Сочинение на бурятском языке о родном крае
Каждый человек, где бы он ни был, всегда с теплом и нежностью вспоминает то место, где родился, где впервые ступил на землю. И это место - малая родина.
Скачать:
| Вложение | Размер |
|---|---|
 k_konkursu_buryatskogo_yazyka.docx | 19.49 КБ |
Предварительный просмотр:
Эмгэн тоонто, Эхэ нютаг!
Анхан турэжэ тэнжэhэн, хулөө шоройдоhон нютаг гээшэ хүн бүхэндэ, хаанашье ябахадань, халуун дулааханаар hанагдан, сэдьхэл зүрхыень хүдэлгэн байха жэшээтэй. Юуб гэхэдэ, хүн бүхэн эжынгээ хэбэл соо хүгжэжэ хүсэлдөөд, нарата дэлхэйдэ түрэхэдөө, тэрэ тоонто нютагайнгаа амисхалаар амилжа, абари сэдьхэлыень абалсан, ажабайдалай үргэн замда гарадаг ха юм. Тиимэhээ хэндэмнайшье үршөөгдэhэн ажабайдалайнгаа өөр өөрын аян замда гарахаяа зэhэхэдэмнай, «гарыемнай ганзагада, хүлыемнай дүрөөдэ хүргэн » дүнгүүлжэ үдэшэдэг эльгэ нимгэн эхынгээ шэнжэтэй түрэhэн тоонтоёо эмгэн буурал Эхэ нютаг гэнэбди. Минии түрэhэн нютаг Алла гээшэ.
Жэлэй алишье сагта жэгдэ hайханаар hанагдадаг минии аглаг нютаг! Хангай hайхан хабарай түлэг соо, халуун оронhоо бусаhан шубуудай дуугаар зэдэлжэ, үнгын гоё сэсэгүүдээр эльбэн hэбшээлжэ байhан эхэ нютагаа харахадаа, ямар хүн уярхагуйб даа. Түрэhэн нютаг гээшэмнай дэлхэй дээрэ юунhээшье үнэтэй байдаг юм. Хуби заяанайнгаа шиидхэбэреэр холын дайдада, түби дэлхэйн захада ябаашье hаа, хилын саана гараашье hаа, хэзээ нэгэтэ түрэhэн нютагаа эрьен ерэхэ, нютагаа бурхадые хүндэлхэ, үри хүүгэдээ уг гарбалтайнь танилсуулха ёhотой гэжэ эхэ эсэгын нангин үгэнүүд хододоо намда hанагдадаг. Түби дэлхэйн жама ёhые өөрынгөө түхэреэн соо багтаажа шадаhан эмгэн тоонто, Эхэ нютаг!
Бидэ түрэл нютагайнгаа заха хизааргүй аажам тала дайдадань, үндэр ехэ ой тайгадань, Сахилтаар ба Бууралтаар хабсагай хада уулануудтань, уhа ехэтэ гол мүрэнүүдтэнь, сэбэрхэн, шууяатай горхонуудтань дуратайбди. Түрэhэн нютагhаа үнэтэй, ойро дүтэ юумэн байхагүй!
Нютагайнгаа нэрэ нэрлүүлжэ, шарай, шадал харуулжа ябаhан ажалай түрүүшүүл манда олон юм. Эхэ оронойнгоо hүрөөтэй үдэрнүүдтэ нютагаймнай үбгэ эсэгэнэр эдир залуу хаhадаа хархис дайсантай тулалдажа, Эхэ орондоо, түрэл нютагтаа, хойто үетэндөө энхэ жаргал асарhан, бэлэглэhэн байна. Эрэлхэг баатарнууд хододоо мүнхэ!
Табан хушуу малаа үдхэжэ, ажалай дуугаар зэдэлэн байдаг аглаг тэнюун нютагайнгаа олзо оршые арьбадхан хүтэлхэ, арад зонойнгоо ажаhуудалые улам hайжаруулха залуу хүбүүд ба басагад олошорно. Эхэ нютагайнгаа hургуулида hуража байhан эдир үетэмнай hайса ойлгоно: ажал худэлмэриин онол дадал оложо, ажабайдалайнгаа үргэн замай бэлшэртэ алдангүйгөөр гараха байнал.
«Эхэ эсэгынгээ hургаал сооhоо, хани нүхэдэйнгөө харилсаан сооhоо, нютаг зонойнгоо зугаа сооhоо элиржэ байhан хүбүүд, басагад, хаанашье ябахадаа, халуун дулаанаар шамаяа дурсажа, сэдьхэлдээ дүтөөр няажа, хододоо туhатай, эльгэ нимгэн ябахабди, эмгэн тоонто, Эхэ нютаг!» Энэ манай тангариг ури бэедээ дамжуулнабди!
МБОУ «Дыренская средняя общеобразовательная школа»
Курумканская МПБ
Сочинение на тему:
Выполнил: Цыденов Борис,
ученик 11 класса
с.Алла, 2013
За чашкой чая
Этот древний-древний-древний мир!
Сочини стихи, Машина
Интересные факты о мультфильме "Холодное сердце"
Серебряное копытце