Сочинение на конкурс к 70- летию Победы.«Победу завоевали! Мир отстояли!»

Уалдзæгимæ нæ зæххмæ æрцæуы Уæлахизы бæрæгбон. 2015 азы ацы бæрæгбон уыдзæни 70-æм хатт. Цины цæссыгтимæ сæмбæлæм Уæлахизы боныл мах, сæрибар царды адæм, æмæ хæсты хъайтартæ, нæ æхсарджын ветерантæ. Бирæтæ афтæ æнхъæлынц, цард рæстæмбис у, æмæ йæ радæй цæуы. Фæлæ ʹрмæст стæм адæм æмбарынц, нæ Райгуырæн бæстæ нын чи бахъахъхъæдта, сæрибардзинад тугæй чи балхæдта, уыцы фæлтæр цы бæгъатыр сгуыхтдзинад равдыстой, уый. Хæсты рæстæджы номдзыд адæм – нæ фыдтæ, фыдыфыдтæ, мадтæ, æрыгонæй, зæрондæй- бавзæрстой хæсты азар. Æнкъардтой æрмæст буары рыст нæ, фæлæ ма моралон зындзинад æмæ рыст. Цавæр «дурзæрдæ»  хъуамæ уа мадæн, йæ сывæллоны сæфт уынгæйæ, йæ сæр бæрзонддæр чи иста.

Не ʹ мбæстонтæ баиргъæф кодтой Райгуырæн зæхх, цæмæй мах, ног фæлтæр, аккаг æмæ сæрибар цард кæнæм.

Фыдбылызтæм нæкæсгæйæ не ʹ фсад фæуæлахиз тугдзых фашистыл.Уымæн æмæ советон адæмы нæ фæндыди туг калын, нæ бæллыдысты хæст райхалынмæ, нæ тырныдтой марынмæ.  Æрмæст хъахъхъæдтой сæ Фыдыбæстæ, сæ бинонты. Раст уый тыххæй фæуæлахиз стæм: нæ зæрдæты уарзондзинад уыдис,фашисттæн та- куырм æнæуынондзинад.

Æхсар равдисгæйæ æппæт дуне бамбæрста, советон адæмыл фæтых кæнæн нæй! Советон адæм æнæфæцудгæ сты цыфæнды зын фæлтæрæнты ныхмæ! Советон адæмæн нæй сæ ныфс асæттæн!

9- æм май у Стыр Уæлахизы Бон! Уæдæ цæмæн кæуынц нæ бæгъатыр ветерантæ? Уыдон сæ цæссыгтæй æхсынц æнусы кад, Райгуырæн бæстæйы сæрыл чи фæмард, уыцы геройтæн.

Кæд æвдай азы рацыд æбуалгъ, тæссаг æмæ тугкалæн хæст фæудыл,  уæддæр иу адæймагæй дæр хъуамæ рох ма уа нæ фыдæлты сгуыхтдзинад. Ма мынæг кæна нæ зæрдæты.  Æмæ ʹрмæст 9 –æм майы нæ, фæлæ æрвылбон нæ зæрдыл дарæм, сæрибар цард нын чи балæвар кодта, уыцы адæмы  хæстон æнтыст.

Мах, æрыгон фæлтæр, аккагæй  дарддæр хæццæ кæндзыстæм нæ фыдæлты раст хъуыддаг.