашуулаа, бидэнэрээ хγл дээрэнь гаргажа γндылгээ, мγнөө аша зээнэрээ γргэлсэнэ. Yри хγγгэдээрээ омогорхожо, баярлажа ябахаhаа γлγγ юумэн γгы гэжэ маанадтаа хэлэдэг.

Эжымни гγн ухаан бодолтой, хөөрγγ зугаатай, номдо багаhаа дуратай хадаа Улаан –Yдын Культурна – Просветительскэ училищи дγγргэжэ,  номой сангай мэргэжэлтэн боложо гараhан. Тиигэжэ Уланхаан нютагаархидые элдэб номуудаараа танилсуулжа, hонирхуулжа, залуушье, наhатайшье хγнтэй зохидоор хөөрэлдэжэ, нютаг нугадаа мэдээжэ болонхой.

Манай эжы дэлхэй дээрэ эгээ hайхан, эгээ бэрхэ. Эжы шэнги hайхан хγн γгы бшуу. Теэд хγн бγхэнэй эжынэр хуу адлихан hайхан ааб даа.

Минии эжы аалин номгон, даруу зантай, хонгор сагаан сэдьхэлтэй, хγндэ ходо hайниие хγсэжэ, hайн hайхан зγбшэл заабари γгэжэ ябадаг. Эжын хэлэhэн γгэнγγд ходол зγб байдаг юм. Минии эжы аха дγγнэртээшье, айл ашаандаашье хγндэтэй гэжэ hанадагби.

Иимэл эжытэйб! Эжыдээ элγγр энхые, ута наhа, амар амгалан hуухые γнэн зγрхэнhөө хγсэнэб!