Стихотворение к 90-летию Народного писателя Тувы Монгуш Бораховича Кенин-Лопсан

        Донгак Аңгыр-Чечек, 10 класс

                                                                       ϴвүр кожууннуң Дус-Даг ортумак

                                                               ниити билиг школазының ѳѳреникчизи

Буурул баштыг буянныг чогаалчым  М.Б.Кенин-Лопсан Силерге

Алдар-ады делегейде сурагжаан

Авыралдыг буян ѳргээн чогаалчым Силер.

Ачы сиңген уран сѳстүг чогаалдарыңар

Амгы салгал-бистерге-ле ѳргээн Силер.

«Чогаалчылар кавайы» дээр ϴвүр чер-биле

Кожа чыдар Хѳндергейниң ѳгбези Силер

Кѳк-оолдуң, Сарыг-оолдуң соон салгаан

Кѳк-ле баштыг эң Улуг чогаалчым Силер.

Кажан шагда элеп читпес мѳңгүн ышкаш

Кайгамчыктыг шинчилелдер Ээзи Силер.

Кара чаштан тыва чонга бараан болган

Каш янзы чаяалгалыг эртемден Силер.

Тывалар деп кымнарыл ол, онзагайын

Тыва чаңчыл чүл ол дээрзин ѳргээн Силер.

Бурун шагның эң-не дээди шыгжамыры –

Буян тараан ужурларын сѳңнээн Силер.

Школачы уруг-дарыг Силерниң-биле

«Чылгычының ѳѳнче» кирип таныжар бис.

«Чүгүрүк Сарала» - эң баштайгы романыңарны

Чүлдү – чүрек кыптыктыр номчуп чор бис.

Тозан харны харлап турар ϴгбемниң мээ

Кезээ шагда угаадыглары – айтыкчым ол.

Кырган-ачам Артист Таваккай эжи дээрзин

Коптарар-шинчилээр чаңым-биле билип алдым.

Тыва чоннуң чүдүлгези ханы дээрзин,

Тыва чоннуң чаңчылдары мѳңге дээрзин,

Тыва чоннуң сүлде-сүзүү ханында дээрзин

Тозан харлаан ϴгбем Силер ѳѳредип чор силер.

Узун назы назылаан Улуг чогаалчымга

Уран сѳзү, угаадыглары үзүктелбезин,

Узун баткан Улуг-Хемниң суу ышкаш

Улам-улам Делегейге алдаржызын!