Встреча с Коста "Если бы..."

    9 къласы ахуырдзауты ныхас Къостаимё

         Базонгё ут, зынаргъ ёмбёлттё, ацы къласы ахуырдзаутёй иуёй-иутё Къостайыл куы амбёлыдаиккой, уёд цёуыл аныхас кодтаиккой йемё, уыимё. Ёмё ма бафёлварут базонын, чи сты цымё?..

         1 ныхас. Афтё куы рауаид, ёмё иу дзёбёх бон Къостайыл фембёлдтён, уёд мё ныхас йемё мёнё куыд саразин:

          - Салам, нё зынаргъ Къоста, куыд цёрыс ныртёккё? Зоныс, де’мдзёвгётё мё зёрдёмё куыд тынг цёуынц? Гёнён ис, ёмё демё мё къам сисон? Къоста куы сразы уыдаид, уёд уый фёстё мё къам алкёмёдёр ёвдыстаин ама мёхицёй ёппёлыдаин, Къостайы федтон ёмё йемё дёр аныхас кодтон, зёгъгё…

        2 ныхас. Афтё куы рауаид, ёмё иу дзёбёх бон Къостайыл фембёлдтён, уёд мё ныхас йемё мёнё куыд саразин:

          - Къоста, фёнды мё базонын, куыд цардыстут уыцы заманты, цытё арёзтат, цы уарзтат аразын? Мах дын ёхсызгонёй де ‘мдзёвгётё фёахуыр кёнём, алы аз дын дё гуырёнбонмё бацёттё кёнём нёхи, фёдзурём сё аив. Къоста, ды дё мё уарзондёр поэт!

       3 ныхас. Афтё куы рауаид, ёмё иу дзёбёх бон Къостайыл фембёлдтён, уёд мё ныхас йемё мёнё куыд саразин:

         - Фыццаджыдёр, дё бон хорз, Къоста! Ёз дын де ‘мдзёвгётё афтё бирё уарзын, ёмё мё фёндид, афтё рёсугъд мён дёр иронау дзурын куы сахуыр кёнис. Ёмё кёд нё сарёхстаин рёсугъд дзурын, уёддёр мын ёхсызгон уыдаид, Къоста мё кёй ахуыр кодта, уый…

       4 ныхас. Афтё куы рауаид, ёмё иу дзёбёх бон Къостайыл фембёлдтён, уёд мё ныхас йемё мёнё куыд саразин:

         - Зынаргъ, Къоста! Тынг ёхсызгон мын у дё уынд. Ёвёццёгён, Ирыстоны дыккаг дё хуызон нал райгуырдзён. Ды дё тынг цымыдисаг адёймаг; дё хъёздыг удыхъёд махёй, ирон адёмёй, стёй иннё нациты адёмтёй дёр никуы уыдзён рох!..

       5 ныхас. Афтё куы рауаид, ёмё иу дзёбёх бон Къостайыл фембёлдтён, уёд мё ныхас йемё мёнё куыд саразин:

        - Къоста, ирон адёммё ис бирё поэттё ёмё фысджытё, фёлё дзы дёуёй хуыздёр адёмы ничи ёмбёрста, мён фёнды базонын, куыд дын бантыст уыйбёрц ёмдзёвгётё ныффыссын ёмё уыйбёрц нывтё саразын? Кём дын уыди рёстёг та?

       6 ныхас. Афтё куы рауаид, ёмё иу дзёбёх бон Къостайыл фембёлдтён, уёд мё ныхас йемё мёнё куыд саразин:

       - Къоста, тынг дис кёнын, кёй дыл сёмбёлдтён, ууыл. Фёнды мё бафёрсын, де ‘мдзёвгётё куыд фыстай, стёй цавёр фыссён ёрмёгёй? Бузныг дын, ёнцон ахуыр кёнён кёй сты, ныв дёр рёсугъд кёй кёныс, уымёй!

       7 ныхас. Афтё куы рауаид, ёмё иу дзёбёх бон Къостайыл фембёлдтён, уёд мё ныхас йемё мёнё куыд саразин:

       - Фёнды мё бафёрсын, Къоста, национ литературёйён бындур саразын ёмё йё адёмён базонын кёнын дё бон куыд сси? Ёз дын мёхёдёг де ‘мдзёвгётё бирё уарзын, мё зёрдёмё тынг цёуынц…

       8 ныхас.  Афтё куы рауаид, ёмё иу дзёбёх бон Къостайыл фембёлдтён, уёд мё ныхас йемё мёнё куыд саразин:

      - Куыд цардтё, Къоста, гыццыл куы уыдтё, уёд? Куыд дё абон та? Куыд дын бантыст утёппёт ёмдзёвгётё ныффыссын? Гъе, бёргё, ёз дёр дё хуызён поэт куы уаин, уёд гёнён ис, ёмё мё ахуыргёнёг бирё уарзид. Фёлё ёз дёу хуызён нё дён…

      9 ныхас. Афтё куы рауаид, ёмё иу дзёбёх бон Къостайыл фембёлдтён, уёд мё ныхас йемё мёнё куыд саразин:

     Ёвёццёгён, ём ёз фыр ёфсёрмёй дзургё дёр ницы скёнин, хёлиудзыхёй йём кёсин.. Фёлё йё уёддёр бафёрсин йё царды хабёрттёй, ирон национ гени куыд сси, уымёй.

     Фёлё мё, хёрзаг, хъуыды дёр не ‘ркёнид ёмё мё фёрсты ахизид…

                                                                                                                                                      Цёй, кёй дзы базыдтат?